ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 6 октябри соли 2025, №328 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Кодекси иҷрои ҷазои ҷиноятии Ҷумҳурии Тоҷикистон»-ро баррасӣ намуда, Ҳукумати Ҷумҳурии Тоҷикистон қарор мекунад:

Ҳулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Дар бораи ворид намудани тағииру иловаҳо ба Кодекси иҷрои ҷазои ҷиноятии Ҷумҳурии Тоҷикистон» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи

Ҳукумати Ҷумҳурии Тоҷикистон ба лоихаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодексииҷрои ҷазои ҷиноятии Ҷумҳурии Тоҷикистон»

Ҳукумати Ҷумҳурии Тоҷикистон лоихаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси иҷрои ҷазои ҷиноятии Ҷумҳурии Тоҷикистон»-ро, ки бо қарори Шӯрои Мачлиси намояндагони Мачлиси Олии Ҷумҳурии Тоҷикистон 6-уми октябри соли 2025-ум, №328 барои додани хулоса ба Ҳукумати Ҷумҳурии Тоҷикистон пешниход гардидааст, баррасӣ карда, вобаста ба моддаи 1 чунин пешниход менамояд:

1)ба сарлавҳа баъд аз калимаи «Лоиҳа» калимаҳои «ҚОНУНИ ҶУМҲУРИИ ТОҶИКИСТОН» илова карда шаванд;

2)кисми 1 дар шакли пешниҳодшуда қобили қабул намебошад, зеро мақсади конунгузории иҷрои ҷазои ҷиноятии Ҷумҳурии Тоҷикистон аз ислохи маҳкумшудагон ва пешгирии содир кардани ҷиноятхои дигар иборат мебошад. Дар ин замина баланд бардоштани вазнинии ҷазо метавонад боиси камсамарии чораҳои мачбурӣ ё холатҳои саркашӣ аз пардохти ҷарима гардад;

3)сархати дуюми қисми 3 бо қисми 1 лоиҳаи Қонуни мазкур алоқаманд аст ва дар робита бо эрод нисбат ба кисми 1 лоиҳаи Қонуни мазкур хориҷ карда шавад.