ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ҳамроҳшавии Ҷумҳурии Тоҷикистон ба Конвенсияи байналмилалӣ оид ба мубориза бо допинг дар варзиш

Мутобиқи моддаи 69 Конститутсия (Сарқонуни) Ҷумҳурии Тоҷикистон фармон медиҳам:

1) Ҷумҳурии Тоҷикистон ба Конвенсияи байналмилалӣ оид ба мубориза бо допинг дар варзиш, ки 19 октябри соли 2005 дар шаҳри Париж қабул гардидааст, ҳамроҳ шавад.

2) Вазорати корҳои хориҷии Ҷумҳурии Тоҷикистон мувофиқи тартиби муқарраргардида маҳфуздорандаи Конвенсияи мазкурро аз ҳамроҳшавии Ҷумҳурии Тоҷикистон ба ин Конвенсия огоҳ созад.