Ҳукумати Ҷумҳурии Тоҷикистон

ҚАРОР

Дар бораи гирифтан ва ба Маъмурияти минтақаи озоди иқтисодии "Данғара" додани қитъаҳои замин

Мутобиқи моддаҳои 26(1), 29 ва 30 Кодекси замини Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Аз ҳисоби заминҳои хоҷагиҳои деҳқонӣ ва фонди махсуси ноҳияи Данғараи вилояти Хатлон дар майдони умумии 521,32 гектар, аз он ҷумла: 254,64 гектар замини корами лалмӣ, 236,29 гектар чарогоҳ, 6,27 гектар зери об, 0,30 гектар зери сохтмон, 5,06 гектар зери роҳҳо ва 18,76 гектар дигар заминҳои ғайрикишоварзӣ гирифта, ба истифодаи бемӯҳлат ба Маъмурияти минтақаи озоди иктисодии "Данғара" дода шавад (қарори Ҳукумати ҶТ аз 31.12.2014 № 832).

2) Қитъаҳои замини гирифташуда бо тартиби зерин амалӣ карда шаванд:

- хориҷ карда шуд (қарори Ҳукумати ҶТ аз 31.12.2014 № 832);

- аз ҳисоби заминҳои хоҷагии деҳқонии "Файзибой" 20,0 гектар, аз ҷумла: 18,0 гектар замини корами лалмӣ ва 2,0 гектар чарогоҳ;

- аз ҳисоби заминҳои хоҷагии деҳқонии "Ҷалолиддин" 41,96 гектар, аз ҷумла: 39,0 гектар замини корами лалмӣ, 2,30 гектар чарогоҳ, 0,30 гектар зери об ва 0,36 гектар зери роҳҳо;

- аз ҳисоби заминҳои хоҷагии деҳқонии "Насриддин" 91,36 гектар, аз ҷумла: 62,61 гектар замини корами лалмӣ, 27,59 гектар чарогоҳ, 0,17 гектар зери об, 0,30 гектар зери сохтмон, 0,41 гектар зери роҳҳо ва 0,28 гектар дигар заминҳои ғайрикишоварзӣ (қарори Ҳукумати ҶТ аз 31.12.2014 № 832);

- аз ҳисоби заминҳои хоҷагии деҳқонии "Меҳровар" 17,80 гектар, аз ҷумла: 12,67 гектар замини корами лалмӣ, 4,77 гектар чарогоҳ ва 0,36 гектар зери роҳҳо (қарори Ҳукумати ҶТ аз 31.12.2014 № 832);

- аз ҳисоби заминҳои Ҷамъияти дорои масъулияти маҳдуди "Некӣ" 17,58 гектар, аз ҷумла: 15,39 гектар чарогоҳ, 1,94 гектар зери об ва 0,25 гектар зери роҳҳо;

- аз ҳисоби заминҳои фонди махсуси ноҳия 235,01 гектар, аз ҷумла: 58,12 гектар замини корами лалмӣ, 158,24 гектар чарогоҳ, 2,46 гектар зери об, 2,96 гектар зери роҳҳо ва 13,23 гектар дигар заминҳои ғайрикишоварзӣ (қарори Ҳукумати ҶТ аз 31.12.2014 № 832);

- аз ҳисоби заминҳои хоҷагии деҳқонии "Ҷобир" 27,13 гектар, аз ҷумла: 20,60 гектар заминҳои корами лалмӣ, 2,82 гектар чарогоҳ, 0,47 гектар зери об, 0,30 гектар зери роҳҳо ва 2,94 гектар дигар заминҳои ғайрикишоварзӣ (қарори Ҳукумати ҶТ аз 31.12.2014 № 832);

- аз ҳисоби заминҳои хоҷагии деҳқонии "Сайдалӣ" 44,18 гектар, аз ҷумла: 36,90 гектар заминҳои корами лалмӣ, 6,76 гектар чарогоҳ, 0,07 гектар зери об ва 0,45 гектар зери роҳҳо (қарори Ҳукумати ҶТ аз 31.12.2014 № 832);

- аз ҳисоби заминҳои роҳҳои чорвогузар 26,30 гектар, аз ҷумла: 6,74 гектар заминҳои корами лалмӣ, 16,42 гектар чарогоҳ, 0,86 гектар зери об, 0,33 гектар зери роҳҳо ва 1,95 гектар дигар заминҳои ғайрикишоварзӣ (қарори Ҳукумати ҶТ аз 31.12.2014 № 832).

3) Мақомоти иҷроияи ҳокимияти давлатии ноҳияи Данғараи вилояти Хатлон:

- ба ивази заминҳои гирифташуда заминҳои баробарарзиш ба хоҷагиҳои деҳқон вобаста намояд;

- қитъаҳои заминро баъди гирифтани ҳосили рӯёнидашуда пешниҳод намояд.

4) Кумитаи давлатии заминсозӣ ва геодезии Ҷумҳурии Тоҷикистон дар ҳуҷҷатҳои кадастри замин тағйироти дахлдор ворид намояд.