ЮНЕСКО КОНВЕНСИЯИ БАЙНАЛМИЛАЛӢ ОИД БА МУБОРИЗА БО ДОПИНГ ДАР ВАРЗИШ Париж, 19 октябри соли 2005

Конвенсияи байналмилалӣ оид ба мубориза бо допинг дар варзиш

Конференсияи генералии Созмони Милали Муттаҳид оид ба масъалаҳои маориф, илм ва фарҳанг, ки минбаъд "ЮНЕСКО" номида мешавад, дар иҷлосияи 33-юми худ, ки 3-21 октябри соли 2005 дар Париж баргузор гардид,

бо дарназардошти он ки мақсади ЮНЕСКО мусоидат ба таҳкими сулҳ ва амният тавассути тавсеаи ҳамкории халқҳо дар соҳаи маориф, илм ва фарҳанг маҳсуб меёбад,

ба санадҳои байналмилалии мавҷудаи ба ҳуқуқи инсон дахлдошта истинод оварда,

қатъномаи 58/5 қабулнамудаи Ассамблеяи генералии Созмони Милали Муттаҳид аз 3 ноябри соли 2003, ки ба варзиш ҳамчун воситаи ёрирасони тарбия, саломатӣ, рушд ва сулҳ дахл дорад, аз ҷумла банди 7 онро ба инобат гирифта,

бо дарки ин, ки варзиш бояд дар ҳифзи саломатӣ, тарбияи ахлоқӣ, фарҳангӣ ва ҷисмонӣ, инчунин дар мусоидат ба таҳкими ҳамдигарфаҳмӣ ва сулҳи байналмилалӣ бояд нақши муҳимро бозад,

зарурати ҳавасмандӣ ва ҳамоҳангсозии ҳамкории байналмилалиро, ки ба решакан намудани допинг дар варзиш нигаронида шудааст, таъкид намуда,

оид ба истифодаи допинг аз ҷониби варзишгарон дар варзиш ва оқибатҳои он ба саломатии онҳо, ба принсипи бозии одилона, решакан намудани қаллобӣ ва ояндаи варзиш изҳори нигаронӣ намуда,

хатари допингро ба принсипҳои одоб ва арзишҳои тарбиявии тасдиқнамудаи Хартияи байналмилалии тарбияи ҷисмонӣ ва варзиши ЮНЕСКО ва Хартияи олимпӣ эҳсос намуда,

Конвенсияро оид ба мукобили истифодаи допинг ва Протоколи иловагӣ ба он, ки дар доираи Созмони Аврупо қабул гардидаанд ва воситаҳои ҳуқуқи байналмилалии оммавиеро, ки ба онҳо сиёсати кишварҳо ва ҳамкории байниҳукуматӣ дар соҳаи мубориза бо допинг такя мекунанд, ёдовар шуда,

ба тавсияҳои оид ба масъалаи допинг, ки дар конференсияҳои байналмилалии дуюм, сеюм ва чоруми вазирон ва кормандони роҳбарикунанда ташкил намудаи ЮНЕСКО дар Москва (с. 1988), Пунта- дель-Эсте (1999) ва Афина (с.2004) оид ба тарбияи ҷисмонӣ ва варзиш қабул гардидаанд, инчунин ба қатъномаи 32С/9, ки Конференсияи генералии ЮНЕСКО дар иҷлосияи 32-юми он (с. 2003) қабул кардааст, истинод карда,

Кодекси умумиҷаҳонии зидди допингро, ки аз чониби Агентии умумиҷаҳонии зиддидопингӣ аз 5 марти соли 2003 дар Копенгаген дар Конференсияи умумиҷаҳонӣ оид ба допинг дар варзиш, инчунин Эъломияи Копенгагенро оид ба мубориза бо допинг дар варзиш ба назар гирифта,

инчунин таъсиреро, ки варзишгарони номдор ба ҷавонон мерасонанд, ба инобат гирифта,

зарурати гузаронидан ва ба таври доимӣ вусьат бахшидани тадқиқотҳоро барои ташаккули усулҳои ошкор намудани допинг ва омӯзиши нисбатан амиқи омилҳои ба истифодаи он таъсиркунандаро ба мақсади таъмини самаранокии бештари стратегияи пешгирии истифодаи допинг ба ҳисоб гирифта,

инчунин доиман муҳим будани маърифатнокии варзишгарон, ҳайати хизматрасони варзишгарон ва ҷомеаро дар маҷмӯъ, оид ба масъалаҳои пешгирии истифодаи допинг ба назар гирифта,

зарурати афзоиши иқтидори давлатҳои аъзоро барои амалисозии барномаҳои мубориза бо допинг ба инобат гирифта,

анҷом додани вазифаҳои мақомот ва ташкилотҳои давлатии барои варзиш масъули такмилдиҳандаи мутақобиларо ҷиҳати пешгирии истифодаи допинг дар варзиш ва мубориза бо он, аз ҷумла барои таъмини чораҳои лозимаи гузаронидани чорабиниҳои варзишӣ дар асоси принсипи бозии одилона ва ҳифзи саломатии иштирокчиёни онҳо, ба назар гирифта,

ҳамкории ин мақомот ва ташкилотҳоро, ки барои ба даст овардани ин ҳадафҳо бо мустақилияти ҳарчи бештар ва шафофият дар тамоми сатҳҳои дахлдор бояд ноил шаванд, эътироф намуда,

барои иҷрои амалҳои минбаъда ва фаъолонаи бештари муштарак ҷиҳати решакан намудани допинг дар варзиш иродаи қотеъ нишон дода,

решакан намудани допингро, ки дар варзиш то ҳадде ба мувофиқаи пайгиронаи стандартҳо ва амалҳои зиддидопингӣ дар варзиш ва аз ҳамкорӣ дар сатҳи миллӣ ва ҷаҳонӣ вобастагӣ дорад, эътироф намуда,

Конвенсияи мазкурро аз 19 октябри соли 2005 қабул менамояд.

I. Доираи истифода

Моддаи 1 Ҳадафи Конвенсия

Ҳадафи Конвенсияи мазкур дар чаҳорчӯбаи стратегия ва барномаи фаъолияти ЮНЕСКО дар соҳаи тарбияи ҷисмонӣ ва варзиш аз мусоидат барои пешгирии истифодаи допинг дар варзиш ва мубориза ҷиҳати решакан намудани он иборат мебошад.

Моддаи 2 Мафҳумҳо

Мафҳумҳои дар поён овардашуда бояд дар қаринаи Кодекси умумиҷаҳонии зидди допинг шарҳ дода шаванд. Вале дар ҳолати ба миён омадани гуногунфаҳмӣ ба муқаррароти Конвенсия бартарӣ дода мешавад.

Барои ҳадафҳои Конвенсияи мазкур мафҳумҳои зерин истифода бурда мешаванд:

1. "Лабораторияҳои (озмокшгоҳҳои) ваколатдори назорати допинг" лабораторияҳое (озмоишгоҳҳое)ро мефаҳмонад, ки аз ҷониби Агентии умумиҷаҳонии зиддидопингӣ ваколатдор шудаанд.

2. "Ташкилоти зиддидопингӣ" шахси ҳуқуқии барои муқаррар намудани қоидаҳои марбут ба таҳия, амалисозӣ ё таъмини риояи ҳама гуна унсури ҷараёни ба назорати допинг масъулро мефаҳмонад. Ба ин гуна шахсони ҳуқуқӣ масалан, Кумитаи байналмилалии олимпӣ, Кумитаи байналмилалии паралимпӣ ва дигар ташкилотҳое, ки чорабиниҳои калон доир намуда, барои баргузории онҳо санҷишҳо мегузаронанд, Агентии умумиҷаҳонии зиддидопингӣ, федератсияҳо ва ташкилотҳои байналмилалӣ ва миллии зиддидопингӣ дохил мешаванд.

3. "Вайрон намудани қоидаи зиддидопингӣ" дар варзиш маънои вайронкунии як ё якчанд қоидаҳои зеринро дорад:

(a) мавҷудияти моддаҳо ё метаболитҳо ё маркерҳои манъшудаи он дар намунаи барои таҷзия аз организми варзишгар гирифташуда;

(b) истифода ё кӯшиши истифодаи моддаҳо ё усули манъшуда;

(c) рад кардани ҳозиршавӣ барои гирифтани намуна барои таҷзия ё бе сабабҳои узрнок пас аз гирифтани огоҳинома мутобиқи қоидаҳои амалкунандаи зиддидопингӣ ҳозир нашудан ҷиҳати гирифтани намуна барои таҷзия ё ба таври дигар саркашӣ намудан аз гирифтани намуна барои таҷзия;

(d) вайрон кардани талаботи амалкунандае, ки барои дастрасии варзишгар ба санҷиши беруназмусобиқавӣ, аз ҷумла пешниҳод накардани иттилоти дархостшаванда дар бораи маҳали ҷойгиршавӣ ва ҳозир нашудан барои санҷиш, ки дар асоси қоидаҳои маъқул таъин карда мешавад;

(e) сохтакорӣ ё кӯшиши сохтакорӣ намудан дар ҳама гуна марҳилаи назорати допинг;

(f) доштани моддаҳо ё усулҳои манъшуда;

(g) паҳн намудани ҳама гуна модда ё усули манъшуда;

(h) ҷорӣ намудан ё кӯшиши ҷорӣ намудани моддаи манъшуда ба ҳар варзишгар ё истифода, ё кӯшиши нисбати вай истифода намудани усули манъшуда, ё кӯмакрасонӣ, ҳавасмандгардонӣ, мусоидат, иғвоангезӣ, пинҳонкунӣ ё шарикӣ дар ҳама гуна шакли вобаста ба вайрон кардан ё ҳама гуна кӯшиши вайрон кардани қоидаҳои зиддидопингӣ.

4. "Варзишгар" барои ҳадафҳои назорати допинг ҳар гуна шахсеро мефаҳмонад, ки дар сатҳи миллӣ ва байналмилалӣ, он тавре ки аз ҷониби ташкилоти миллии зиддидопингӣ муайян гардида, аз тарафи давлатҳои аъзо эътироф мегардад, ба варзиш машғул аст. Инчунин ҳар гуна шахси дигаре, ки ба варзиш машғул мешавад ё дар чорабинии варзишии сатҳи нисбатан поин, чунонки давлатҳои аъзо инро эътироф менамоянд, иштирок мекунад.

5. "Ҳайати ёрирасони варзишгар" ҳар гуна мураббӣ, инструктор, менеҷер, агент, узви ҳайати даста, шахси мансабдор, ҳайати тиббӣ ё мутавозии тиббӣ (паратиббӣ) фаҳмида мешавад, ки бо варзишгарон кор мекунанд ё бо табобати варзишгарон машғуланд ва дар мусобиқаи варзишӣ иштирок мекунанд ва ё омодагӣ мегиранд.

6. "Кодекс" Кодекси умумиҷаҳонии зиддидопингро мефаҳмонад, ки аз ҷониби Агентии умумиҷаҳонии зиддидопингӣ 5 марти соли 2003 дар Копенгаген қабул гардида, бо Иловаи 1 ба Конвенсияи мазкур замима гардидааст.

7. "Мусобиқа" сабқати танҳо, вохӯрӣ, ё қувваозмоии ҷудогонаи варзиширо мефаҳмонад.

8. "Назорати допинг" ҷараёнеро мефаҳмонад, ки банақшагирии гузаронидани санҷишҳо, гирифтани намунаҳо барои таҷзия ва муносибат бо онҳо, таҷзияи лабораторӣ, муолиҷаи баъдисанҷишӣ, шунидани арз ва эътирозро дар бар мегирад.

9. "Допинг дар варзиш" ҳолати вайрон кардани қоидаи зиддидопингиро мефаҳмонад.

10. "Гурӯҳҳои ба таври зарурӣ ваколатдори назорати допинг" гурӯҳҳои назорати допингро мефаҳмонад, ки таҳти роҳбарии ташкилотҳои байналмилалӣ ва миллии зиддидопингӣ амал мекунанд.

11. "Санҷиши мусобиқавӣ" ба мақсади фарқгузорӣ байни санҷиши мусобиқавӣ ва ғайримусобиқавӣ гузаронидани санҷишеро мефаҳмонад, ки варзишгар вобаста ба иштирокаш дар мусобиқаи мушаххас барои санҷиш интихоб карда мешавад, агар дар қоидаҳои ягон федератсияи байналмилалӣ ё дигар ташкилоти дахлдори зиддидопингӣ шарти дигаре пешбинӣ нашуда бошад.

12. "Стандарти байналмилалӣ барои лабораторияҳо" стандартеро мефаҳмонад, ки ба Иловаи 2-и Конвенсия мазкур замима гардидааст.

13. "Стандарти байналмилалӣ барои лабораторияҳо" стандартеро мефаҳмонад, ки ба Иловаи 3-и Конвенсия мазкур замима гардидааст.

14. "Бе огоҳии пешакӣ" назорати допингро мефаҳмонад, ки бе огоҳии пешакии варзишгар гузаронида шуда, аз лаҳзаи огоҳии вай то гирифтани намуна барои таҷзия бо варзишгар ҳамеша ҳамроҳӣ карда мешавад.

15. "Ҳаракати олимпӣ" ҳамаи онҳоеро мефаҳмонад, ки барои дастури амал қарор додани Хартияи олимпӣ розӣ буда, ваколати Кумитаи байналмилалии олимпӣ, маҳз инҳоро эътироф менамояд: федератсияҳои байналмилалии тамоми намуди варзише, ки ба барномаи Бозиҳои олимпӣ дохил мебошанд, кумитаҳои миллии олимпӣ, кумитаҳои ташкилии Бозиҳои олимпӣ, варзишгарон, доварон ва ҳакамон, ассотсиатсияҳо ва дастаҳо, инчунин тамоми ташкилоту муассисаҳои эътирофнамудаи Кумитаи байналмилалии олимпӣ.

16. "Назорати допинги беруназмусобиқавӣ" ҳама гуна назорати допингие мебошад, ки берун аз мусобиқаҳо гузаронида мешавад.

17. "Рӯйхати манъгардида" рӯйхатеро мефаҳмонад, ки ба Замиами 1 Конвенсияи мазкур дохил карда шуда, дар он моддаҳо ва усулҳои манъгардида зикр ёфтаанд.

18. "Усули манъгардида", ҳама гуна усуле мебошад, ки ба сифати чунин усул дар Рӯйхати манъгардида ишора шуда, ба Замимаи 1 Конвенсияи мазкур дохил карда шудааст.

19. "Моддаи манъшуда" ҳама гуна моддаеро мефаҳмонад, ки ба сифати чунин модда дар Рӯйхати манъшуда зикр ёфта, он ба Замимаи 1 Конвенсияи мазкур шомил гаштааст.

20. "Ташкилоти варзишӣ" ҳама гуна ташкилотеро мефаҳмонад, ки ба сифати мақоме баромад намуда, қоидаҳои гузаронидани чорабинии варзиширо аз рӯи як ё якчанд намуди варзиш муқаррар мекунад.

21. "Стандартҳои иҷозатномадиҳии истифода барои табобат" стандартҳоеро мефаҳмонад, ки ба Замимаи II Конвенсияи мазкур шомил гардидаанд.

22. "Санҷиш" як қисми ҷараёни назорати допингро мефаҳмонад, ки банақшагирии гузаронидани санҷишҳо, гирифтани намунаҳо барои таҷзия, муносибат бо намунаҳо барои таҷзия ва ҳамлу нақли онҳоро ба лабораторияҳо дар бар мегирад.

23. "Иҷозатномаи истифода барои табобат" иҷозатномаеро мефаҳмонад, ки мутобиқи Стандартҳои додани иҷозатномаҳои истифода барои табобат дода шудааст.

24. "Истифода" ба воситаи даҳон истеъмол намудани дору, гузаронидани перрориалӣ ва сӯзандору ё бо ҳар гуна восита истеъмол намудани ҳама гуна модда ё усули манъшуда.

25. "Агентии умумиҷаҳонии зиддидопингӣ" (АУЗД) фондро бо ин ном мефаҳмонад, ки мутобиқи қонунгузории Швейтсария 10 ноябри соли 1999 таъсис дода шудааст.

Моддаи 3 Воситаҳои ноилшавӣ 6а ҳадафҳои Конвенсия

Барои ноил шудан ба ҳадафхои Конвенсия давлатҳои аъзо ӯҳдадор мешаванд, ки:

(a) дар сатҳи миллӣ ва байналмилалӣ тадбирҳои заруриеро андешанд, ки ба принсипҳои Кодес мутобиқ мебошанд;

(b) ҳама шаклҳои ҳамкории байналмилалиро, ки ба таъмини ҳифзи варзишгарон, риояи принсипҳои ахлоқ дар варзиш ва истифодаи муштараки натиҷаҳои тадқиқотҳо нигаронида шудааст, дастгирӣ намоянд;

(c) ба ҳамкории байналмилалӣ байни давлатҳои аъзо ва ташкилотҳои пешрафта дар соҳаи мубориза бо допинг дар варзиш, аз ҷумла ба ҳамкорӣ бо Агентии умумиҷаҳонии зиддидопингӣ мусоидат намоянд.

Моддаи 4 Алоқамандии Конвенсия бо Кодекс

1. Бо мақсади ҳамоҳангсозии фаъолият оид ба мубориза бо допинг дар варзиш дар сатҳи миллӣ ва байналмилалӣ давлатҳои аъзо вазифадор мебошанд, ки принсипҳои Кодексро ба сифати асос барои андешидани тадбирҳои дар моддаи 5 Конвенсияи мазкур пешбининамуда пайгирӣ намоянд. Дар Конвенсияи мазкур барои қабули чораҳои дигар иловатан ба Кодекс чизе монеъ намегардад.

2. Кодекс ва фарзияҳои охирини иловаҳои 2 ва 3 барои маълумот оварда мешаванд ва ҷузъи ҷудонопазири Конвенсияи мазкур намебошанд. Иловаҳо худ аз худ барои давлатҳои аъзо ҳар гуна ӯҳдадориҳои байналмилалии ҳуқуқиро муқаррар наменамоянд.

3. Замимаҳо ҷузъи ҷудонопазири Конвенсияи мазкур маҳсуб меёбанд.

Моддаи 5 Тадбирҳо оид ба ҳалли вазифаҳои Конвенсия

Зимни иҷрои ӯҳдадориҳои дар Конвенсияи мазкур баёнгардида, ҳар кадоме аз давлатҳои аъзо ӯҳдадор аст, ки тадбирҳои дахлдорро андешад. Онҳо метавонанд тадбирҳоро дар соҳаи қонунгузорӣ, танзими меъёрӣ, сиёсат ё амалияи маъмуриро дар бар гиранд.

Моддаи 6 Робитаи мутақобила бо дигар ҳуҷҷатҳои байналмилалӣ

Конвенсияи мазкур ҳуқуқ ва ӯҳдадориҳои давлатҳои аъзоро, ки вобаста ба созишномаҳои дигари қаблан баимзорасида ба миён омада, ба мавзӯъ ва мақсади Конвенсияи мазкур мухолиф нестанд, тағйир намедиҳад. Ин ба амалисозии ҳуқуқи дигар давлатҳои аъзо ё аз ҷониби онҳо иҷро гардидани ӯҳдадориҳояшон аз рӯи Конвенсияи мазкур дахл надорад.

II. Фаъолият оид ба мубориза бо допинг дар сатҳи миллӣ

Моддаи 7 Ҳамоҳангсозии дохили кишвар

Давлатҳои аъзо татбиқи Конвенсияи мазкурро аз ҷумла ба воситаи ҳамоҳангсозии фаъолияти дохили кишвар таъмин месозанд. Барои иҷрои ӯҳдадориҳояшон давлатҳои аъзо тибқи Конвенсияи мазкур метавонанд ташкилотҳои зиддидопингиро, инчунин муассисаҳо ва ташкилотҳои варзиширо истифода намоянд.

Моддаи 8 Маҳдудияти дастрасии моддаҳо ва усулҳои манъшуда ва истифодаи онҳо дар варзиш1

1. Давлатҳои аъзо ҷиҳати маҳдуд кардани дастрасии моддаҳо ва усулҳои манъшуда ба манзури маҳдуд кардани истифодаи онҳо аз ҷониби варзишгарон, ба истиснои ҳолатҳое, ки ба мақсадҳои табобатӣ иҷозат дода шудааст, ҳангоми ба мақсад мувофиқ донистанашон чораҳо меандешанд. Тадбирҳо оид ба мубориза бо паҳншавии моддаҳо ва усулҳои манъшуда дар байни варзишгарон ва ҳамчунин тадбирҳои назорат оид ба истеҳсол, интиқол, воридот, тақсимот ва фурӯши онҳо ба ин чораҳо дохил мешаванд.

2. Давлатҳои аъзо ҷиҳати пешгирӣ ва маҳдудсозии аз ҷониби варзишгарон истифода бурдани модда ва усулҳои манъшуда дар варзиш ва ё соҳибшавӣ ба онҳоро , ба истиснои ҳолатҳое, ки онҳо дар асоси иҷозатномаи истифода барои табобат ба кор бурда мешаванд, ё ҳангоми мувофиқи мақсад донистан, андешидани чунин тадбирҳоро аз ҷониби шахсони дахлдори ҳуқуқии дар доираи салоҳияти онҳо қарордошта ҳавасманд месозанд.

3. Ҳеҷ як тадбире, ки мутобиқи Конвенсияи мазкур қабул карда мешавад, барои таъмини дастрасии қонунии моддаҳо ва усулҳое, ки дар ҳолатҳои дигар манъ карда шудаанд ё дар варзиш зери назорат қарор доранд, монеа ба миён намеорад.

Моддаи 9 Тадбирҳо нисбати ҳайати ёрирасони варзишгар

Давлатҳои аъзо нисбати ҳайати ёрирасони варзишгар, ки қоидаи зиддидопингиро вайрон кардааст ё амали дигари вайронкуниро содир менамояд ва бо допинг дар варзиш алоқамандӣ дорад, худашон тадбирҳо меандешанд ё барои аз ҷониби ташкилотҳои варзишӣ ва зиддидопингӣ андешидани чораҳо, аз ҷумла ҷазо ё ҷаримаҳо, мусоидат менамоянд.

Моддаи 10 Иловаҳои ғизоӣ

Давлатҳои аъзо ҳангоми мувофиқи мақсад донистан, ба истеҳсолкунандагон ва паҳнкунандагони иловаҳои ғизоӣ барои ҷорӣ намудани амалияи пешқадам дар соҳаи фурӯш ва тақсимоти иловаҳои ғизоӣ, аз ҷумла пешниҳоди иттилоот дар бораи таркиби химиявӣ ва кафолати сифатнокии онҳо мусоидат менамоянд.

Моддаи 11 Тадбирҳои молиявӣ

Давлатҳои аъзо, ҳангоми ба мақсад мувофиқ будан:

(a) дар доираи буҷетҳои дахлдори худ барои маблағгузории барномаи санҷиш дар тамоми намудҳои варзиш маблағҳо ҷудо менамоянд ё ба ташкилотҳои варзишӣ ва зиддидопингӣ барои маблағгузории назорати допингӣ дар шакли субсидия ё дотатсияи бевосита ва ё дар шакли ҳисоби хароҷот аз рӯи чунин назорат ҳангоми муайян намудани маблағи умумии субсидия ё дотатсияҳое, ки ба ин ташкилотҳо дода мешаванд, кӯмак мерасонанд;

(b) оид ба боздоштани кӯмаки молиявӣ вобаста ба фаъолияти варзишии варзишгарони алоҳида ё ҳайати ёрирасони онҳо, ки бинобар вайрон намудани қоидаи зиддидопингӣ аз иштирок дар мусобиқаҳо бартараф карда шудаанд, дар тамоми давраи маҳрум будани онҳо тадбирҳо меандешанд;

(с) кӯмаки молиявӣ ё дигар кӯмаки ба фаъолияти варзишӣ вобастабудаи ҳамаи ташкилоти варзишӣ ё зиддидопингиро, ки Кодекс ё қоидаҳои амалкунадаи зиддидопингии Кодекс муқаррар намударо риоя намекунад, қисман ё пурра бозмедоранд.

Моддаи 12 Тадбирҳо оид ба мусоидат ба назорати допингӣ

Давлатҳои аъзо ҳангоми мувофиқи мақсад донистан:

(a) аз ҷониби ташкилотҳои варзишӣ ва зиддидопингӣ, ки таҳти салоҳияти онҳо қарор доранд, мутобиқи Кодекс гузаронидани назорати допингӣ аз ҷумла назорати пешгирикунӣ, санҷиши беруназмусобиқавӣ ва мусобиқавиро ташвиқ ва дастгирӣ менамоянд;

(b) ба имзо расонидани созишномаҳоро аз ҷониби ташкилотҳои варзишӣ ва зиддидопингӣ, ки ба иштирокчиёни онҳо барои ба таври зарурӣ аз санҷиши гурӯҳҳои ваколатдори назорати допингии дигар кишварҳо гузаштан имкон фароҳам меорад, ташвиқ ва дастгирӣ менамоянд;

(c) ба ташкилотҳои варзишӣ ва зиддидопингии таҳти салоҳияти онҳо қарордошта, барои истифодаи лабораторияҳои ваколатдори назорати допингӣ, ҷиҳати мусоидат барои гузаронидани таҷзияҳо ба мақсади назорати допингӣ ӯҳдадор мегарданд.

III. Ҳамкории байналмилалӣ

Моддаи 13 Ҳамкорӣ байни ташкилотҳои варзишӣ ва зиддидопингӣ

Давлатҳои аъзо барои ҳамкорӣ байни ташкилотҳои зиддидопингӣ, мақомоти давлатӣ, ташкилотҳои варзишии таҳти салоҳияти онҳо қарордошта ва чунин ташкилотҳо ва мақомоти таҳти салоҳияти дигар давлатҳои аъзо қарордошта, ҷиҳати дар сатҳи байналмилалӣ ба даст овардани ҳадафҳои Конвенсияи мазкур мусоидат менамоянд

Моддаи 14 Дастгирии намояндагии Агентии умумиҷаҳонии зиддидопингӣ

Давлатҳои аъзо вазифадоранд, ки Агентии умумиҷаҳонии зиддидопингиро дар иҷрои вазифаи муҳими он дар соҳаи муборизаи байналмилалӣ бо допинг ҷонибдорӣ намоянд.

Моддаи 15 Маблағгузории баробарҳиссагии Агентии умумиҷаҳонии зиддидопингӣ

Давлатҳои аъзо принсипи маблағгузории баробарҳиссагии буҷети асосии солонаи тасдиқгардидаи Агентии умумиҷаҳонии зиддидопингиро аз ҷониби мақомоти давлатӣ ва Ҳаракати олимпӣ дастгирӣ менамоянд.

Моддаи 16 Ҳамкории байналмилалӣ дар соҳаи назорати допингӣ

Бо эътирофи он ки мубориза бо допинг дар варзиш дар он ҳолат метавонад самаранок бошад, ки агар санҷиши варзишгарон бе огоҳии пешакӣ ва ҳамлу нақли намунаҳо барои таҷзия дар лаборатория таъмин карда шавад ва давлатҳои аъзо ҳангоми мувофиқи мақсад донистан мутобиқи қонунгузорӣ ва расмиёти дохилидавлатӣ бояд:

(a) дар сурати риояи муқаррароти дахлдори меъёрии кишварҳои қабулкунанда ба Агентии умумиҷаҳонии зиддидопингӣ ва ташкилотҳои зиддидопингӣ, ки мутобиқи Кодекс амал мекунанд, барои гузаронидани назорати допингии мусобиқавӣ ва беруназмусобиқавии варзишгаронашон чи дар қаламрави худ ва чи берун аз он мусоидат намоянд;

(b) дар таъмини саривақтии убури гурӯҳи ваколатдори назорати допингӣ аз сарҳад ҳангоми чорабиниҳои оид ба назорати допингӣ мусоидат намоянд;

(c) бо мақсади ҳамлу нақли саривақтӣ ё аз сарҳад гузаронидани намунаҳо барои таҷзия ба чунон тарзе ҳамкорӣ менамоянд, ки бехатарӣ ва ҳифозати онҳоро таъмин созанд;

(d) барои таъмини ҳамоҳангсозии чорабиниҳо оид ба назорати допингӣ, ки аз ҷониби ташкилотҳои зиддидопингии гуногун гузаронида мешаванд, ёрӣ мерасонанд ва ба ин мақсад бо Агентии умумиҷаҳонии зиддидопингӣ ҳамкорӣ кунанд;

(e) ҳамкории мобайни лабораторияҳои назорати допингии таҳти салоҳияти онҳо қарордошта ва лабораторияҳои дахлдори дар салоҳияти дигар давлатҳои аъзо қарордоштаро вусъат мебахшанд. Аз ҷумла, давлатҳои аъзо, ки дорои лабораторияҳои ваколатдори зиддидопингӣ мебошанд, барои кӯмак расондан тавассути лабораторияҳои таҳти салоҳияти онҳо қарордошта ҷиҳати ба онҳо фароҳам овардани имконияти андӯхтани малака, таҷриба, аз худ намудани методологияи зарурӣ барои таъсиси лабораторияҳои худашон, агар хоҳиш дошта бошанд, мусоидат намоянд;

(f) барои ба имзо расонидан ва амалисозии қарордодҳо дар бораи санҷиши мутақобила байни ташкилотҳои зиддидопингии тибқи Кодекс таъингардида мусоидат намоянд;

(g) дар асоси мутақобила расмиёти назорати допингӣ ва расмиёти баъдисанҷишӣ, аз чумла муҷозоти варзишии ба он алоқамандро, ки аз тарафи ҳама гуна ташкилоти зиддидопингӣ мутобиқи Кодекс татбиқ карда мешавад, эътироф намоянд.

Моддаи 17 Фонди ихтиёрӣ

1. Фонди мазкур "Фонд барои решакан намудани допинг дар варзиш"-ро таъсис медиҳад, ки минбаъд он "Фонди ихтиёрӣ" номида мешавад. Фонди ихтиёрӣ аз маблағҳои мақсадноки мутобиқи Низомнома дар бораи маблағҳои ЮНЕСКО ҷалбшаванда ташаккул меёбад. Ҳамаи пардохтҳои давлатҳои аъзо, инчунин пардохтҳои аъзои дигар хусусияти ихтиёрӣ доранд.

2. Воситахои Фонди ихтиёрӣ аз инҳо иборатанд:

(a) пардохтҳои давлатҳои аъзо;

(b) пардохтҳо, хайрияҳо ё амволи васиятшуда, ки метавонанд, аз ҷониби инҳо дода шаванд:

(i) давлатҳои дигар;

(ii) ташкилотҳо ва барномаҳои системаи Созмони Милали Муттаҳид, аз ҷумла Барномаи рушди Созмони Милали Муттаҳид, инчунин ташкилотҳои дигари байналмилалӣ;

(iii) ташкилотҳои давлатӣ ё хусусӣ ё шахсони воқеӣ;

(c) ҳама гуна фоизҳое, ки ба маблағҳои Фонди ихтиёрӣ ҳисоб карда мешаванд;

(d) маблағҳои дар доираи ҷамъоварии маъракаҳои хайрия ва чорабиниҳо ба фоидаи Фонди ихтиёрӣ бадастомада;

(e) ҳама гуна дигар маблағҳое, ки дар Низомнома дар бораи Фонди ихтиёрӣ, ки аз ҷониби конференсияҳои тарафайн таҳия мегардад, пешбинӣ шудаанд.

3. Ҳаққи аъзогии давлатҳои аъзо ба Фонди ихтиёрӣ ба ивази пардохти ҳиссаи ӯҳдадории давлатҳои аъзо ба буҷети солонаи Агентии умумиҷаҳонии зиддидопингӣ ҳисоб намешаванд.

Моддаи 18 Истифодаи маблағҳои Фонди ихтиёрӣ ва идоракунии онҳо

Маблағҳои Фонди ихтиёрӣ аз ҷониби Конференсияи тарафайн барои маблағгузории чорабиниҳои тасдиқнамудаи он, аз ҷумла барои расонидани кӯмак ба давлатҳои аъзо оид ба таҳия ва амалисозии барномаҳои зиддидопингӣ мутобиқи муқаррароти Конвенсияи мазкур ва бо дарназардошти ҳадафҳои Агентии умумиҷаҳонии зиддидопингӣ ҷудо карда мешаванд. Ин маблағҳо инчунин метавонанд барои пардохти хароҷоти вобаста ба амалисозии Конвенсияи мазкур истифода шаванд. Пардохтҳо ба Фонди ихтиёрӣ наметавонанд ба ягон шарти сиёсӣ, иқтисодӣ ва шароити дигар вобаста карда шаванд.

IV. Таҳсилот ва омодасозӣ

Моддаи 19 Принсипҳои умумии таҳсилот ва омодасозӣ

1. Давлатҳои аъзо дар доираи маблағҳои худ ӯҳдадор мешаванд, ки барномаҳои таҳсилот ва, омодасозиро оид ба масъалаҳои мубориза бо допинг дастгирӣ, таҳия ё амалӣ созанд. Барои ҷомеаи варзишӣ дар маҷмӯъ ин барномаҳо бояд ба пешниҳоди иттилооти навив ва дақиқ ояд ба масъалаҳои зерин бояд равона карда шаванд:

(a) зиёни допинг ба арзишҳои ахлоқии варзиш;

(b) оқибатҳои истифодаи допинг барои саломатӣ;

2. Барои варзишгарон ва ҳайати ёрирасони варзишгарон, бахусус дар марҳилаи ибтидоии омодасозии онҳо, ин барномаҳо бояд бо пешниҳоди иттилооти навин ва дақиқ оид ба масъалаҳои зерин бояд равона карда шаванд:

(a) қоидаҳои назорати допингӣ;

(b) ҳуқуқ ва ӯҳдадориҳои варзишгарон вобаста ба мубориза бо допинг, аз ҷумла иттилоот дар бораи Кодекс ва сиёсати зиддидопингии ташкилотҳои варзишӣ ва зиддидопингии дахлдор, аз ҷумла дар хусуси вайрон намудани қоидаҳои зиддидопингӣ;

(c) рӯйхати модда ва усулҳои манъшуда, инчунин иҷозатномаҳои истифодаи моддахои манъшуда барои табобат;

(d) иловаҳои ғизоӣ.

Моддаи 20 Кодексҳои касбии рафтор

Давлатҳои аъзо аз ҷониби ассотсиатсияҳо ва муассисаҳои дахлдори касбии салоҳиятдор таҳия ва амалисозии кодексҳои зарурии рафтор, амал ва одоби бовиҷдононаро, ки ба мубориза бо допинг дар варзиш машғул буда, ба Кодекс мутобиқ мебошанд, дастгирӣ мекунанд.

Моддаи 21 Ҷалби варзишгарон ва ҳайати ёрирасони варзишгарон

Давлатҳои аъзо дар доираи маблағҳои худ ба иштироки варзишгарон ва ҳайати ёрирасони варзишгарон дар тамоми ҷанбаҳои фаъолияти зиддидопингӣ ва дигар ташкилотҳои дахлдор мусоидат ва кӯмак расонида, ташкилотҳои варзишии таҳти салоҳияти онҳо қарордоштаро ба ин кор ташвиқ месозанд.

Моддаи 22 Ташкилотҳои варзишӣ, таҳсилот ва омодасозии доимии онҳо оид ба масъалаҳои мубориза бо допинг

Давлатҳои аъзо ҷиҳати амалисозии доимии барномаҳои таҳсилот ва омодасозӣ барои тамоми варзишгарон ва ҳайати ёрирасони варзишгарон аз ҷониби ташкилотҳои варзишӣ ва зиддидопингӣ оид ба масъалаҳои дар моддаи 19 зикршуда, мусоидат менамоянд.

Моддаи 23 Ҳамкорӣ дар соҳаи таҳсилот ва омодасозӣ

Давлатҳои аъзо бо ҳамдигар ва ташкилотҳои дахлдор ба мақсади табодули иттилоот, мутахассисон ва таҷриба оид ба масъалаҳои амалисозии барномаҳои самараноки зиддидопингӣ, ҳангоми зарурат ҳамкорӣ менамоянд.

V. Тадқиқотҳо

Моддаи 24 Мусоидат барои гузаронидани тадқиқотҳо оид ба мубориза бо допинг

Давлатҳои аъзо ӯҳдадор мешаванд, ки дар доираи маблағҳои дар ихтиёр доштаашон барои гузаронидани тадқиқотҳои зиддидопингӣ дар ҳамкорӣ бо ташкилотҳои варзишӣ ва дигар ташкилотҳои дахлдор оид ба масъалаҳои зерин кӯмак ва мусоидат намоянд:

(a) пешгирии истифода ва усулҳои ошкорсозии допинг, ҷанбаҳои ахлоқӣ ва иҷтимоӣ, инчунин оқибатҳои истифодаи допинг барои саломатӣ;

(b) роҳҳо ва воситаҳои таҳияи барномаҳои асосноки илмӣ оид ба омодасозии физиологӣ ва психологие, ки ба саломатии варзишгар зиёновар нестанд;

(c) истифодаи ҳамаи моддаҳо ва усулҳои наве, ки натиҷаи тараққиёти илм мебошанд.

Моддаи 25 Хусусияти тадқиқотҳои зиддидопингӣ

Зимни мусоидат барои гузаронидани тадқиқотҳои зиддидопингии дар моддаи 24 зикргардида, давлатҳои аъзо корҳои зеринро таъмин менамоянд:

(a) тадқиқотҳо мутобиқи амалияи одоби эътирофгардидаи байналмилалӣ сурат гиранд;

(b) ба истифодаи моддаҳо ва усулҳои манъшуда барои варзишгарон роҳ дода нашаванд;

(c) чораҳои зарурӣ танҳо ба мақсади пешгирии истифодаи нобаробари натичадон тадқиқотҳои зиддидопингӣ ва бо мақсади допинг истифода намудани онҳо риоя шаванд.

Моддаи 26 Истифодаи муштараки натиҷаи тадқиқотхои зиддидопингӣ

Бо шарти риоя гардидани қонунгузории миллии дазслдор ва ҳуқуқи байналмилалӣ, давлатҳои аъзо ҳангоми мувофиқи мақсад будани он, натиҷаҳои тадқиқотҳои зиддидопингии гузаронидашударо бо давлатҳои дигари аъзо ва Агентии умумиҷаҳонии зиддидопингй мубодила менамоянд.

Моддаи 27 Тадқикотҳои илмй дар соҳаи варзиш

Давлатҳои аъзо ба тадбирҳои зерин мусоидат менамоянд:

(a) гузаронидани тадқиқотҳои илмӣ аз ҷониби кормандони илмӣ ва тиббӣ дар соҳаи варзиш мутобиқи принсипҳои Кодекс;

(b) гузаронидани тадқиқотҳои илмӣ дар соҳаи варзиш мутобиқи принсипҳои Кодекс аз ҷониби ташкилотҳои варзишӣ ва ҳайати ёрирасони варзишгарони таҳти салоҳияти онҳо қарордошта. VI. Мониторинги Конвенсия

Моддаи 28 Конференсияи тарафҳо

1. Тибқи ҳамин Конвенсия Конференсияи тарафҳо таъсис дода мешавад. Конференсияи тарафҳо мақоми олии Конвенсияи мазкур мебошад.

2. Ҷаласаҳои навбатии Конференсияи тарафҳо, чун қоида, дар ду сол як маротиба гузаронида мешаванд. Конференсияи тарафҳо метавонад ҷаласаҳои ғайринавбатии худро гузаронад, агар аз ҷониби он қарори дахлдор қабул шуда бошад ё бо чунин ХОҳИШ на камтар аз се як ҳиссаи давлатҳои аъзо муроҷиат намуда бошанд.

3. Дар Конференсияи тарафҳо ҳар як давлати аъзо соҳиби як овоз мебошад.

4, Конференсияи тарафҳо Қоидаҳои расмиёти худро тасдиқ менамояд.

Моддаи 29 Ташкилоти машваратӣ ва нозирон дар Конференсияи тарафҳо

Агентии умумиҷаҳонии зиддидопингӣ ба Конференсияи тарафҳо ба сифати ташкилоти машваратӣ даъват карда мешавад. Кумитаи байналмилалии олимпӣ, Кумитаи байналмилалии паралимпӣ, Созмони Аврупо ва Кумитаи байниҳукуматӣ оид ба тарбияи ҷисмонӣ ва варзиш (СИГЕПС) ба сифати нозирон даъат карда мешаванд. Конференсияи тарафҳо метавонад дар бораи даъвати дигар ташкилотҳои дахлдор ба сифати нозирон қарор қабул намояд.

Моддаи 30 Вазифаҳои Конференсияи тарафҳо

1. Дар баробари вазифаҳои дар дигар муқаррароти Конвенсияи мазкур баёнгардида, вазифаи Конференсияи тарафҳо аз инҳо иборат аст:

(a) мусоидат ба ноилшавии ҳадафи Конвенсияи мазкур;

(b) баррасии масъалаҳои муносибатҳои мутақобила бо Агентии умумиҷаҳонии зиддидопингӣ ва омӯзиши механизмҳои маблағгузории буҷети асосии солонаи Агентӣ. Ба давлатҳое, ки тарафҳои Конвенсия намебошанд, метавонад пешниҳод карда шавад, ки дар ин баррасӣ иштирок намоянд;

(c) тасдиқи нақшаи истифодаи маблағҳои Фонди ихтиёрӣ мутобиқи моддаи 18;

(d) баррасии гузоришҳои аз ҷониби давлатҳои аъзо мутобиқи моддаи 31 пешниҳодшаванда;

(e) баррасии доимии натиҷаҳои мониторинги риояи Конвенсияи мазкур вобаста ба таҳияи системаҳои зиддидопингӣ мутобиқи моддаи 31. Ҳама гуна механизмҳои мониторинг ё тадбирҳое, ки аз доираи моддаи 31 мебароянд, аз маблағҳои Фонди ихтиёрӣ, ки мутобиқи моддаи 17 таъсис дода мешаванд, маблағгузорӣ мегарданд.

(f) баррасии тасҳеҳот дар Конвенсияи мазкур ба мақсади қабули минбаъдаи онҳо;

(g) баррасии тасҳеҳот дар Рӯйхати манъшуда ва Стандартҳои иҷозатномадиҳии истифодаи моддаҳои манъшуда барои табобат, ки аз тарафи Агентии умумиҷаҳонии зиддидопингӣ қабул гардидаанд, барои тасдиқ мутобиқи моддаи 34;

(h) муайянсозии самтҳо ва механизмҳои ҳамкорӣ байни давлатҳои аъзо ва Агентии умумиҷаҳонии зиддидопингӣ дар доираи Конвенсияи мазкур;

(i) ба Агентии умумиҷаҳонии зиддидопингӣ ирсол намудани дархост дар бораи пешниҳоди гузориш доир ба амалисозии Кодекс ҷиҳати баррасии он дар ҳар як ҷаласа.

2. Ҳангоми иҷрои вазифаҳои худ Конференсияи тарафҳо метавонад бо дигар мақомоти байниҳукуматӣ ҳамкорӣ намояд.

Моддаи 31 Гузоришҳои пешниҳодшавандаи давлатҳои аъзо ба Конференсияи тарафҳо

Давлатҳои аъзо дар ду сол як маротиба ба Конференсияи тарафҳо тавассути Котибот ба яке аз забонҳои расмии ЮНЕСКО тамоми иттилооти дахлдорро оид ба тадбирҳое, ки аз ҷониби онҳо бо мақсади иҷрои муқаррароти Конвенсияи мазкур қабул гардидаанд, пешниҳод менамоянд.

Моддаи 32 Котиботи Конференсияи тарафҳо

1. Котиботи Конференсияи тарафҳо аз ҷониби Директории генералии ЮНЕСКО таъмин карда мешавад.

2. Бо хоҳиши Конференсияи тарафҳо Директори генералии ЮНЕСКО дар ҳаҷми ҳатталимкон зиёд аз хизматрасонии Агентии умумиҷаҳонии зиддидопингӣ бо шартҳои мувофиқанамудаи Конференсияи тарафҳо истифода мебарад.

3. Хароҷотҳои фаврии вобаста ба Конвенсия, аз буҷети маъмудии ЮНЕСКО дар доираи маблағҳои мавҷудаи марбута аз Фонди ихтиёрӣ мутобиқи моддаи 17 ё мутобиқан аз ҳар ду манбаъ таъсис дода шуда, дар ду сол як бор муайян карда мешавад, маблағгузорӣ мегардад. Маблағгузории Котибот аз маблағҳои буҷети муқаррарӣ қатъиян дар асоси ҳадди ақали ниҳоӣ, бо дарки он ки барои дастгирии Конвенсия низ маблағгузории ихтиёрӣ сурат мегирад, амалӣ карда мешавад.

4. Котибот ҳуҷҷатҳоро барои Конференсияи тарафҳо ва рӯзномаи пешакии ҷаласаи онро таҳия намуда, инчунин иҷрои қарорҳои онро таъмин месозад.

Моддаи 33 Тасҳеҳот ба Конвенсия

1. Ҳар як давлати аъзо метавонад тавассути иттилои хаттии ба унвонии Директори генералии ЮНЕСКО ирсолнамуда ба Конвенсияи мазкур тасҳеҳот пешниҳод намояд. Директории генералӣ чунин иттилоотро ба тамоми давлатҳои аъзо мефиристад. Агар дар давоми шаш моҳи аз санаи ирсоли чунин пешниҳодот, на камтар аз нисфи давлатҳои аъзо розигии худро изҳор намуда бошанд, пас Директори генералӣ ин пешниҳодро ба ҷаласаи навбатии Конференсияи тарафҳо ирсол менамояд.

2. Тасҳеҳот дар Конференсияи тарафҳо бо овози аксарияти аз се ду ҳиссаи давлатҳои аъзои дар овоздиҳӣ ҳозирбуда ва иштироккунанда қабул карда мешаванд.

3. Тасҳеҳот ба Конвенсияи мазкур пас аз қабули онҳо ба давлатҳои аъзо барои тасдиқ, тасвиб, қабул, ё ҳамроҳшавӣ пешниҳод карда мешаванд.

4. Нисбати давлатҳои аъзо, ки тасҳеҳотро ба Конвенсияи мазкур тасдиқ, тасвиб ва қабул кардаанд, ё ба онҳо ҳамроҳ шудаанд, пас аз сипарӣ шудани се моҳ аз санаи барои ба нигоҳдорӣ супоридани ҳуҷҷатҳои дар банда 3 ҳамин модда зикршуда, аз тарафи аз се ду ҳиссаи давлатҳои аъзо, эътибор пайдо мекунанд. Дар оянда барои ҳар як давлати аъзо, ки тасҳеҳотро ба тасвиб мерасонад, қабул мекунад, тасдиқ менамояд ё ба он ҳамроҳ мешавад, тасҳеҳоти зикргардида баъз аз сипарӣ шудани се моҳ аз санаи аз тарафи ин давлати аъзо барои нигаҳдорӣ супоридани ҳуҷҷатҳо дар хусуси тасдиқ, қабул, ба тасвибрасонӣ, ё ҳамроҳшавӣ эътибор пайдо мекунад.

5. Давлате, ки пас аз эътибор пайдо кардани тасҳеҳот мутобиқи банда 4 ҳамин модда аъзои Конвенсияи мазкур мегардад, агар нияти дигар изҳор накарда бошад, ҳамчун

(а) аъзои Конвенсияи мазкур ҳисобида мешавад, ки ба он тасҳеҳот ворид карда шудааст;

(Ь) ҳар давлати аъзое, ки ба амали тасҳеҳот алоқаманд нест, аъзои Конвенсияи мазкур бе тасҳеҳоти ба он ворид карда шуда ҳисоб мешавад.

Моддаи 34 Тартиби махсуси қабули тасҳеҳот ба замимаҳои Конвенсия

Агар Агентии умумиҷаҳонии зиддидопингӣ ба Рӯйхати манъшуда ё Сатандарти иҷозатномадиҳии истифода барои табобат тағйирот ворид намояд, пас он метавонад бо иттилооти хаттии ба унвони Директори генералии ЮНЕСКО ирсолнамуда, дар хусуси ин тағйирот ӯро огоҳ созад. Директории генералӣ фавран тамоми давлатҳои аъзоро дар хусуси тағйирот ҳамчун тасҳеҳоти ба замимаҳои Конвенсия пешниҳодшаванда огоҳ месозад. Тасҳеҳот ба замимаҳо аз ҷониби Конференсияи тарафҳо дар яке аз ҷаласаҳои он ё бо роҳи машварати хаттӣ тасдиқ, карда мешаванд.

Давлатҳои аъзо баъди огоҳиномаи Директори генералӣ нисбати тасҳеҳоти пешниҳодшаванда ё дар иттилооти хаттӣ, дар сурати машварати хаттӣ, ба унвони Директори генералӣ, ё дар ҷаласаи Конференсияи тарафҳо барои изҳори эроди худ 45 рӯз дар ихтиёр доранд. Тасҳеҳоти пешниҳодшуда он гоҳ аз ҷониби Конференсияи тарафҳо қабулгардида ҳисобида мешаванд, ки агар аз се ду ҳиссаи давлатҳои аъзо норозигӣ изҳор накарда бошанд.

Директори генералӣ давлатҳои аъзоро дар хусуси тасҳеҳоте, ки аз ҷониби Конференсияи тарафҳо қабул гардидаанд, огоҳ месозад. Ин тасҳеҳот пас аз 45 рӯзи ин огоҳинома эътибор пайдо мекунанд, вале барои давлати аъзое, ки пешакӣ Директори генералиро дар хусуси қабул накардани ин тасҳеҳот огоҳ сохтаасг, эътибор надоранд.

Давлати аъзо, ки Директори генералиро дар хусуси қабул накардани тасҳеҳоти мутобиқи бандҳои қаблӣ тасдиқгардида огоҳ сохтааст, ба амали замимаҳое, ки ба онҳо тасҳеҳот ворид нашудааст, вобаста боқӣ мемонад.

VII. Муқаррароти хотимавӣ

Моддаи 35 Сястемаҳои федералӣ ё ғайриунитарии конститутсионӣ

Нисбати давлатҳои аъзо, ки системам федералӣ ё ғайриунитарии конститутсионӣ доранд, муқаррароти зерин амал мекунанд: (а) нисбати муқаррароти Конвенсияи мазкур, ки иҷрояшон таҳти салоҳияти ҳуқуқии мақоми федералӣ ё марказии қонунгузор қарор мегирад, ҳукумати федералӣ ё марказӣ чунин ӯҳдадориҳоеро ба зимма дорад, ки давлатҳои аъзо доранд ва онҳо давлатҳои федералӣ маҳсуб намеёбанд. (b) нисбати муқаррароти Конвенсияи мазкур, ки иҷрояшон таҳти салоҳияти штатҳо, вилоятҳо, музофотҳо ё кантонҳои алоҳидаи ба ҳайати давлат дохилшаванда қарор доранд за мутобиқи системаи конститутсионии федератсия ба қабули чораҳои қонунгузорӣ ӯҳдадор нестанд, ҳукумати федералӣ ба мақомоти салоҳиятдори ҳокимияти чунин штатҳо, вилоятҳо, музофотҳо ё кантонҳо дар хусуси муқаррароти мазкур оид ба тавсияҳо нисбати қабули ин муқаррарот иттилоъ медиҳад.

Моддаи 36 Тасвиб, қабул, тасдиқ, ё ҳамроҳшавӣ

Конвенсияи мазкур аз ҷониби давлатҳои аъзои ЮНЕСКО мувофиқи расмиёти дахлдори конститутсионии онҳо мавриди тасвиб, қабул, тасдиқ, ё ҳамроҳшавӣ қарор мегирад. Ҳуҷҷатҳо дар хусуси тасвиб, қабул, тасдиқ, ё ҳамроҳшавӣ барои нигаҳдорӣ ба Директори генералии ЮНЕСКО супорида мешаванд.

Моддаи 37 Эътибор пайдо кардан

1. Конвенсияи мазкур дар рӯзи аввали сипарӣ шудани як моҳ аз санаи барои нигаҳдорӣ супоридани ҳуҷҷатҳо баъди рӯзи сиюм дар хусуси тасвиб, қабул, тасдиқ, ё ҳамроҳшавӣ эътибор пайдо мекунад.

2. Барои ҳама, гуна давлате, ки минбаъд барои ба зиммаи худ гирифтани ӯҳдадорӣ аз рӯи Конвенсияи мазкур розигии худро изҳор менамояд, он дар рӯзи аввали моҳ пас аз сипарӣ шудани як моҳ аз санаи барои ба нигаҳдор супоридани ҳуҷҷатҳо дар хусуси тасвиб, қабул, тасдиқ, ё ҳамроҳшавӣ эътибор пайдо мекунад.

Моддаи 38 Татбиқи амали Конвенсия дар ҳудуд

1. Ҳар давлате, ки ҳуҷҷатҳои худро дар хусуси тасвиб, қабул, тасдиқ, ё ҳамроҳшавӣ барои нигаҳдорӣ месупорад, метавонад ҳудуд ё ҳудудҳоеро зикр намояд, ки барои муносибатҳои байналмилалии онҳо масъулият дорад ва амали Конвенсияи мазкур ба онҳо татбиқ карда мешавад.

2. Ҳар давлати аъзо метавонад дар марҳилаи нисбатан дертар низ дар дархости ба унвони ЮНЕСКО ирсолнамудааш амали Конвенсияи мазкурро дар ҳар ҳудуди дигар, ки дар ин дархост зикр шудааст, татбиқ намояд. Нисбати чунин ҳудуд Конвенсия дар рӯзи аввали моҳ баъд аз сипарӣ шудани як мох аз санаи гирифтани чунин дархост аз ҷониби маҳфуздоранда эътибор пайдо мекунад.

3. Ҳама гуна дархосте, ки мутобиқи ду банди қаблӣ таҳия гардидааст, метавонад нисбати ҳама гуна ҳудуде, ки дар чунин дархост зикр шудааст, ба тариқи фиристодани огоҳинома ба унвони ЮНЕСКО бозхонда, шавад. Чунин бозхонд дар рӯзи аввали моҳ баъд аз сипарӣ шудани як моҳ аз санаи гирифтани чунин огоҳинома аз ҷониби маҳфуздоранда эътибор пайдо мекунад.

Моддаи 39 Бекор кардан

Ҳар давлати аъзо метавонад Конвенсияи мазкурро бекор кунад. Дар бораи бекор кардан дар ҳуҷҷате, ки барои нигаҳдорӣ ба Директори генералии ЮНЕСКО супорида мешавад, ба таври хаттӣ иттилоъ дода мешавад. Бекор кардан дар рӯзи авали моҳ пас аз сипарӣ шудани шаш моҳ аз санаи гирифтани ҳуҷҷат дар хусуси бекор кардан эътибор пайдо мекунад. Он ба ҳеҷ ваҷҳ ба ӯҳдадориҳои молиявии давлати аъзои марбута, ки аз Конвенсия хориҷ мегардад, то санаи эътибор пайдо кардани ҳуҷҷат дахл надорад.

Моддаи 40 Маҳфуздоранда

Маҳфуздорандаи Конвенсияи мазкур ва тасҳеҳоти он Директори генералии ЮНЕСКО маҳсуб меёбад. Директори генералӣ ба ҳайси маҳфуздоранда ба давлатҳои аъзои Конвенсияи мазкур, инчунин дигар давлатҳои аъзои Созмон дар бораи масоили зерин иттилоъ медиҳад:

(a) барои нигаҳдорӣ супоридани ҳама гуна хуҷҷатҳо дар хусуси тасдиқ, батасвибрасонӣ, қабул, ё ҳамроҳшавӣ;

(b) санаи эътибор пайдо кардани Конвенсияи мазкур мутобиқи моддаи 37;

(c) ҳар гуна гузорише, ки мутобиқи муқаррароти моддаи 31 таҳия гардидааст;

(d) ҳар гуна тасҳеҳот ба Конвенсия ё ба замимаҳое, ки мутобиқи моддаҳои 33 ва 34 қабул гардидаанд ва санаи эътибор пайдо кардани ин тасҳеҳот;

(e) ҳар гуна дархост ё огоҳиномае, ки мутобиқи муқаррароти моддаи 38 пешниҳод гардидаанд;

(f) ҳар гуна огоҳиномае, ки мутобиқи муқаррароти моддаи 39 пешниҳод гардидааст ва санаи эътибор пайдо кардани бекоркунӣ;

(g) ҳар санади дигар, огоҳинома ё иттилооте, ки ба Конвенсияи мазкур алоқаманд аст.

Моддаи 41 Бақайдгирӣ

Мутобиқи моддаи 102 Оинномаи Созмони Милали Муттаҳид Конвенсияи мазкур аз тарафи Котиби Созмони Милали Муттаҳид бо хоҳиши Директори генералии ЮНЕСКО ба қайд гирифта мешавад.

Моддаи 42 Матнҳое, ки эътибори якхела доранд

1. Конвенсияи мазкур, аз ҷумла замимаҳои он, ба забонҳои англисӣ, арабӣ, испанӣ, хитоӣ, русӣ ва франсавӣ таҳия гардида, ҳамзамон шаш матн эътибори якхела доранд.

2. Иловаҳои Конвенсияи мазкур ба забонҳои англисӣ, арабӣ, испанӣ, хитоӣ, русӣ ва франсавӣ таҳия гардидаанд.

Моддаи 43 Тавзеҳот

Ба ҳар гуна шарҳу тавзеҳоте, ки ба мавзӯъ ва мақсади Конвенсияи мазкур мутобиқ нестанд, роҳ дода намешаванд.

Замимаи I - Рӯйхати манъшуда-Стандарти байналмилалӣ

Замимаи II - Стандартҳои иҷозатномадиҳии истифода барои табобат

Иловаи 1 - Агентии умумиҷаҳонии зиддидопингӣ

Иловаи 2 - Стандарти байналмилалӣ барои лабораторияҳо

Иловаи 3 - Стандарти байналмилалӣ барои санҷиш

Кодекси умумиҷаҳонии зиддидопингӣ

Рӯйхати манъшудаи 2005

Стандарти байналмилалӣ

Матни расмии Рӯйхати манъшуда дар Агентии умумиҷаҳонии зиддидопингӣ маҳфуз дошта шуда, он ба забонҳои англисӣ ва франсузӣ ба чоп расидааст. Дар ҳолати мухолифати матнҳо матни англисии Рӯйхати манъшуда бартарӣ дорад.

Рӯйхати мазкур аз 1 январи соли 2005 эътибор пайдо мекунад.

Истифодаи ҳама намуд доруворӣ бояд бо нишондодҳои тиббӣ амалӣ гардад. МОДДАҲО ВА УСУЛҲОИ ХАМЕША МАНЪШУДА (ЧӢ ДАР МАРҲИЛАИ МУСОБИҚА ВА ЧӢ БЕРУН АЗ МУСОБИҚА) МОДДАҲОИ МАНЪШУДА S1. Омилҳои анаболикӣ

Омилҳои манъшудаи анаболиаӣ I. Стероидҳои анаболикии андрогенӣ (AAS) (а) Экзогении* AAS, аз ҷумла:

** Моддаҳои эндогенӣ" маънои моддаҳоеро доранд, ки дар организми одам истеҳсол мешаванд. андростендиол (андрост-5-ен-3,17-диол); андростендион (андрост-4-ен-3,17- дион); дегидроэпиандростерон (DHEA); дигидротестостерон, тестостерон, а также следующие метаболиты и изомеры: 5-андростан-З, 17-диол; 5-андростан- 3,17-диол; 5-андростан-3,1.7-диол; 5-андростан-З, 17-диол; андрост-4-ен-З, 17- диол; андрост-4-ен-3,17-диол; андрост-4-ен-3,17-диол; андрост-5-ен-3,17-диол; андрост-5-ен-3,17-диол; андрост-5-ен-3,17-диол; 4-андростендиол (андрост-4-ен- 3,17-диол); 5-андростендион (андрост-5-ен-3,17-дион), эпидигидротестостерон; 3-гидрокси-5-андростан-17-он, 3-гидрокси-5-андростан-17-он;

19норандростерон; 19-норетиохоланолон.

Агар моддаҳои дар боло зикргардида дар организми инсон табиатан истеҳсол гарданд, натиҷаи тест дар ҳамон ҳолат дорои моддаи манъшуда ба ҳисоб меравад, ки агар таркиби моддаҳо ва ё таркиби метаболитҳо ва маркерҳо аз меъёре, ки барои одамизод муқаррарӣ аст, зиёд бошад ва истеҳсоли он аз тарафи организми одам номумкин бошад. Озмоиш дар ҳамон ҳолат моддаи манъшударо надошта дониста мешавад, ки агар варзишгар далел пешниҳод кунад, ки таркиби моддаҳо ва ё таркиби метаболитҳо ва маркерҳо бо сабаби ҳолатҳои вобаста ба патология ва ё ҳолати физиологӣ зиёд гардидааст. Дар ҳама маврид озмоишгоҳ оид ба натиҷаи номатлуби озмоиш хабар медиҳад, агар дар асоси ҳама усули боэътимод тасдиқ карда тавонад, ки моддаи манъшуда хусусияти экзогенӣ дорад.

Агар натиҷаи тадқиқоти лабораторӣ эътимодбахш набуда, моддае, ки дар бораи он дар боло сухан мерафт, ошкор нагашта бошад, агар асосҳои ҷиддӣ мавҷуд бошад, масалан натиҷаи қиёси мушоҳидаи стероидҳо нишон диҳад, ки истифодаи моддаи манъшуда ҷо дошт, ташкилоти зиддидопингии дахлдор тадқиқоти минбаъдаро давом медиҳад.

Агар озмоишгоҳ хабар диҳад, ки таносуби тестестерон ба эпитестестерон дар пешоб зиёда аз 4 ба 1 аст, дар ин хусус ҳатман тадқиқоти минбаъда бурда мешавад, то барои муқаррар намудани оне, ки ин таносуб дар натиҷаи ҳолатҳои физиологӣ ё патологӣ ба вуҷуд омадааст, ба ғайр аз ҳолатҳое, ки лаборатория дар бораи хулосаи нохуш маълумот медиҳад , ки он дар натиҷаи истифодаи ҳар усули боэътимод ба даст оварда шуда, бо кӯмаки он муқаррар карда шавад, ки моддаи манъшуда хусусияти экзогенӣ дорад.

Тадқиқот омӯзиши ҳар озмоиши пешина ва баъдинаро дар бар мегирад. Агар ба даст овардани натиҷаи тестҳои пешина ғайриимкон бошад, он гоҳ варзишгар бояд дар давоми 3 моҳ бе огоҳии пешакӣ ҳадди ақал 3 маротиба аз тести лабораторӣ гузарад.

Дар ҳолати дар ҷараёни тафтишот ҳамкорӣ накардани варзишгар, чунин дониста мешавад, ки варзишгар аз моддаи манъшуда истифода намудааст.

2. Моддаҳои дигари анаболӣ (рӯйхат мукаммал нест)

Кленбутерол, зеранол, зилпатерол.

52. Гормонҳо ва моддаҳои ба онҳо алоқаманд

Моддаҳои зерин, аз ҷумла дигар моддаҳои бо таркиби ва сохти кимиёвӣ ва таъсирнокии биологишон монанд ва омилҳои паҳнкунӣ манъ шудаанд:

1. эритропоэтин (ЭПО);

2. гормони инкишоф (hGH), омили инкишофи инсулинмонанд (ИФР-1), омили инкишофи механики (МФР) ва дигар моддаҳо, ки барои инкишофи мушак мусоидат менамоянд;

3. гонадотропинҳо (JIF, ХГЧ);

4. инсулин;

5. кортикотропинҳо.

Агар варзишгар собит насозад, ки модда дар натиҷаи ҳолати физиологӣ ё патологӣ ба вуҷуд омадааст, он гоҳ натиҷаи озмоиш ҳамчун дорандаи моддаҳои манъшудаи дар боло зикргардида дониста мешавад ва тест дар ҳаҷми моддаҳои манъшуда ва ё метаболитҳои онҳо ва ё маркерҳо ва ё андозаи нисбии онҳо, ки аз меъёри муқаррарӣ дар бадани шахси оддӣ бояд бошад зиёд аст, ки он бо истҳсоли эндогении организм мувофиқ нест, натиҷабандӣ карда мешавад.

Мавҷуд будани моддаҳои дигар бо сохти кимёвӣ ва ё таъсири биологӣ монанд, маркерҳои диагностикӣ ва ё факторҳои паҳнгардии гармонҳои дар боло зикргардида ва ё дигар моддаҳои хусусияти экзогенидошта аз натиҷаи ғайриматлуби таҳлил ҳисобида мешавад.

53. Бета-2 агонистҳо

Ҳама намуд бета-2 агонистҳо, аз ҷумла изомерҳои D- ва L- манъ мебошанд. Истифодаи онҳо иҷозатнома барои истифодаи терапевтиро талаб мекунад. Ба истиснои формотерол, салбутамол, салметерол ва тербуталин, дар он вақте, онҳо бо воситаи истиншоқ барои пешгирӣ ва ё табобати диққи нафас аз ҷумла диққи нафаси бронхоконстриксия, ки бо вазнинии физикӣ ба вуҷуд омадаасту истифодаи онҳо марҳилаи соддакардашудаи гирифтани иҷозатномаи терапевтиро талаб менамояд.

Новобаста аз он, ки варзишгар ҳуқуқи истифодабарии терапевтиро гирифт ё не агар лаборатория муқаррар намояд, ки таркиби салбутамол (озод ҷамъ глюкородида) аз 1000 нг/мл зиёд бошад, он натиҷаи номатлуби таҳлил ба ҳисоб меравад, ба ғайр аз ҳолатҳое, ки варзишгар тасдиқ намояд, ки хулосаи мазкур натиҷаи истифодаи терапевтии истиншоқи салбутамол мебошад. S4. Моддаҳои фаъол бо антиэстроген Намудҳои зерини моддаҳои антиэстрогенӣ манъ шудаанд:

1. ингибиторҳо ароматазҳо, аз ҷумла анастрозол, летрозол, аминоглютетимид, экземестан, форместан, тестолактон ва ғ.;

2. Модуляторҳои интихобии қабулкунадаҳои (рецептор) эстрогенӣ (SERMs), аз қабили ралоксифен, тамоксифен, торемифен ва ғайра.;

3. Дигар унсурҳои антиэстрогенӣ, аз ҷумла кломифен, диклофенил, фулвестрант ва ғ. S 5. Диуретикҳо ва дигар моддаҳои рӯйпӯшкунанда Диуретикҳо ва дигар моддаҳои рӯйпӯшкунанда манъ шудаанд. Моддаҳои рӯйпушкунанда (рӯйхат мукаммал нест): диуретикҳо, эпитестостерон, пробенедид, ингибиторҳо альфа-редуктазҳо (масъалан, финастерид, дутастерид), ивазкунандаи плазмҳо (мисол: альбумин, декстран, ношоистаи гидрсксиэтил.

* иҷозат ба истифодаи терапевтии моддаҳои манъшуда амал намекунад агар дар пешоби варзишгарон андозаи ниҳоии моддаи манъшудаи диуретик мавҷуд бошад. Диуретикҳо: ацетазоламид, амилорид, буметанид, канренон, хлорталидон, кислотаи этакриники, фуросемид, индапамид, метолазон, спиронолактон, тиазидҳо (мисол, бендрофлюметиазид, хлоротиазид, гидрохлоротиазид) итриамтерен, инчунин моддаҳои бо сохти кимиёвиашон ва ё таъсирнокии биологиашон монанд. Усулҳои манъшуда.

М1. Тақвиятбахши қабули оксиген Усулҳои зерин мань шудаанд: (а) Допинги хунӣ, истифодаи аутологӣ, гомологӣ ва гетерологии маҳсулоти хун ва ё ҳуҷайраҳои ҳама намуд хун низ дохил, ба ғайр истифода бо мақсадҳои тиббӣ.

(b) Баланд бардоштани қобилияти хун барои азхудкунӣ, гузаронидан ва таъминнамоии кислород, мисол бо ёрии перфторикунонӣ ва ё истифодаи эфапроксирал (RSR13) ва маҳсулоти модификатсиякардашуда, ки дар асоси гемоглобин ташкил шудаанд (мисол ивазкунандаи хун дар асоси гемоглобин ва маҳсулоти гемоглобинӣ дар микрокапсулаҳо).

М2. Идора намудан бо роҳи кимиёвӣ ва физикӣ

Манъ шудааст:

Таҳрифнамоӣ ва ё кӯшиши таҳрифкунӣ бо мақсади вайрон намудани тамомият ва аслияти намуна, ки дар озмоиши допингӣ ба даст оварда шуда буд.

Мисол ин метавонад тазриқи дохилӣ*, катетеризатсия ва ивази пешобро низ дар бар гирад. *,

* Ба истиснои ҳолатҳое, ки тазриқи дохилӣ бо нишондодҳои тиббӣ зарур бошад.

МЗ. Допинги генӣ

Истифодаи ғайритерапевтии хуҷайра, генҳо, унсурҳои генӣ, ки натиҷаи варзиширо беҳтар мегардонад, манъ аст. МОДДАҲО ВА УСУЛҲОИ ДАР МУСОБИҚАҲО МАНЪШУДА

Илова ба башҳои дар боло муқарраршуда аз ҷумлаи S1-S5 ва М1-МЗ, ҳангоми мусобиқаҳо категорияҳои зерин манъ шудаанд:

Моддаҳои манъшуда

S 6. Стимуляторҳо

Стимуляторҳои зерин, аз ҷумла дар ҳолатҳои лозимӣ ҳарду изомерҳои оптикӣ (D- ваЬ-) манъ мебошанд: адрафинил, амфепрамон, амифеназол, амфетамин, амфетаминил, бензфетамин, бромантан, карфедон, катин*, клобензорекс, кокаин, диметиламфетамин, эфедрин**, этиламфетамин, этилефрин, фампрофазон, фенкамфамин, фенкамин, фенетиллин, фенфлюрамин, фенпропорекс, фюрфенорекс, мефенорекс, мефентермин, мезокарб, метамфетамин, метил-амфетамин, метилендиоксиамфетамин, метилендиоксиметамфетамин, метилэфедрин**, метилфенидат, модафинил, никетамид, норфенфлюрамин, парагидроксиамфетамин, пемолин, фендиметразин, фенметразин, фентермин,

пролинтан, селегилин, стрихнин ва моддаҳои дигари дорои сохтор ё таъсири биологии монанд***.

* Катин манъ шудааст, агар он дар таркиби пешоб зиёда аз 5 микрограмм дар миллилитр бошад.

** Эфедрин и метилэфедрин манъ шудааст, агар ҳар яки он дар таркиби пешоб аз 10 микрограмм дар миллилитр зиёд бошад.

*** Моддаҳое, ки ба Барномаи мониторинги 2006 дохил гардидаанд (бупропион, кофеин, фенилэфрин, фенилпропаноламин, пипрадол, псевдоэфедрин, синефрин), моддаҳои манъшуда намебошанд.

Эзоҳ. Адреналин, ки дар таркиби доруворӣ барои анестезия ва ё истифодаи худӣ мавҷуд аст (мисол, назали, офтальмологӣ), иҷозат дода шудааст. S 7. Маводи нашъадор

Маводи зерини нашъадор манъ шудаанд:

бупренорфин, декстроморамид, диаморфин (ҳероин), фентанил ва истеҳсолкунандагони он, гидроморфон, метадон, морфин, оксикодон, оксиморфон, пентазоцин, петидин. S 8. Каннабиноидҳо

Каннабиноидҳл (мисол, гашиш, марихуана) манъ мебошанд. S 9Глюкокортикостероидҳо

Истифодаи ҳама намуд глюкокортикостероидҳо ба воситаи даҳон, бо роҳи макъад, дохилӣ ва дохили мушакҳо манъ аст. Истифодаи онҳо иҷозатномаи истифодаи терапевтиро талаб мекунад. Барои ҳама намуд усулҳои дигари истифодаи онҳо иҷозатномаи истифодаи терапевтӣ дар шакли соддашуда лозим аст. Дорувории дерматологӣ манъ нашудаанд. Моддаҳои дар намудҳои алоҳидаи варзиш манъшуда.

Р1. Алкогол

Алкогол (этанол) фақат дар намудҳои зерини мусобиқаҳои варзишӣ манъ шудааст. Он бо роҳи таҳлили нафас ва ё хун муайян карда мешавад. Андозае, ки гузаштани он маънои вайронкунии қоидаҳои антидопингиро дорад, барои ҳар федератсия дар қавсайн нишон дода шудааст:Аэронавтика (FAI)

(0,20 грамм/литр) - Тирандозӣ аз камон (FITА) (0,10 грамм/литр)Варзиши автомобилӣ (FIA) (0,10 грамм/литр) - Варзиши билярд (WCBS) (0,20 грамм/литр) - Петанк (CMSB) (0,10 грамм/литр) - Каратэ (WKF) (0,10 грамм/литр) - Варзиши панҷгонаи модерн (UIPM) барои намудҳое, ки тирандозиро дар бар мегиранд (0,10 грамм/литр) - Мото варзиш (FIM) (0,00 грамм/литр) - Варзиши лижаронӣ (FIS) (0,10 грамм/литр) Р2. Бета-блокаторҳо Агар дигар гуна муқаррар нашуда бошад, он гоҳ бета-блокатор фақат дар мусобиқаҳои намудҳои зерини варзиш манъ шудааст: - Аэронавтика (FAI) - Камонзанӣ (FITА) (берун аз мусобиқа низ манъ шудааст) - Варзиши автомобилӣ (FIA) - Варзиши билярд (WCBS) - Бобслей (FIBT) - Петанк (CMSB) - Бридж (ҒМВ) - Шоҳмат (FIDE) - Керлинг (WCF)Гимнастика (FIG) - Мотоварзиш (FIM) - Варзиши панҷгонаи модерн (UIPM) барои намудҳое, ки камонзаниро дар бар мегиранд - Боулинг (FIQ)Варзиши қаиқи бодбондор (ISAF) (фақат барои варзиши қаиқҳои бодбондор)Тирандозӣ (ISSF) (берун аз мусобиқа низ манъ шудааст) - Варзиши лиаронӣ (FIS) (ҷаҳидан аз трамплин бо лижа, фристайл дар сноуборде)

- Шиноварӣ (FINA) (ҷаҳиш ба об дар шиноварии синхронӣ) - Гӯштин (FILA). Ба бета-блокаторҳо шомиланд (Рӯйхат мукаммал нест): ацебутолол, альпренолол, атенолол, бетаксолол, бисопролол, бунолол, картеолол, карведиол, целипролол, эсмолол, лабеталол, левобунолол, метипранолол, метопролол, надолол, окспренолол, пиндолол, пропанолол, соталол, тимолол. МОДДАҲОИ МАХСУС*

*Дар рӯйхати манъшуда баъзе моддаҳо махсусан ишора карда мешаванд, истифодаи онҳо ҳамчун ғайриихтиёрӣ шуморида мешавад, бо сабаби дастраси омма будани он моддаҳо ва ҳангоми истифода шубҳа бошад, ки он ба натиҷаи варзишӣ таъсир мерасонад. Вайрон кардани қоидаҳои зиддидопингӣ дар натиҷаи истифодаи ин моддаҳо ҷазои нисбатан сабукро пешбинӣ кардааст, агар муайян гардад, ки варзишгар моддаи мазкурро на барои беҳтар гардонидани ҳолатҳои варзишии худ истифода намудааст.

Ба "Моддаҳои махсус"* инҳо дохил мешаванд:

Дар рӯйхати манъшуда баъзе моддаҳо махсусан ишора карда мешаванд. истифодаи онҳо ҳамчун ғайриихтиёрӣ шуморида мешавад, бо сабаби дастраси омма будани он моддаҳо ва ҳангоми истифода шубҳа бошад, ки он ба натиҷаи варзишӣ таъсир мерасонад. Вайрон кардани қоидаҳои зиддидопингӣ дар натиҷаи истифодаи ин моддаҳо метавонад боиси муҷозоти нисбатан сабуктар гардад, агар муайян гардад, ки "варзишгар моддаи мазкурро на барои беҳтар гардонидани ҳолатҳои варзишии худ истифода намудааст". эфедрин, L-метиламфетамин, метилэфедрин; каннабиноидҳо; ҳама бета-2 агонистҳо дар намуди истиншоқ, ба ғайр аз кленбутирол; пробенецид;

хама глюкокортикостероидҳо; ҳама бета-блокаторҳо; алкогол.

Замимаи 5 СТАНДАРТҲОИ ДОДАНИ ИҶОЗАТНОМА барои истифодаи терапевтӣ

Иқтибос аз ҳуҷчати "Стандартҳои байналмилалӣ барои истифодаи терапевтии моддаҳои манъшуда"-и Агентии байналмилалии зиддидопингӣ (минбаъд ВАДА);

аз 1 январи соли 2005 амал мекунад.

4.0 Меъёрҳои додани иҷозатнома барои истифодаи терапевтӣ

Ба варзишгар барои истифодаи терапевтии (ИТ) модда ва ё усули манъшуда, ки ба Рӯйхати манъшуда дохил карда шудаанд, иҷозат дода мешавад. Ариза барои ИТ аз тарафи Кумита оид ба додани иҷозатнома барои истифодаи терапевтӣ (КИТ) дода мешавад. КИТ аз тарафи ташкилоти зиддидопингӣ таъин карда мешавад. Ин гуна иҷозатнома бо мутобиқат ба талаботи зерин дода мешаванд:

Эзоҳ. Стандарти мазкур ба ҳамаи варзишгарон тааллуқ дорад, тавре ки дар Кодекс муқаррар шудааст, масалан, ба варзишгарони дорои қобилияти пурраи ҷисмонӣ ва ба варзишгароне, ки қобилияти маҳдуди ҷисмонӣ доранд, амалӣ карда мешавад. Стандарти мазкур мутобиқи ҳолатҳои инфиродӣ истифода бурда мешавад. Масалан, агар иҷозатнома ба ягон варзишгари дорои қобилияти маҳдуди ҷисмонӣ дода шавад, он ба шахси дигар дода намешавад.

4.1 Ариза барои гирифтани иҷозатнома ба ИТ аз тарафи варзишгар на камтар аз 21 рӯз то иштироки ӯ дар чорабинии варзишӣ пешниҳод карда мешавад.

4.2 Агар дар ҷараёни муолиҷаи ягон намуди беморӣ, ӯ аз модда ва ё усули манъшуда истифода набарад, вазъи саломатии варзишгар хеле бад мешавад,.

4.3 Истифодаи терапевтии модда ва ё усули манъшуда ба беҳтар гардидани натиҷаҳои варзишӣ оварда нарасонад, ба ғайр аз беҳтар шудани вазъи саломатӣ, ки ба таъсири терапевтии истифода намудани моддаи манъшуда вобаста мебошад. Истифодаи ягон намуди модда ва ё усули манъшуда ҷиҳати баланд бардоштани сатҳи "пастшудаи" гормонҳои эндогенӣ, ҳамчун усули дахолати терапевтӣ ба ҳисоб намеравад.

4.4 Мавҷуд набудани дигар шакли оқилонаи истифодаи терапевтии модда ва ё усули манъшуда.

4.5 Зарурати истифодаи модда ва ё усули манъшуда наметавонад натиҷаи истифодаи пешинаи ғайритерапевтии моддаҳо аз Рӯйхати манъшуда бошад.

4.6 Иҷозатномаи ИТ аз тарафи мақомоте, ки онро додааст метавонад бекор карда шавад, агар:

(a) варзишгар ба талаботи ташкилоти зиддидопингӣ, ки иҷозатномаи ИТ-ро додааст, итоат накунад;

(b) мӯҳлати иҷозатномаи ИТ ба охир расида бошад;

(c) варзишгар аз тарафи ташкилоти зиддидопингӣ оид ба бекор гардидани ИТ огоҳонида шавад.

Эзоҳ. Ҳар як иҷозатномаи муайян барои ИТ мӯҳлати аниқи амали худро дорад, ки он аз тарафи КИТ муайян карда шудааст. Ҳолатҳое имконпазиранд, ки мӯҳлати иҷозатномаи ИТ ба охир расида бошад ва ё он аз тарафи КИТ бозхонда шавад, вале дар узви бадани варзишгар моддаи манъшуда, ки бо мақсади истифодаи ИТ иҷозат дода шуда буд, боқӣ мемонад. Дар ин сурат, ташкилоти зиддидопингӣ, ки аз ибтидо оид ба натиҷаи ғайримақбули таҳлил омӯзиш мегузаронад, масъаларо оид ба мувофиқ будан ё набудани натиҷаи бозхонд ва ё ба охир расидани мӯҳлати ИТ баррасӣ менамояд.

4.7 Ариза барои гирифтани иҷозатномаи ИТ оид ба матлаби тасдиқи ретроактивӣ баррасӣ намешавад, ба ғайр аз ҳолатҳои зерин:

(a) зарурати расонидани ёрии таъҷилии тиббӣ ва ё муолиҷа ҳангоми бад шудани вазъи саломатӣ;

(b) дар ҳолатҳои истисноӣ мавҷуд набудани вақти кофӣ ва ё имконият барои додани ариза ва аз тарафи КИТ баррасӣ гардидани ариза то гузаронидани назорати допингӣ.

Эзоҳ. Зарурат ба ёрии таъҷилии тиббӣ бо истифодаи моддаҳои манъшуда ё усулҳо ё муолиҷа ҳангоми бад шудани вазъи саломатии варзишгар, то гирифтани иҷозатномаи ИТ хеле кам ба назар мерасад. Ҳолатҳое, ки расмиёти соддакардашудаи гирифтани иҷозатномаи ИТ-ро талаб мекунанд, низ кам ба назар мерасанд. Ба ин нигоҳ накарда, ташкилотҳои зиддидопингӣ, ки барои додани иҷозатномаи ИТ масъул мебошанд, бояд расмиёти дохилиро таҳия намоянд, ки чӣ тавр дар чунин ҳолатҳо бояд амал намуд.

5.0 Махфӣ будани маълумот

5.1 Аризадиҳанда бояд ба таври хаттӣ розигии худро оид ба додани тамоми маълумоти зарурӣ ба аъзои КИТ ва агар талаб карда шавад ба дигар мутахассисони тиббӣ ё коршиносони илмии мустақил, инчунин ба ҳамаи кормандоне, ки ба иҷозатномаи ИТ баррасии он алоқаманд мебошанд, пешниҳод намояд.

Агар ҷалби коршиносони мустақил талаб карда шавад, тамоми тафсилоти ариза бе нишон додани ному насаби варзишгар ва духтури ӯро муолиҷакунанда фиристода мешавад. Ғайр аз ин, аризадиҳанда тибқи муқаррароти Кодекс бояд барои пешниҳоди қарори КИТ ба дигар

ташкилотҳои зиддидопингии дахлдор, ки бо аризаи ӯ қабул гардидааст, розигии хаттии худро диҳад.

5.2 Аъзои КИТ ва маъмурияте, ки парвандаи ташкилоти зиддидопингиро пеш мебаранд, принсипи махфиятро дар тамоми фаъолияти худ ба таври қатъӣ риоя мекунанд. Ҳамаи аъзои КИТ, инчунин дигар кормандоне, ки ба ин масъала вобаста мебошанд, шартномаи риояи махфиятро ба имзо мерасонанд. Махсусан онҳо бояд нисбат ба маълумоти зерин махфиятро риоя намоянд:

(a) ҳамаи маълумоти хусусияти тиббӣ дошта, ки аз тарафи варзишгар ва табиби/табибони ӯро муолиҷакунанда пешниҳод гардидааст;

(b) ҳамаи тафсилоти ариза, аз ҷумла ному насаби табиб/табибоне, ки ба ин масъала ҷалб гардидаанд.

Агар варзишгар ҷиҳати пешниҳоди ягон маълумот вобаста ба вазъи саломатии худ ба КИТ ва ё КИТ-и ВАДА рад намояд, пас ӯ бояд дар шакли хаттӣ табиби худро дар ин бора огоҳ намояд. Дар натиҷа варзишгар ҷиҳати гирифтани иҷозатнома барои ИТ ва ё тамдиди иҷозатномаи мавҷуда ба ИТ маҳрум мегардад.

6.0 Кумитаҳо оид ба додани иҷозатномаҳо ба истифодаи терапевтӣ (КИТ)

Кумитаҳо оид ба додани иҷозатномаҳо ба ИТ дар асоси принсипҳои зерин таъсис ва фаъолият менамоянд:

6.1 КИТ дар ҳайати худ, хадди ақал, то 3 табиби соҳибтаҷрибаро дошта бошад, ки онҳо дар самти варзиш ва муолиҷаи варзишгарон дар соҳаи тибби клиникӣ, варзишӣ ва назорати тиббӣ аз болои сарбории машқдиҳӣ дониши амиқ дошта бошанд. Барои таъмини сатҳи муайяни мустақилият ҳангоми қабули қарор аъзои КИТ набояд дар доираи ташкилоти антидопингӣ бо ягон ӯҳдадории расмӣ вобаста шуда бошад. Ҳамаи аъзои КИТ оид ба раҳоӣ аз бархӯрди манфиатҳо шартнома ба имзо мерасонанд. Ҳангоми баррасии аризаи варзишгарон бо қобилияти маҳдуди ҷисмонӣ, ҳадди ақал, як узви КИТ бояд барои муолиҷаи ва нигоҳубини варзишгарон бо қобилияти маҳдуди ҷисмонӣ таҷрибаи кофӣ дошта бошад.

6.2 КИТ метавонад аз сарчашмаҳои беруна тамоми ташхиси тиббӣ ё илмиро, ки барои баррасии ин ҳолатҳо зарур мешуморад, вобаста ба ҳар як аризаи мушаххас, ки ҷиҳати гирифтани иҷозатномаи ИТ алоқаманд мебошад, талаб намояд.

6.3 Ҳайати КИТ ВАДА дар асоси меъёрҳое, ки дар моддаи 6.1 баён карда шудааст, муайян мегардад ва КИТ ВАДА бо мақсади баррасии қарорҳои ташкилотҳои зиддидопингӣ, ки бо ИТ алоқаманд мебошанд, таъсис дода мешавад. Дар асоси моддаи 4.4-и Кодекс, бо дархости ҳар як варзишгар, ки ба ӯ истифодаи терапевтӣ аз ҷониби ташкилоти зиддидопингӣ

рад шудааст, КИТ ВАДА метавонад чунин қарорҳоро баррасӣ намояд ва барои аз нав дида баромадани онҳо дорои ваколатҳо мебошад.

7.0 Расмиёти пешниҳоди ариза барои гирифтани иҷозатнома ба истифодаи терапевтӣ

7.1 Ариза барои гирифтани иҷозатномаи ИТ танҳо пас аз гирифтани формуляри пуркардашудаи ариза, ки дар он тамоми ҳуҷҷатҳои зарурӣ замима мегарданд, баррасӣ мешавад. (ниг. ба Иловаи 1 - Формуляри ариза барои гирифтани иҷозатномаи ИТ). Расмиёти баррасии ариза бояд мутобиқи принсипи риояи қатъии махфияти тиббӣ амалӣ карда шавад.

7.2 Ба формуляри ариза барои гирифтани иҷозатномаи ИТ, ки дар Иловаи 1 оварда шудааст, аз тарафи ташкилотҳои зиддидопингӣ мумкин аст тағйирот ворид карда шаванд, ки дархостҳои иловагиро бо мақсади дастрас намудани маълумот дар бар мегирад, вале аз онҳо наметавон ягон қисм ё бандро хориҷ намуд.

7.3 Формуляри аризаро барои гирифтани иҷозатномаи ИТ ташкилотҳои зиддидопингӣ метавонанд ба забонҳои дигар тарҷума намоянд, вале матнҳои англисӣ ва франсузӣ бояд дар формуляри ариза боқӣ монанд.

7.4 Варзишгар наметавонад бо ариза барои гирифтани иҷозатномаи ИТ ба беш аз як ташкилоти зиддидопингӣ муроҷиат намояд. Дар ариза бояд намуди варзиш ва дар ҳолатҳои дахлдор мавқеъ ва нақши варзишгар нишон дода шавад.

7.5 Дар ариза бояд тамоми аризаҳои пештара ё мавҷуда, ки барои гирифтани иҷозатнома ба истифодаи модда ва ё усули манъшуда, номи мақоме, ки аризаҳо ба он пешниҳод гардиданд ва қарори он мақом дарҷ гарданд.

7.6 Дар ариза бояд корти пурраи тиббии (таърихи бемории) варзишгар ва натиҷаҳои ҳамаи ташхисҳо, таҳлилҳои лабораторӣ ва омӯзишҳои тафсилоти тиббӣ, ки ба аризаи мазкур дахл дорад, қайд карда шавад.

7.7 Ҳамаи ташхисҳои иловагии дахлдор, таҳлилҳо ё омӯзишҳои тафсилоти тиббӣ, ки аз тарафи КИТ талаб карда мешаванд, аз ҳисоби худи варзишгар ва ё ташкилоти миллии варзишии он варзишгар пардохта мешаванд.

7.8 Ариза бояд хулосаи духтури соҳибтаҷрибаро оид ба зарурати истифодаи модда ва усули манъшударо барои муолиҷаи варзишгар дар бар гирад; дар он бояд нишон дода шавад, ки барои чӣ усулҳои алтернативӣ ва манънашудаи тиббӣ барои муолиҷаи варзишгар истифода бурда намешаванд.

7.9 Дар ариза бояд андоза, миқдор, восита ва давомнокии истифодабарии модда ва ё усули манъшуда нишон дода шавад.

7.10. Қарори КИТ дар давоми 30 рӯз аз санаи гирифтани иттилооти дахлдор қабул мегардад ва ба маълумоти варзишгар ба таври хаттӣ тавассути

ташкилоти зиддидопингӣ расонида мешавад. Агар иҷозатнома ба ИТ тавассути ташкилоти зиддидопингии бақайдгирифтаи ташхис дода шавад* пас оид ба тасдиқи ариза ба варзишгар ва ВАДА дар бораи мӯҳлати амали иҷозатномаи мазкур ва шартҳои дигар, ки ба иҷозатнома ба ИТ вобаста мебошанд, фавран огоҳ карда мешаванд.

7.11 (а) Мутобиқи моддаи 4.4 Кодекс ҳангоми аз варзишгар гирифтани дархост оид ба дида баромадани қарори қабулшуда, КИТ ВАДА имконият пайдо мекунад, ки қарорро оид ба иҷозатномаи ИТ, ки аз тарафи ташкилоти зиддидопингӣ қабул шудааст, баррасӣ намояд. Варзишгар тамоми маълумотро оид ба иҷозатномаи ИТ, ки қаблан аз ҷониби ташкилоти зиддидопингӣ, якҷоя бо маблағи хизматрасонӣ ҷиҳати баррасӣ намудани ариза дода шуда буд, пешниҳод менамояд. То ба охир расидани ҷараёни баррасии ҳуҷҷатҳо, қарори пештара эътибор дорад. Давомнокии расмиёти баррасии дархости дар боло зикргардида аз лаҳзаи аз тарафи ВАДА гирифтани маълумот набояд аз 30 рӯз зиёд бошад,

(Ь) ВАДА метавонад баррасиро дар ҳар вақти дилхоҳ гузаронад. КИТ ВАДА баррасии худро дар давоми 30 рӯз ба анҷом мерасонад.

7.12 Агар қарор оид ба додани иҷозатнома барои ИТ дар натиҷаи аз нав дида баромадани дархости зикргардида қарор гирад, пас чунин қарор қувваи бозгаштро надорад ва натиҷаҳое, ки варзишгар ҳангоми мӯҳлати амали иҷозатнома ба ИТ пешниҳод карда буд, бекор карда намешаванд ва қарор оид ба аз нав дида баромаднан на дертар аз 14 рӯз аз лаҳзаи огоҳ намудани варзишгар эътибор пайдо менамояд.

8.0 Расмиёти соддакардашуда (PC) пешниҳоди ариза барои гирифтани иҷозатнома ба ИТ

8.1 Маъмул аст, ки баъзе моддаҳое, ки ба Рӯйхати манъшуда дохил гардидаанд, барои муолиҷаи бемориҳои варзишгарон истифода бурда мешаванд. Дар чунин ҳолатҳо мутобиқи қисмҳои 4 ва 7 расмиёти пурраи пешниҳоди аризаро барои гирифтани иҷозатномаи ИТ гузаштан шарт нест. Махсусан барои ин расмиёти соддакардашудаи пешниҳоди ариза барои гирифтани иҷозатномаи ИТ ҷорӣ карда мешавад.

8.2 Расмиёти содцакардашуда танҳо нисбат ба ИТ моддаҳо ва усулхои манъшудаи зерин истифода бурда мешаванд:

бета-2 агонистҳо (формотерол, салбутамол, салметерол ва тербуталин) дар намуди истиншоқ, инчунин глюкокортикостероидҳо ҳангоми истифодаи бенизом.

8.3 Барои истифодаи яке аз моддаҳои дар боло зикргардида варзишгар ба ташкилоти зиддидопингӣ варақаи тиббиро пешниҳод менамояд, ки он зарурати истифодаи ин намуди моддаро тасдиқ намояд. Дар варақаи тиббӣ, ки дар Иловаи-2 оварда шудааст, ташхис, номгӯи доруворӣ, меъёри

истифода он, усул ва давомнокии истифодаи он нишон дода мешавад. Дар ҳолатҳои зарурӣ ба он тамоми намуди таҳлилҳо, ки бо мақсади муайян намудани ташхис (бе нишон додани натиҷаҳо ва тафсилоти воқеӣ) бояд дохил карда шаванд.

8.4 Расмиёти соддакардашуда дар бар мегирад:

(a) бо шарти таъмини самарабахшии расмиёти соддакардашуда, ба музоҷоти ташкилоти зиддидопингӣ барои истифодаи моддаи манъшуда, бо гирифтани тамоми маълумоти зарурӣ дар варақа. Варақае, ки тамоми маълумоти заруриро дар бар намегирад, ба аризадиҳанда баргардонида мешавад;

(b) аз ҷониби ташкилоти зиддидопингӣ ба таври фаврӣ огоҳ намудани варзишгар, оид ба гирифтани варақае, ки тамоми маълумоти заруриро дар бар мегирад, инчунин, мутаносибан, огоҳ намудани федератсияи байналмилалӣ, федератсияи миллӣ ва ташкилоти миллии зиддидопингӣ. Ташкилоти зиддидопингӣ ВАДА-ро танҳо дар он сурат огоҳ месозад, ки агар масъала ба варзишгарони сатҳи байналмилалӣ тааллуқ дошта бошад;

(c) Варақаи аз ҷониби варзишгар пешниҳодгардида дар доираи расмиёти соддаркардашуда ба таври ретроактивӣ баррасӣ намегардад, ба истиснои ҳолатҳои зерин:

- зарурати расонидани ёрии таъҷилии тиббӣ ва ё табобат ҳангоми бад шудани вазъи саломатӣ;

- дар ҳолатҳои истиснои мавҷуд набудани вақти кофӣ ва ё имконияти аризадиҳанда барои пешниҳоди ариза ва аз тарафи КИТ гирифтани ариза то гузаронидани назорати допингӣ.

8.5 (а) КИТ ва ё КИТ ВАДА метавонанд дар ҳар вақти дилхоҳ қарореро, ки дар доираи расмиёти соддакардашуда қабул шудааст, аз нав баррасӣ намоянд;

(Ь) агар варзишгар ба КИТ ВАДА бо дархости баррасии раддияи гирифтани иҷозатномаи ИТ дар доираи расмиёти соддакардашуда муроҷиат намояд, КИТ ВАДА метавонад аз варзишгар маълумоти тиббии иловагиро талаб намояд, ки зарур мешуморад ва тамоми хароҷот аз тарафи варзишгар пардохта мешавад.

8.6 КИТ ва ё КИТ ВАДА дар ҳар вақти дилхоҳ метавонанд амали иҷозатномаро ба ИТ, ки доираи расмиёти соддакардашуда бекор намоянд. Дар ин хусус варзишгар, федератсияи байналмилалии ӯ ва ҳамаи ташкилоти зиддидопингии дахлдор фавран хабардор карда мешаванд.

8.7 Бекор кардани иҷозатнома ба ИТ, ки дар доираи расмиёти соддакардашуда дода шудааст, дарҳол пас азогоҳ намудани варзишгар оид ба чунин қарор эътибор пайдо мекунад. Ба ин нигоҳ накарда, варзишгар ҳуқуқ дорад, мутобиқи қисми 7 барои гирифтани иҷозатнома ба ИТ муроҷиат намояд.

9.0 Маркази иттилоотӣ

9.1 Ба ташкилотҳои зиддидопингӣ пешниҳод мегардад, ки тамоми қарорҳои қабулшударо вобаста ба гирифтани иҷозатномаи ИТ, инчунин тамоми ҳуҷҷатҳои иловагиро, ки мутобиқи қисми 7 дода шудаанд, ба ихтиёри ВАДА супорад.

9.2 Нисбат ба иҷозатномаи ИТ, ки дар доираи расмиёти соддакардашуда дода шудаанд, ташкилотҳои зиддидопингӣ ба ихтиёри ВАДА варақаҳои тиббиро месупоранд, ки мутобиқи моддаи 8.4 аз тарафи варзишгарони сатҳи байналмилалӣ пешниҳод гардидаанд.

9.3, Маркази иттилоотӣ махфӣ будани тамоми маълумоти тиббиро кафолат медиҳад.

"экзоген," маънои модда,оеро доранд, ки дар организми одам исте,сол намешаванд.

18-гомо-17(3-гидроксиэстр-4-ен-3-он; боластерон; болденон; боддион; калюстерон; клостебол; даназол; дегидрохлорометилтестосгерон; дельта 1андростен-3,17-дион; дельта 1-андростендиол; дельта 1 -дигидротестостерон; дростанолон; этилэстренол; флюоксиместерон; формеболон; фура-забол; гестринон; 4-гидрокситестостерон; 4-гидроки-19-нортестостерон; местанолон; местеролон; метенолон; метандиенон; метандриол; метилдиенолон; метилтриенолон; метилтестостерон; миболерон; нандролон; 19- норандростендиол; 19-норандростендион; норболетон; норклостебол; норэтандролон; оксаболон; оксандролон; оксиместерон; оксиметолон; хинболон (квинболон); станозолол; стенболон; тетрагидрогестринон; тренболон ва модда,ои дигар, ки бо таркиби кимиёв, ва ё таъсирнокии биологиашон монанданд.