Ҳукумати Ҷумҳурии Тоҷикистон

ҚАРОР

Оид ба ворид намудани тағйироту иловаҳо ба Низомномаи фурӯши объектҳои хусусигардонӣ дар музояда ва тендерҳо

Бо мақсади суръат бахшидани фурӯши объектҳои хусусигардонӣ дар музояда ва тендерҳо, Ҳукумати Ҷумҳурии Тоҷикистон қарор мекунад:

1. Ба Низомномаи тартиби фурӯши объектҳои хусусигардонӣ дар музояда ва тендерҳо, ки бо қарори Хукумати Ҷумҳурии Тоҷикистон аз 16 декабри соли 1997 № 513 тасдиқ шудааст, тағйироту иловаҳои зерин ворид карда шаванд:

дар сархати 3 банди 2 калимаи "се" бо калимаи "ду" иваз карда шаванд;

дар банди 19 калимаҳои "хадди ақали садкарата" бо калимаҳои "панҷоҳ маоши ҳадди ақал, ки дар вақти гузаронидани музояда дар Ҷумҳурии Тоҷикистон муқаррар шудааст" иваз карда шаванд;

дар банди 21 калимаҳои "дусад доллар" бо калимаҳои "панҷоҳ доллар" иваз карда шаванд;

дар банди 26 калимаҳои "сӣ рӯз" бо калимаҳои "понздаҳ рӯз" иваз карда, ва баъди калимаҳои "пеш аз доир гардидани музояда" калимаҳои " ва дар сурати фурӯши саҳмияҳои ба давлат таалуқ доштаи ҷамъиятҳои саҳҳомӣ на камтар аз сӣ рӯз пеш аз доир гардидани музояда" илова карда шаванд;

банди 38 қисми 2 бо кадимаҳои "Дар сурате, ки агар фурӯш якбора дар як рӯз бо усулҳои инглисиву голландӣ гузаронида шавад, дар он сурат фурӯш аввал бо усули голландӣ гузаронида мешавад" пурра карда шаванд;

сархати дуюми зербанди "б" банди 39 чунин таҳрир гардад:

"Ҳарроҷ нархи аввалии лотро эълон мекунад ва ба иштирокчиён барои харидорӣ пешниҳод мекунад. Дар сурате, ки баъд аз эълон намудани нархи аввалӣ ду ва ё зиёда хоҳишманд барои ба даст овардани лот кӯшиш мекунад, мудири музояда барои баланд бардоштани нархҳо шурӯъ мекунад. Дар ин ҳол ғолиб ҳамон иштирокчӣ ҳисобида мешавад, ки барои лот қиммати аз ҳама баландро пешниҳод намояд. Агар баъд аз эълони нархи аввалии лот, харидорони хоҳишманд пайдо нашаванд, он гоҳ мудири музояда нархи лотро устуворона кам менамояд, нархи навро эълон мекунад. Ҳарроҷ рақами иштирокчиёро, ки аввалин шуда рақами музоядавиашро пас аз эълони нарх боло кардааст маълум менамояд ва бо садои болғача ӯро ғолиби ин лот эълон мекунад. Дар ҳолате, ки мудири музояда нархи ниҳоии лотро эълон мекунад ва нафаре аз иштирокчиён хоҳиши ба даст овардани лоти мазкурро намекунад, пас лот аз фурӯш бозгирифта мешавад";

бекор карда шуд (қарори Ҳукумати ҶТ аз 14.05.1998 № 182)

2. Комитети давлатии идораи амволи давлатии Ҷумҳурии Тоҷикистон, раисони Вилояти Мухтори Бадахшони Қӯҳӣ, вилоятҳо, шаҳрҳо, навоҳӣ ҳангоми гузаронидани музояда ва тендерҳо ин қарорро ҷиддан сармашқи кори худ қарор диҳанд.