Тартиби гузаронидани муоинаи ҳатмии давлатии техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторӣ, ки дар роҳҳои Ҷумҳурии Тоҷикистон ҳаракат мекунанд

1. МУҚАРРАРОТИ УМУМӢ

1) Тартиби гузаронидани муоинаи ҳатмии давлатии техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторӣ, ки дар роҳҳои Ҷумҳурии Тоҷикистон ҳаракат мекунанд (минбаъд-Тартиб), санади меъёрии ҳуқуқӣ буда, тартиби муоинаи техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракториро (минбаъд-мошинҳо) дар қаламрави Ҷумҳурии Тоҷикистон муқаррар менамояд.

2) Гузаронидани муоинаи ҳатмии давлатии техникии мошинҳо аз тарафи Бозрасии назорати давлатии техникаи кишоварзии Вазорати кишоварзии Ҷумҳурии Тоҷикистон ва мақомоти дар маҳал будаи он анҷом дода мешавад.

3) Иҷрои Тартиби мазкур аз тарафи ҳамаи хоҷагиҳо, корхонаю иттиҳодияҳо ва муассисаю ташкилотҳо, новобаста ба шакли ташкилию ҳуқуқӣ, тобеият ва шакли моликият, инчунин шаҳрвандони Ҷумҳурии Тоҷикистон, шахсони ҳуқуқӣ ва шаҳрвандони хориҷӣ, шахсони бешаҳрванд, ки мошинҳо доранд, ҳатмист.

4) Вазифаҳои асосии муоинаи ҳатмии давлатии техникӣ аз арзёбии ҳолати техникии мошинҳо, аниқ намудани миқдори онҳо, мансубият ва дигар маълумоти бақайдгирӣ, пешгирӣ намудани ҳуқуқвайронкунии маъмурӣ ҳангоми истифодабарӣ, назорати саривақт аз муоинаи тиббӣ гузаштани механизаторон, суғуртаи ҳатмии масъулияти шаҳрвандӣ иборат мебошад.

5) Ҳангоми гузаронидани муоинаи ҳатмии давлатии техникии мошинҳое, ки дар роҳҳои Ҷумҳурии Тоҷикистон ҳаракат мекунанд, Бозрасии назорати давлатии техникаи кишоварзӣ вазифаҳои асосии зеринро ҳал менамояд;

- санҷиши мутобиқати ҳолати техникии мошинҳо ба талаботи стандартҳо, дастурамалҳо, қоидаҳо ва дигар санадҳои меъёрии ҳуқуқии Ҷумҳурии Тоҷикистон;

- аниқ намудани миқдори онҳо, мансубият ва дигар маълумоти бақайдгирӣ;

пешгирӣ намудани ҳуқуқвайронкунии маъмурӣ истифодабарӣ;

- назорати саривақт аз муоинаи тиббӣ гузаштани механизаторон;

- назорати суғуртаи ҳатмии масъулияти шаҳрвандӣ;

- дигар вазифаҳои тибқи тартиби муқарраргардида ба зимма дошта.

6) Мошинҳо баъди бақайдгирӣ дар мақомоти Бозрасии назорати давлатии техникаи кишоварзӣ бояд дар давоми 7 шабонарӯз барои гузаштан аз муоинаи ҳатмии давлатии техникӣ пешниҳод карда шаванд. Дар ҳолати тағийр ёфтани бақайдгирӣ дар давраи эътиборнокии талони муоинаи техникӣ, он баъди супоридани маблағи арзиши талони муоинаи техникӣ бе санҷиши ҳолати техникӣ иваз карда мешавад.

7) Мошинҳое, ки баъди истеҳсоли завод бори аввал ба қайди Бозрасии назорати давлатии техникаи кишоварзӣ гирифта мешаванд, талони муоинаи техникӣ баъди пардохти хироҷҳои пешбининамудаи қонунгузории Ҷумҳурии Тоҷикистон ва маблағи арзиши талони муоинаи техникӣ бе санҷиши ҳолати техникӣ дода мешавад.

8) Муоинаи ҳатмии давлатии техникии мошинҳо ҳар сол аз 1 март то 31 декабр (бо назардошти шароити иқлимӣ, сохтори парки мошинҳо, базаи истеҳсолию-техникӣ ва ғайра), мошинҳои истифодабарии мавсимӣ бошанд, пеш аз саршавии мавсими кор, вале на дертар аз 15 рӯз то саршавии корҳо гузаронида мешавад.

2. ЧОРАБИНИҲО ОИД БА ГУЗАРОНИДАНИ МУОИНАИ ТЕХНИКӢ

9) Мақомоти Бозрасии назорати давлатии техникаи кишоварзӣ дар асоси пешниҳоди хоҷагӣ, корхона, ташкилот ва муассисаи манфиатдор то 1 феврали ҳар сол ҷадвали маҷмӯии муоинаи ҳатмии давлатии техникии мошинҳоро барои ноҳия (шаҳр) (дар мувофиқа бо раёсатҳои кишоварзӣ) тартиб медиҳад, ки он бояд маълумотро дар бораи ҷой, сана ва вақти гузаронидани муоинаи ҳатмии давлатии техникӣ дар бар гирад. Муоинаи ҳатмии давлатии техникии мошинҳои шахсони воқеӣ ва хоҷагиҳои деҳқонии инфиродӣ дар маҳали гузаронидани муоина тибқи ҷадвали тасдиқгардида, ки ба ҷойи зисти соҳибони онҳо ё суроғаи нигоҳдории техника наздик мебошад, гузаронида мешавад.

10) Маъмурияти хоҷагӣ, корхона, ташкилот ва муассиса дар асоси ҷадвали умумӣ дар санадҳои муоинаи ҳатмии техникӣ руйхати мошинҳоро бо қайди маълумоти зарурӣ (ғайр аз хулоса дар бораи ҳолати техникӣ) тартиб медиҳанд ва онро тасдиқ намуда, бо шиносномаи техникӣ, талони техникии мошинҳо, варақаҳои пардохт (супоришномаи пардохт) дар бораи пардохти хироҷ тибқи қонунгузории Ҷумҳурии Тоҷикистон ва полиси суғуртаи ҳатмии масъулияти шаҳрвандӣ муайянкардашуда дар мӯҳлати на дертар аз 10 рӯз қабл аз оғози муоина ба мақомоти Бозрасии назорати давлатии техникаи кишоварзӣ пешниҳод менамояд.

11) Мақомоти Бозрасии назорати давлатии техникаи кишоварзӣ вазифадор аст, ки тавассути воситаҳои ахбори омма ва ё ба таври хаттӣ (мактуб, барқия) соҳибони мошинҳоро оид ба ҷой, мӯҳлат ва талаботи пешниҳоди мошинҳо барои гузаронидани муоинаи ҳатмии давлатии техникӣ хабардор намоянд.

3. ТАРТИБИ ПЕШНИҲОДИ МОШИНҲО БАРОИ МУОИНАИ ҲАТМИИ ДАВЛАТИИ ТЕХНИКӢ

12) Соҳибони мошинҳо вазифадоранд, ки мошинхоро дар мӯҳлат ва ҷойи муайяннамудаи мақомоти Бозрасии назорати давлатии техникаи кишоварзӣ барои муоинаи ҳатмии давлатии техникӣ пешниҳод намоянд.

13) Мақомоти Бозрасии назорати давлатии техникаи кишоварзӣ муоинаи ҳатмии давлатии техникии мошинҳоро баъди пешниҳод намудани ҳуҷҷатҳои зерин анҷом медиҳад:

- ҳуҷҷати тасдиқкунандаи шахсият;

- шиносномаи техникӣ, талони техникӣ;

- варақаи пардохт (супоришномаи пардохт, нусхаи квитансия) дар бораи пардохти хироҷ тибқи қонунгузории Ҷумҳурии Тоҷикистон;

- вараҳаи (супоришномаи пардохт, нусхаи квитансия) дар бораи пардохти арзиши варақаи муоинаи техникӣ;

- полиси суғуртаи ҳатмии масъулияти шаҳрвандӣ.

14) Мошинҳое, ки барои истифодабарӣ омода карда шудаанд, бояд мутобиқи тартиби мазкур ҳатман аз муоинаи ҳатмии давлатии техникӣ гузаронида шаванд. Мошинҳое, ки бо сабаби носозӣ, набудани қисмҳои эҳтиётӣ ва ғайра барои истифодабарӣ омода карда нашудаанд, ба гузаронидани муоинаи ҳатмии давлатии техникӣ пешниҳод карда намешаванд. Кормандони Бозрасии назорати давлатии техникаи кишоварзӣ аз чунин мошинҳо нишони бақайдгирӣ, рақами давлатӣ ва талони пешинаи муоинаи техникиро гирифта, онҳоро то бартараф намудани камбудиҳо дар Бозрасии назорати давлатии техникаи кишоварзӣ нигоҳ медоранд. Ба шахсони ҳуқуқӣ нусхаи санади муоинаи ҳатмии давлатии техникии гурӯҳи мошинҳо (Замимаи №1) ва ба соҳибони мошинҳои инфиродӣ нусхаи санади ҳолати техникии мошинҳо (Замимаи № 2) бо сабти гирифта шудани нишони бақайдгирӣ дода мешавад.

15) Баъди бартараф намудани камбудиҳо соҳиби мошин онро барои муоинаи ҳатмии давлатии техникӣ якҷоя бо нусхаи санади пештар додашуда дар бораи супоридани нишони бақайдгирӣ ва талон, инчунин ҳуҷҷатҳои дар банди 13 Тартиби мазкур зикргардидаро пешниҳод мекунад.

Ба мошине, ки коршоям дониста шудааст, нишони бақайдгирии пештар гирифташуда баргардонида шуда, оид ба гузаронида шудани муоинаи техникӣ талони нав дода мешавад.

16) Талони муоинаи техникӣ (Замимаи № 3) ба гурӯҳи ҳуҷҷатҳои махсуси хисоботи қатъӣ мансуб буда, тартиби нашр, нигоҳдорӣ ва сарфи он аз тарафи Бозрасии назорати давлатии техникаи кишоварзӣ муқаррар карда мешавад.

17) Маблағи хироҷ аз амалҳои Бозрасии назорати давлатии техникаи кишоварзӣ ба буҷети ҷумҳуриявӣ гузаронида мешавад.

4. ТАРТИБИ ГУЗАРОНИДАНИ МУОИНАИ ТЕХНИКӢ

18) Муоинаи ҳатмии давлатии техникии ҳар як мошин бояд аз санҷиши мутобиқати сохт (конструксия), ҳолати техникӣ ва таҷҳизоти мошин ба талаботи Қоидаҳои муқарраршудаи байнидавлатии соҳавӣ, навъ, тамға, нишонҳои бақайдгирӣ, рақамҳои заводӣ, рақамҳои шассӣ, муҳаррик ба маълумоти дар шиносномаи техникӣ ва талони техникӣ дарҷшуда оғоз гардад. Мошине, ки ҳолати техникӣ ё таҷҳизоти он лоақал ба яке аз ин талабот ҷавобгӯй набошад, вайрон ҳисобида шуда, тибқи тартиби муқарраргардида истифодабарии он манъ карда мешавад.

19) Ҳолати техникии ядаку нимядакҳо ҳам якҷоя бо трактор (агрегат) ва ҳам дар алоҳидагӣ (барои санҷидани дурустии дастгоҳи пайвастшавандаю кашанда) мавриди санҷиш қарор дода мешавад.

20) Ҳангоми муоинаи ҳатмии давлатии техникии мошинҳое, ки истифодаи онҳо муваққатан ба таъхир (консерватсия) мононда шудаанд, ғайри талаботи дар банди 18 тартиби мазкур зикршуда, инчунин муҷаҳҳазӣ ва мувофиқи талабот ба нигоҳдорӣ гузоштани онҳо санҷида мешаванд.

21) Ба соҳибони мошинҳое, ки аз муоинаи ҳатмии давлатии техникӣ гузаштаанд, Бозрасии назорати давлатии техникаи кишоварзӣ талони муоинаи техникӣ (Замимаи № 3 ба Тартиби мазкур) медиҳад, ки онро нозири назорати давлатии техникӣ бо имзои худ ва сиккаи (штамп) рақамдори шахсӣ тасдиқ менамояд. Талони муоинаи техникӣ дар кунҷи поёнии тарафи роста шишаи пеши мошин аз дарун часпонда мешавад.

22) Ҳангоми гум ё корношоям шудани талони муоинаи Техникӣ аз тарафи Бозрасии назорати давлатии техникаи кишоварзие, ки онро додааст ё мақомоти болоии он ба мӯҳлати бокимонда бе санҷиши ҳолати техникӣ баъди пардохти арзиши варақаи талони муоинаи техникӣ нусхаи дуюм (дубликат) дода мешавад.

23) Муоинаи ҳатмии давлатии техникии мошинҳое, ки дар қайди муваққатӣ мебошанд, аз ҷумла мошинҳои ба иҷораи молиявӣ (лизинг) додашуда аз тарафи мақомоти Бозрасии назорати давлатии техникаи кишоварзии маҳали қайди муваққатии мошин анҷом дода мешавад.

24) Истифодабарии мошинҳое, ки аз муоинаи ҳатмии давлатии техникӣ дар мӯҳлатҳои пешбининамудаи Тартиби мазкур гузаронида нашудаанд, аз тарафи Бозрасии назорати давлатии техникаи кишоварзӣ ва дигар мақомоти назорати давлатӣ, ки чунин ваколатҳоро доранд, тибқи тартиби муқарраргардида манъ карда шуда, гунаҳкорон мутобиқи қонунгузории Ҷумҳурии Тоҷикистон ба ҷавобгарии маъмурӣ кашида мешаванд.

5. ГУЗАРОНИДАНИ МУОИНАИ ҲАТМИИ ДАВЛАТИИ ТЕХНИКИИ МОШИНҲОИ ШАХСОНИ ҲУҚУҚӢ

25) Шахсони ҳуқуқӣ то 1 феврали ҳар сол оид ба таъини ҳайати комиссияи ташкил ва гузаронидани муоинаи ҳатмии давлатии техникии мошинҳо фармон мебароранд, ки ба ҳайати он корманди дар маҳалбудаи Бозрасии назорати давлатии техникаи кишоварзӣ шомил мегардад.

26) Баъди аз тарафи роҳбари ташкилот тасдиқ гардидани ҷадвали муоинаи ҳатмии давлатии техникӣ нусхаи он бо фармон оид ба таъини ҳайати комиссияи ташкил ва гузаронидани муоинаи ҳатмии давлатии техникӣ ба Бозрасии назорати давлатии техникаи кишоварзии маҳалли қайди доимии (муваққатии) мошинҳо фиристонида мешавад.

27) Мӯҳлати таҳия ва пешниҳоди ҷадвали муоинаи ҳатмии давлатии техникии мошинҳо бо мувофиқаи воҳидҳои маҳаллии Бозрасии назорати давлатии техникаи кишоварзӣ муқаррар карда мешавад.

28) Ба маъмурияти ташкилот бе мувофиқаи Бозрасии назорати давлатии техникаи кишоварзӣ тағйир додани мӯҳлатҳои гузаронидани муоинаи ҳатмии давлатии техникӣ манъ аст.

29) Мошинҳое, ки аз маҳали қайди доимӣ ба дигар вилоят ва ё ноҳия ба мӯҳлати зиёда аз 2 моҳ равон карда шудаанд, дар Бозрасии назорати давлатии техникаи кишоварзии маҳали қайди муваққатии онҳо дар мӯҳлатҳои барои корхонаҳои базавӣ муқарраргардида аз муоинаи ҳатмии давлатии техникӣ гузаронида мешаванд.

30) Мошинҳое, ки ба дигар корхонаҳо ё шаҳрвандон ба кироя ё иҷораи молиявӣ (лизинг) дода шудаанд, дар корхонаи асосӣ ё Бозрасии назорати давлатии техникаи кишоварзии маҳали қайди муваққатии онҳо дар мӯҳлатҳои барои корхонаҳои базавӣ муқарраргардида аз муоинаи ҳатмии давлатии техникӣ гузаронида мешаванд.

31) Барои мошинҳое, ки дар маҳали қайди муваққатӣ аз муоинаи техникӣ гузаронида шудаанд, санади муоинаи ҳатмии давлатии техникии мошин (Замимаи № 4) тартиб дода шуда, дар мӯҳлати 10 рӯз ба Бозрасии назорати давлатии техникаи кишоварзии маҳали қайди доимии мошинҳо фиристода мешавад. Санадҳои зикршуда барои дохил кардани онҳо ба ҳисоботи корхонаи базавӣ (Замимаи № 1) асос мебошад.

6. БАРАСМИЯТДАРОРИИ НАТИҶАҲОИ МУОИНАИ ҲАТМИИ ДАВЛАТИИ ТЕХНИКӢ

32) Аз рӯи натиҷаҳои муоинаи техникӣ Бозрасии назорати давлатии техникаи кишоварзӣ то 1 феврали соли минбаъдаи ҳисоботӣ ба Вазорати кишоварзӣ оид ба шумораи мошинҳое, ки то санаи 31 декабри соли ҳисоботӣ аз муоинаи ҳатмии давлатии техникӣ гузашта, дар қайди Бозрасии назорати давлатии техникаи кишоварзӣ мебошанд, иттилоот пешниҳод мекунад.

33) Бозрасии назорати давлатии техникаи кишоварзӣ ба мақомоти ваколатдори давлатии дахлдор дар мӯҳлатҳои муқарраршуда оид ба маблағи ҷамъшудаи хироҷ ба буҷети ҷумҳуриявӣ барои гузаронидани муоинаи ҳатмии давлатии техникӣ маълумот пешниҳод менамояд.

Санади гузаронидани муоинаи ҳатмии давлатии техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ ва ядаку нимядакҳои тракторӣ (мошинҳо)

"___"________с. 20___                     ____________________________________

                                          (маҳали гузаронидани муоина)

Ман___________________________________________________________________________

(вазифа ва ному насаби корманди Бозрасии назорати давлатии техникаи кишоварзӣ)

______________________________________________________________________________

дар___________________________________________________________________________

          (номи ташкилот, корхона, хоҷагӣ ва суроға)

__________________________________________________________муоинаи ҳатмии давлатии техникии мошинҳои дар тавозун бударо гузаронидам. Ба муоинаи ҳатмии давлатии техникӣ_________адад мошинҳо пешниҳод карда мешаванд.

Натиҷаи муоинаи техникии гузаронидашуда:

+---+-------+--------+--------------------+-------+-------+----------ҷ
|р/т|Номгӯй |Рақами  |     Рақами         |Соли   |Рақами |Хулоса    |
|   |ва     |давлатӣ +------+--Т-----+----+барориш|талони |оид ба    |
|   |тамғаи |        |заводи|муҳаррик|рама|       |муоинаи|ҳолати    |
|   |техника|        |      |        |(шас|       |техникӣ|техникии  |
|   |       |        |      |        | си)|       |       |мошинҳо,  |
|   |       |        |      |        |    |       |       |(коршоям, |
|   |       |        |      |        |    |       |       |корношоям)|
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+
+---+-------+--------+------+--------+----+-------+-------+----------+

Роҳбари коргоҳ____________  Нозири Бозрасии назорати давлатии техникаи
_____________________________  кишоварзӣ_________________________________
Муҳосиб___________________  _____________________________________________
                                (мӯҳр, имзо ва ному насаби нозири БНДТК)

Намояндаи коргоҳ__________  __________________________________________
Ҷ.М.____________қабул кард  "___"___________________с.20___

Санад оид ба ҳолати техникии трактор, комбайн, мошини худгарди кишоварзӣ, мелиоративӣ, роҳсозию сохтмонӣ ва ядаку нимядаки тракторӣ (мошин)

"___"__________с. 20___                                     _____________________________

                                                             (маҳали гузаронидани муоина)

Аз тарафи ман,___________________________________________________________________________

             (ному насаб, вазифаи корманди Бозрасии назорати давлатии техникаи кишоварзӣ)

_________________________________________________________________________________________

Ҳуҷҷатҳои тибқи банди 14 Тартиб барои гузаронидани муоинаи ҳатмии         

давлатии техникӣ муқарраргардидаи мошини_________________________________________________

                                        (номгӯй, тамға, соли барориш, рақами давлатӣ,

_________________________________________________________________________________________

                   рақами заводӣ, рақами шассӣ, рақами муҳаррик)

ки бо сабаби доштани нуқсонҳои техникӣ___________________________________________________

                                       (тибқи нишондоди соҳиби мошинҳо

_________________________________________________________________________________________

                                       қайд карда мешавад)

барои гузаронидани муоинаи ҳатмии давлатии техникӣ пешниҳод намудан ғайриимкон аст, тафтиш

карда шуд.

Хулоса: Мошин вайрон ҳисобида шуда, истифодабарии он бо гирифтани рақами бақайдгирии

давлатӣ______________________манъ карда шуд.

Нозири Бозрасии назорати

давлатии техникаи кишоварзӣ _____________________________________________________________

                            (мӯҳр, имзо ва ному насаби нозир)

Нусхаи санадро гирифтам ва огоҳонида шудам, ки баъди бартараф карда шудани нухсонҳо мошинро ба Бозрасии назорати давлатии техникаи кишоварзӣ ___________________________ бо ҳамие нусхаи санад ва ҳуҷҷати тасдиқкунандаи шахсият, шиносномаи техникӣ, талони техникӣ, варақаи пардохти хироҷе, ки тибқи қонунгузории Ҷумҳурии Тоҷикистон, инчунин полиси суғуртаи ҳатмии масъулияти шаҳрвандӣ муқаррар намудааст, ба муоинаи ҳатмии давлатии техникӣ пешниҳод намоям.

_________________________________________________________________________________________

(имзо, ному насаб ва суроғаи соҳиби мошин)

Талони муоинаи ҳатмии давлатии техникӣ

(Тасвири трактор)

1. Варақаи талон аз коғази ғафс тайёр карда шуда, тарафи рӯи он дар тамоми сатҳ дорои ранге мебошад, ки баъди ҳар се сол такрор мешавад.

2. Андозаи талон 95х65 мм аст.

3. Дар тарафи рӯи талон инҳо сабт карда мешаванд:

- номи ҳуҷҷат - "Муоинаи техникӣ";

- ду рақами соле, ки мошин ба муоинаи ҳатмии давлатии техникӣ пешниҳод шудааст;

- тартиби моҳҳо бо рақамҳои римӣ аз I то XII барои қайди моҳи муоинаи навбатии ҳатмии давлатии техникӣ;

- номи кӯтоҳкардашудаи Бозрасии назорати давлатии техникаи кишоварзӣ (БНДТК) бо рақами тартибии талон.

4. Дар қафои талон сабти зерин мавҷуд мебошад:

- номгӯй ва тамғаи мошин;

- рақами қайди давлатӣ;

- қайдҳои махсус: № заводӣ, № муҳаррик, санаи муоина, мӯҳлати амали талон;

- бо имзо ва сиккаи (штампи) рақамдори корманди Бозрасии назорати давлатии техникаи кишоварзие, ки муоинаи ҳатмии давлатии техникиро гузаронидааст, тасдиқ карда мешавад.

Санади муоинаи ҳатмии давлатии техникии трактор, комбайн, мошини худгарди кишоварзӣ, мелиоративӣ, роҳсозию сохтмонӣ ва ядаку нимядаки тракторӣ (мошин)

"___"_____________соли 20__               __________________________________

                                              (маҳали гузаронидани муоина)

Аз тарафи ман,___________________________________________________________________________

              (ному насаб, вазифаи корманди Бозрасии назорати давлатии техникаи кишоварзӣ)

1. Номгуй ва тамғаи м мошин_______________________________________________

2. Рақами қайди давлатӣ________________ 3. № завод________________________

4. № муҳаррик__________________________ 5. Соли барориш___________________

6. Шиносномаи техникӣ__________________ 7. Талони техникӣ_________________

8. Мансубияти мошин_______________________________________________________

                   (ному насаби соҳиби мошин, номи ташкилот ва тобеияти он

__________________________________________________________________________

                              пурра дарҷ карда мешавад)

9. Суроғаи соҳиби мошин___________________________________________________

__________________________________________________________________________

10. Дар БНДТК-и___________________________________________________________

                     ба қайд гирифта шудааст (шаҳр, ноҳия)

11. Полиси суғуртаи ҳатмӣ:________________________________________________

12. Хулоса доир ба ҳолати техникӣ________________________________

                                      (коршоям/корношоям)

13. Талони муоинаи техникии №___________________________дода шуд.