ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 22 сентябри соли 2025, №304 «Оид ба лоиҳаи Қонуни Ҷумҳурии Тоҷикистон «Дар бораи ворид намудани тағйироту иловаҳо ба Кодекси ҳуқуқвайронкунии маъмурии Ҷумҳурии Тоҷикистон»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Дар бораи ворид намудани тағйироту иловаҳо ба Кодекси ҳуқуқвайронкунии маъмурии Ҷумҳурии Тоҷикистон» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи

Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Дар бораи ворид намудани тағйироту иловаҳо ба Кодекси ҳуқуқвайронкунии маъмурии Ҷумҳурии Тоҷикистон»

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Дар бораи ворид намудани тағйироту иловаҳо ба Кодекси ҳуқуқвайронкунии маъмурии Ҷумҳурии Тоҷикистон»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 22 сентябри соли 2025, №304 барои додани хулоса ба Ҳукумати Ҷумҳурии Тоҷикистон пешниҳод гардидааст, баррасӣ карда, вобаста ба он чунин пешниҳод менамояд:

1)дар ном ва муқаддимаи моддаи 1 калимаҳои «ТАҒЙИРОТУ» ва «тағйироту» мувофиқан ба калимаҳои «ТАҒИИРУ» ва «тағииру» иваз карда шаванд;

2)оид ба қисми 2:

-сархати якум ҳориҷ карда шавад, зеро тибқи муқаррароти Қонуни Ҷумҳурии Тоҷикистон «Дар бораи системаи иҷрои ҷазои ҷиноятӣ» таҳти мафҳуми «системаи иҷрои ҷазои ҷиноятӣ» мақомот ва муассисаҳои давлатии маҳсуси Ҷумҳурии Тоҷикистон, ки мувофиқи қонунгузории Ҷумҳурии Тоҷикистон иҷрои ҷазои ҷиноятиро таъмин менамоянд, фаҳмида шуда, бо он мухолифатиро ба миён меорад;

-дар сархати дуюм калимаҳои «дар қисми» ба калимаҳои «аз қисми» иваз карда шаванд;

3)қисми 3 лоиҳа ҳориҷ карда шавад, зеро он боиси мушкилиҳо мегардад;

4)дар сархати якуми қисми 4 калимаи «дар» ба калимаи «аз» иваз карда шавад;

5)дар қисми 5 калимаи «калимаҳои» ба калимаи «калимаи» иваз карда шавад;

6)қисми 6 дар таҳрири зерин ифода карда шавад;

«6. дар сархати шашуми қисми 1 моддаи 50 калимаҳои «маводи нашъаовар,» ба калимаҳои «воситаҳои нашъадор, моддаҳои» иваз карда шаванд.»;

7)дар қисми 9 оид ба моддаи 661¹ иловашаванда:

-аз қисми якум калимаҳои «исрофкорӣ ва қаллобӣ» ҳориҷ карда шаванд, зеро мафҳуми «тасарруф» исрофкорӣ ва қаллобиро низ дарбар мегирад;

-эзоҳ ҳориҷ карда шавад, зеро ҷавобгарии маъмурӣ барои содир намудани ҳуқуқвайронкунии маъмурии дар диспозитсияи моддаи мазкур муаяйншуда ҳангоми набудани аломатҳои таркиби ҷиноят, ки дар Кодекси ҷиноятии Ҷумҳурии Тоҷикистон муқаррар шудааст, фаро мерасад.

Ҳамзамон, ҳатоҳои техникию грамматикӣ ва имлои ислоҳ карда шуда, матни русии лоиҳа ба матни тоҷикии он мутобиқ гардонида шавад.