СОЗИШНОМАИ ҚАРЗӢ (Лоиҳаи таҷдиди шабакаи интиқоли барқи Суғд)байни ҶУМҲУРИИ ТОҶИКИСТОН ва БОНКИ АВРУПОИИ ТАҶДИД ВА РУШД

МОДДАИ I. МУҚАРРАРОТ ВА ШАРТҲОИ СТАНДАРТӢ. МАФҲУМҲО

Қисми 1.01. Муқаррарот ва шартҳои стандартӣ

Кисми 1.02. Мафҳумҳо

Қисми 1.03. Шарҳи мафҳумҳо

МОДДАИ II. ШАРТҲОИ АСОСИИ ДОДАНИ ҚАРЗ

Қисми 2.01. Маблағ ва асъор

Қисми 2.02. Дигар шартҳои молиявии додани қарз

Қисми 2.03. Гирифтани маблағ аз суратҳисоб

Қисми 2.04. Шахси ваколатдор барои гирифтани маблағ аз суратҳисоб

МОДДАИ III. ИҶРОИ ЛОИҲА

Қисми 3.01. Дигар уҳдадориҳои лоиҳавӣ

МОДДАИ IV. МАВҚУФГУЗОРӢ, ТЕЗОНИДАН, БЕКОР КАРДАН

Қисми 4.01. Мавқуфгузорӣ

Қисми 4.02. Тезонидани муҳлати додани қарз

МОДДАИ V. ЭЪТИБОР ПАЙДО КАРДАН

Қисми 5.01. Шартҳои пешакии эътибор пайдо намудани Созишнома

Қисми 5.02. Хулосаи ҳуқуқӣ

Қисми 5.03. Бекор карда шудани Созишнома бинобар эътибор пайдо накардани он

МОДДАИ VI. ШАРТҲОИ ДИГАР

Қисми 6.01. Огоҳинома

ҶАДВАЛИ 1. Тавсифи лоиҳа

ҶАДВАЛИ 2. КАТЕГОРИЯҲО ВА ИСТИФОДАИ МАБЛАҒ

ҶАДВАЛИ 3. БОзпардохти маблағи асосӣ

Созишнома аз санаи [__________] соли 2024 байни Ҷумҳурии Тоҷикистон (Қарзгиранда) ва Бонки Аврупоии Таҷдид ва Рушд («Бонк»).

Бо дарназардошти он, ки Бонк бо мақсади расонидани кумаки молиявӣ дар татбиқи лоиҳаҳои мушаххас бинобар суръат бахшидан ҷиҳати гузариш ба бозори кушоди иқтисодӣ ва мусоидат намудан ба пешбурди ташаббусҳои хусусӣ ва соҳибкорӣ дар давлатҳои муайян таъсис дода шудааст, ки тарафдори идеяҳои демократия буда, принсипҳои бисёрҳизбии демократӣ, афкори плюрализм ва иқтисодиёти бозоргониро дар амал татбиқ мекунад.

Бо дарназардошти он, ки Қарзгиранда ният дорад Лоиҳаи дар Ҷадвали 1 замимагардидаро, ки барои мусоидат ба барқарорсозии шабакаи барқ дар вилояти Суғди Ҷумҳурии Тоҷикистон, аз ҷумла насби трансформатори нав («Лоиҳаи азнавсозӣ» ё «Лоиҳа») пешбинӣ шудааст, амалӣ созад. Илова бар ин, Қарзгиранда ният дорад, ки яке аз трансформаторҳои мавҷудаи шабакаи барқро дар вилояти Суғди Тоҷикистон бо назардошти муқаррарот ва шартҳои дар ҳуҷҷатҳои қарзӣ ва грантии алоҳида изҳоргардида, ки байни Бонк ва Қарзгиранда дар санаи имзо гардидани Созишномаи мазкур ё санаи ба ин сана наздик баста мешавад, васеъсозӣ намояд («Лоиҳаи васеъсозӣ») (OpID 54275).

Бо дарназардошти он, ки Лоиҳа аз ҷониби Қарзгиранда тавассути Ҷамъияти саҳомии кушодаи «Шабакаҳои интиқоли барқ», ширкате ки тибқи қонунгузории Ҷумҳурии Тоҷикистон ба қайд гирифта шудааст , бо дастгирии молиявӣ ва дигар дастгириҳо аз ҷониби Қарзгиранда амалӣ мегардад;

Бо дарназардошти он, ки Қарзгиранда аз Бонк барои маблағгузории Лоиҳа кумак дархост намудааст;

Бо дарназардошти он, ки Бонк розӣ аст, ки ба Қарзгиранда ҷиҳати маблағгузории Лоиҳаи азнавсозӣ тибқи муқаррарот ва шартҳои дар Созишномаи мазкур ва созишномаи лоиҳавӣ муқарраргардида ки байни Бонк ва Субъекти лоиҳа дар санаи имзо гардидани Созишномаи мазкур ё санаи ба ин сана наздик баста мешавад, (минбаъд – «Созишномаи лоиҳавӣ») ба маблағи умумии 10, 200, 000 (даҳ миллиону дусад ҳазор евро) қарз диҳад,

БО ДАРНАЗАРДОШТИ ОН, КИ Бонк розӣ аст, ки маблағҳоро дар асоси грант барои Лоиҳаи азнавсозӣ дастрас намояд, аз ҷумла (i) гранти сармоягузорӣ ба маблағи то 3, 500, 000 (се миллиону панҷсад ҳазор) евро, ки аз ҷониби Фонди махсуси саҳҳомони БАТР (минбаъд – «Гранти ФМС БАТР барои азнавсозӣ») маблағгузорӣ мешавад ва (ii) гранти сармоягузорӣ ба маблағи 1,000,000 (як миллион) евро, ки аз ҷониби Фонди инфрасохтори устувори БАТР (Гранти ФИУ БАТР барои азнавсозӣ) (якҷоя «Маблағгузории грантӣ барои азнавсозӣ») маблағгузорӣ карда мешавад, бо мақсади расонидани кумак ба Қарзгиранда дар амалисозии Лоиҳаи азнавсозӣ тибқи муқаррарот ва шартҳои дар Созишномаи байни Бонк ва Қарзгиранда (минбаъд – «Созишномаи грантӣ барои азнавсозӣ») муқарраргардида;

БО ДАРНАЗАРДОШТИ ОН, КИ Бонк дар раванди ҷалби кумаки техникӣ барои Лоиҳаи васеъсозӣ ва Лоиҳаи азнавсозӣ дар асоси грант қарор дорад бо мақсади маблағгузорӣ намудани (i) мушовири Гурӯҳи татбиқи лоиҳа (тавре ки дар поён муайян карда шудааст) ба маблағи то 1,450,000 (як миллиону чорсаду панҷоҳ ҳазор) евро («Гранти ГТЛ ҲТ») тибқи Созишнома дар бораи пешниҳоди грант барои ҳамкории техникӣ, ки байни Бонк ва Субъекти Лоиҳа («Созишномаи грантӣ дар бораи ҳамкории техникии Гурӯҳи татбиқи лоиҳа») баста мешавад; (ii) татбиқи Барномаи рушди корпоративӣ (тавре ки дар поён муайян карда шудааст) ба маблағи то 620,000 (шашсаду бист ҳазор) евро («Гранти ҳамкории техникии Барномаи рушди корпоративӣ») барои дастгирии Субъекти Лоиҳа дар баланд бардоштани иқтидор, ҷудокунӣ ва омодасозии Нақшаи дарозмуддати рушди шабака (тавре ки дар поён муайян карда шудааст) бо назардошти муқаррарот ва шартҳои дар созишномае, ки байни Бонк ва мушовири дахлдор баста мешавад; (iii) дастгирии Қарзгиранда дар баланд бардоштани иқтидори экологӣ ва иҷтимоӣ ба маблағи 40 000 (чил ҳазор) евро, ки бо назардошти муқаррарот ва шартҳои дар созишномае, ки байни Бонк ва мушовир баста мешавад; ва (iv) Кумаки шарикӣ (аз одам ба одам) ба Оператори низоми интиқоли нерӯи барқ ба маблағи 125,000 (яксаду бисту панҷ ҳазор) евро, ки барои он мушовирони дахлдор мустақиман аз ҷониби Бонк ҷалб карда мешаванд (якҷоя, “Фонди ҳамкории техникӣ”);

БО ДАРНАЗАРДОШТИ ГУФТАҲОИ БОЛО, тарафҳо ба мувофиқаи зерин расиданд:

МОДДАИ I. МУҚАРРАРОТ ВА ШАРТҲОИ СТАНДАРТӢ. МАФҲУМҲО

Қисми 1.01. Ворид намудани муқаррарот ва шартҳои стандартӣ

Тамоми муқаррарот ва шартҳои стандартии Бонк аз 5 ноябри соли 2021, ки ба Созишномаи мазкур ворид карда шудаанд, ҳамон қувва ва эътибори амалеро доранд, ки бевосита дар Созишномаи мазкур ифода гардидаанд (чунин муқаррарот минбаъд муқаррарот ва шартҳои стандартӣ номида мешаванд).

Қисми 1.02. Мафҳумҳо

Истилоҳоте, ки дар Созишномаи мазкур (аз ҷумла дар муқаддима ва ҷадвалҳо) истифода мешаванд, ба истиснои ҳолатҳое, ки тартиби дигар пешбинӣ нашуда ва дар матн маънои дигар дар назар дошта нашуда бошад, маънои дахлдори ба онҳо додашуда, истилоҳоти дар муқаррарот ва шартҳои стандартӣ истифодашаванда дорои маънои дахлдори ба онҳо додашударо мефаҳмонанд ва истилоҳоти дар поён овардашуда маъноҳои зеринро доранд:

«Намояндаи ваколатдори Қарзгиранда» маънои Вазорати молияи Қарзгирандаро дорад.

«Гранти БРК ҲТ» маънои ин мафҳум дар муқаддима дода шудааст.

«Мушовири БРК» маънои мушовирро дорад, ки аз ҷониби Бонк барои расонидани кумак ба Субъекти лоиҳа дар баланд бардоштани иктидор, чудо кардан ва тайёр кардани Нақшаи дарозмуддати рушди шабака таъин карда мешавад.

«БРК» ё «Барномаи корпоративии рушд» маънои барномаи рушди корпоративӣ, аз ҷумла идоракунии корпоративӣ барои Субъекти лоиҳа барои ноил шудан ба беҳбудиҳо дар идоракунии ҳуқуқӣ, меъёрӣ, амалиётӣ, техникӣ ва молиявии Субъекти лоиҳаро дорад, аз ҷумла талаботҳое, ки бояд бо кумаки мушовири БРК ва Субъекти лоиҳа таҳия карда шаванд.

«ClientNet» маънои портали онлайни Бонк барои интиқоли ҳуҷҷатҳо ва маълумот байни Бонк ва мизоҷони он ва ҳама гуна вебсайти ивазкунандаро дорад, ки Бонк метавонад ҳар сари вақт Қарзгирандаро огоҳ кунад.

«ФМС БАТР» маънои Фонди махсуси саҳмдорони БАТР-ро дорад.

«Гранти ФМС БАТР барои азнавсозӣ» маънои ин мафҳум дар муқаддима оварда шудааст.

«Гранти ФМС БАТР барои васеъсозӣ» маънои гранти сармоягузории хароҷоти умумии барои Лоиҳаи васеъсозӣ (OpID 54275) ба маблағи то 4,500 000 (чор миллиону панҷсад ҳазор) евро мебошад, ки аз ҳисоби захираҳои ФМС ва тибқи муқаррарот ва шартҳои дар Созишномаи грантӣ барои азнавсозӣ муқарраргардида маблағгузорӣ карда мешавад.

«Сиёсат ва расмиёти истифодаи ҳуқуқ» маънои сиёсат ва расмиёти истифодаи ҳуқуқи Бонк аз 4 октябри соли 2017, ки ҳар сари вақт ислоҳ карда мешавад ва сиёсат ё расмиёти аз ҷониби БАТР ҳамчун вориси ё ивазкунандаи чунин сиёсат ё расмиёт қабулшударо дорад.

«Нақшаи амалиёти экологӣ ва иҷтимоӣ» маънои ин мафҳум дар Созишномаи лоиҳавӣ оварда шудааст.

«Сиёсати экологӣ ва иҷтимоӣ» маънои ин мафҳум дар Созишномаи қарзӣ дода шудааст.

«Лоиҳаи васеъсозӣ» ё «Лоиҳа» маънои ин мафҳум дар муқаддима оварда шудааст.

«Интиқоли маблағ» маънои ин мафҳум дар банди (а)қисми 3.01 Созишномаи мазкур дода шудааст.

«Шартномаи лоиҳа» маънои шартномаро тибқи китоби зарди Федератсияи байналмилалии муҳандисон-мушовирон (FIDIC) барои қисми А Лоиҳаи азнавсозӣ ё ҳама гуна шартнома ба шартҳои дигар, ки байни Субъекти лоиҳа ва Пудратчии лоиҳа дар шакл ва мазмуни барои Бонк мақбул баста мешавад.

«Пудратчии Лоиҳа» маънои пудратчиро дорад (ки аз ҷониби Бонк қобили қабул аст), ки аз ҷониби Субъекти Лоиҳа тибқи Шартномаи лоиҳа таъин карда мешавад.

«Соли молиявӣ» маънои соли молиявии Қарзгирандаро дорад, ки 1 январи оғоз гардида, 31 декабри ҳар сол ба охир мерасад.

«Созишномаи грантӣ барои азнавсозӣ» маънои ин мафҳум дар муқаддима оварда шудааст.

«Созишномаи грантӣ барои васеъсозӣ» маънои Созишномаи грантӣ барои васеъсозӣ вобаста ба Лоиҳаи васеъсозиро (OpID: 54275) дорад, ки байни Бонк ва Қарзгиранда дар санаи бастани Созишномаи мазкур ё санаи ба он наздик баста мешавад.

«Маблағгузории грантӣ барои азнавсозӣ» маънои ин мафҳум дар муқаддима дода шудааст.

«Маблағгузории грантӣ барои васеъсозӣ» маънои Гранти ФМС БАТР барои васеъсозӣ ва гранти ФИУ БАТР барои васеъсозиро дорад.

«Созишномаи қарзӣ барои васеъсозӣ» маънои Созишномаи қарзӣ барои васеъсозӣ вобаста ба Лоиҳаи васеъсозиро (OpID: 54275) дорад, ки байни Бонк ва Қарзгиранда дар санаи бастани Созишномаи мазкур ё санаи ба он наздик баста мешавад.

«Асъори қарз» маънои Евро-ро дорад.

«Нақшаи рушди шабакаи дарозмуддат» маънои нақшаи муфассалро дорад, ки аз ҷониби мушовири Барномаи корпоративии рушд омода мегардад ва раванди банақшагирии рушди шабака, ронандагон ва вазифаҳои асоси нақша ва таҳкими шабакаи интиқоли зарурӣ дар сенарияҳои гуногуни энергетикӣ дар даҳсолаи ояндаро тавсиф менамояд.

«ГТЛ» ё «Гурӯҳи Татбиқи Лоиҳа» маънои мафҳуми мазкур дар Созишномаи лоиҳавӣ барои азнавсозӣ дода шудааст.

“Мушовири ГТЛ” маънои мушовирро (ки аз ҷониби Бонк қобили қабул аст) дорад, аз ҷониби Субъекти Лоиҳа дар асоси шартномаи мушовири ГТЛ таъин карда мешавад.

«Шартномаи мушовири ГТЛ» маънои шартномаи байни Субъекти Лоиҳа ва мушовири ГТЛ-ро дорад, ки тибқи он Мушовири ГТЛ ба Субъекти Лоиҳа дар идоракунии Лоиҳа кумак мерасонад ва шакл ва мазмуни созишнома барои Бонк қобили қабул мебошад.

«Гранти ГТЛ ҲТ» маънои ин мафҳум дар муқаддима оварда шудааст.

«Созишномаи грантии ГТЛ ҲТ» маънои ин мафҳум дар муқаддима оварда шудааст.

«Лоиҳа» маънои ин мафҳум дар муқаддима оварда шудааст.

«Созишнома(ҳо)и лоиҳавӣ» маънои ҳама гуна ва ҳамаи Созишномаи лоиҳавиро барои васеъсозӣ ва Созишномаи лоиҳавӣ барои васеъсозӣ (мувофиқан) дорад.

«Созишномаи лоиҳавӣ барои васеъсозӣ» маънои Созишномаи лоиҳавиро барои тамдидро дорад, ки байни Бонк ва Субъекти Лоиҳа вобаста ба васеъсозӣ баста мешавад.

«Созишномаи лоиҳавӣ барои азнавсозӣ» маънои Созишномаи лоиҳавӣ барои азнавсозиро дорад, ки байни Бонк ва Субъекти лоиҳа вобаста ба Лоиҳаи азнавсозӣ (OpID 54275) баста мешавад.

«Субъекти лоиҳа» маънои ин мафҳум дар муқаддима оварда шудааст.

«Дастгирӣ дар татбиқи Лоиҳа» маънои ин мафҳум дар Созишномаи лоиҳавӣ дода шудааст.

«Буҷети Лоиҳа» маънои буҷети аз ҷониби ГТЛ таҳияшуда, аз ҷумла тақсимоти хароҷоти лоиҳаро дорад.

«Нақшаи татбиқи Лоиҳа» маънои нақшаеро дорад, ки аз ҷониби ГТЛ бо мақсади ҳамоҳангсозӣ, идоракунӣ, назорат ва арзёбии тамоми ҷанбаҳои татбиқи лоиҳа таҳия шудааст, аз ҷумла хариди молҳо, корҳо ва хизматрасониҳо барои Лоиҳа, ки аз ҷониби Субъекти Лоиҳа метавонад ҳар сари вақт дар мувофиқа бо Қарзгиранда бо розигии пешакии хаттии Бонк тағйир дода шавад.

«Нақшаи харид» маънои ин мафҳум дар Созишномаи лоиҳа барои азнавсозӣ дода шудааст.

«Гранти ФИУ барои васеъсозӣ» маънои гранти сармоягузории хароҷоти умумӣ барои Лоиҳаи васеъсозӣ (OpID 54275) ба маблағи то 1,000,000 евро (як миллион евро) мебошад, ки аз ҳисоби захираҳои ФИУ ва тибқи муқаррарот ва шартҳои дар Созишномаи грантӣ барои васеъсозӣ муқарраргардида маблағгузорӣ карда мешавад.

«Гранти ФИУ барои азнавсозӣ» маънои ин мафҳум дар муқаддима оварда шудааст.

«Оинномаҳо» маънои ин мафҳум дар Созишномаҳои лоиҳа дода шудааст.

«Фондҳои ҲТ» маънои ин мафҳум дар муқаддима дода шудааст.

«Оператори низоми интиқоли барқ» маънои ташкилотеро дорад, ки барои интиқоли энергия дар сатҳи миллӣ ва минтақавӣ бо истифода аз инфрасохтори устувори баландшиддат масъул аст.

«Созишномахом грантии ҲТ» маънои Созишномаи грантии ГТЛ ҲТ ва ҳама гуна дигар созишномаи грантии ҳамкории техникиро дорад, ки байни Бонк ва Субъекти Лоиҳа вобаста ба Лоиҳа баста мешавад.

«Лоиҳаи азнавсозӣ» маънои ин мафҳум дар муқаддима дода шудааст.

Қисми 1.03. Шаҳри мафҳумҳо

Дар Созишномаи мазкур ҳама гуна истинод ба модда, қисм ё ҷадвали мушаххас ба истиснои ҳолатҳое, ки дар Созишнома тартиби дигар пешбинӣ нашуда бошад, метавонад ҳамчун истинод ба модда, қисм ё ҷадвали зикршуда дар доираи Созишномаи мазкур шарҳ дода шаванд.

МОДДАИ II. ШАРТҲОИ АСОСИИ ДОДАНИ ҚАРЗ

Қисми 2.01. Маблағ ва асъор

(а) Бонк розӣ мешавад, ки ба Қарзгирандаанда тибқи муқаррарот ва шартҳои Созишномаи мазкур ба маблағи 10,200,000 (даҳ миллиону дусад ҳазор) евро қарз диҳад.

Қисми 2.02. Дигар шартҳои молиявии додани қарз

(а) маблағи ҳадди ақал барои гирифтан аз суратҳисоб 500,000 евроро ташкил медиҳад;

(b) маблағи ҳадди ақали пешпардохт 200,000 евроро ташкил медиҳад;

(c) маблағи ҳадди ақали бекор кардан 200,000 евроро ташкил медиҳад;

(d) пардохт аз рӯи фоизҳо 15 апрел ва 15 октябри ҳар сол анҷом дода мешавад.

(е) (1) Қарзгирандаанда қарзро 15 апрел ва 15 октябри ҳар сол бо тақсим кардани он ба 27 (ё то ҳадди имкон баробар) қисми баробар пардохт менамояд ва тибқи ҷадвали асосии пардохти дар Ҷадвали 3 муқараргардида санаи аввали пардохти қарз 15 октябри соли 2028 буда, санаи ниҳоии пардохти қарз 15 октябри соли 2041 мебошад.

(2) Новобаста ба гуфтаҳои боло, агар (i) Қарзгиранда ҳамаи маблағи қарзро то санаи пардохти аввали қарз, ки дар Қисми 2.02 (е) зикр шудааст, истифода набарад, ва (ii) агар Бонк муҳлати гирифтани маблағи қарзро, ки дар қисми 2.02 (f) нишон дода шудааст, то рӯзе, ки пас аз санаи пардохти аввал меояд, тамдид намояд, он гоҳ ҳар як маблағи гирифташуда, ки дар рӯз ё пас аз санаи пардохти аввали қарз гирифта шудааст, ба қисмҳои баробар ба якчанд санаи пардохти қарз тақсим карда мешавад, ки ба баъди санаи гирифтани маблағ рост меояд (ҳамзамон Бонк маблағи қарзро ҳамон тавре тақсим менамояд, ки дар ҳолати алоҳида андозаи пардохт рақами бутунро ташкил диҳад). Бонк Қарзгирандаро ҳар вақт дар бораи чунин тақсимоти маблағҳо хабардор менамояд.

(f) Санаи охирини истифодаи маблағҳо соли панҷуми имзо шудани Созишномаи мазкур ё санаи дертар мебошад, ки Бонк метавонад бо салоҳдиди худ ва баъди гирифтани розигии хатии Қарзгирандаанда муқаррар намояд ва дар ин бора Қарзгирандаро огоҳ менамояд. Агар маблағи дастрас ё қисми он бояд аз рӯи меъёри муқарраргардида фоизбандӣ карда шавад ва Бонк санаи охирини дастрасиро ба дигар рӯз гузаронад, Қарзгиранда дарҳол ба Бонк чунин маблағи хароҷотро, ки оиди он Бонк ба таври хаттӣ Қарзгирандаро огоҳ менамояд, пардохт мекунад.

(g) Ҳаққи пардохти комиссионӣ барои захираи маблағ 0,5 фоизро дар як сол ташкил медиҳад.

(h)Қарз аз рӯи меъёри фоизи тағйирёбанда ҳисоб карда мешавад. Ба гуфтаҳои боло нигоҳ накарда, Қарзгиранда метавонад ба ҳайси алтернативаи пардохти фоиз аз рӯи меъёри фоизи тағйирёбанда барои ҳама ё ягон қисми қарзи пардохтнашуда пардохти фоизро аз рӯи фоизи муқарраршуда тибқи қисми 3.04 (с) муқарарот ва шартҳои станрдатӣ анҷом диҳад.

Қисми 2.03. Гирифтани маблағ аз суратҳисоб

(а) Тибқи муқаррароти Ҷадвали 2 маблағҳо аз суратҳисоб бо мақсади маблағгузорӣ намудани (1) хароҷоти кардашудаи (ё бо розигии Бонк барои хароҷоти минбаъда) Қарзгиранда вобаста ба харидорӣ намудани мол, кор ва хизматрасониҳо, ки барои азнавсозии Лоиҳа зарур мебошанд, ва (2) барои пардохти яккаратаи комиссия барои кушодани қарз истифода мешаванд.

(b) Қарзгиранда бо Созишномаи мазкур Бонкро ваколатдор месозад, ки аз маблағи дастрас маблағи барои пардохти комиссияи яккарата барои кушодани қарз зарурро аз номи Қарзгиранда гирад ва онро аз номи Қарзгиранда ба худ пардохт намояд.

Қисми 2.04. Шахси ваколатдор барои гирифтани маблағ аз суратҳисоб

Вазорати молияи Қарзгиранда намояндаи ваколатдори Қарзгиранда бо мақсади анҷом додани ягон амали дархостшуда ё иҷозатдодашуда тибқи муқаррароти қисми 2.03 (а) ва муқаррароти қисмҳои 3.01 ва 3.02 муқарраот ва шартҳои стандартӣ таъин карда мешавад.

МОДДАИ III – ИҶРОИ ЛОИҲА  

Қисми 3.01. Дигар уҳдадориҳои лоиҳавӣ

Илова ба уҳдадориҳои умумӣ, ки дар моддаҳои IV ва V муқаррарот ва шартҳои стандартӣ баён шудаанд, Қарзгиранда, агар Бонк ба қарори дигар наояд:

а) Барои Субъекти Лоиҳа маблағҳои қарзро (интиқоли маблағ) аз рӯи муқаррарот ва шартҳои дар Созишномаи мазкур муқарраргардида дастрас менамояд;

b) Ҳуқуқҳои худро вобаста ба Интиқоли маблағи зикргардида тарзе истифода мебарад, ки манфиатҳои Қарзгиранда ва Бонкро ҳифз, муқаррароти Созишномаи мазкурро риоя ва мақсадҳоеро, ки барои он қарз дода мешавад, иҷро намояд;

c) ҳама гуна ҳуқуқу афзалиятҳои худро, ки Қарзгиранда дар назди Субъети лоиҳа вобаста ба Интиқоли маблағ дорад, гузашт накунад, тағйир надиҳад, бекор накунад ва даст накашад, ба истиснои ҳолатҳое, ки Банк ба мувофиқаи дигар наояд.

d) Аз ҷониби Субъекти лоиҳа иҷрои тамоми уҳдадориҳои худро тибқи Созишномаи лоиҳавӣ таъмин намояд, аз ҷумла, аммо бо ин маҳдуд намешавад, иҷрои уҳдадориҳо вобаста ба

(1) ҷалб, таъсис ва фаъолияти ГТЛ тавре ки дар қисми 2.03 Созишномаи лоиҳавӣ пешбинӣ шудааст;

(2)аз Лоиҳа харидорӣ намудани мол, кор ва хизматрасониҳо, инчунин хизматрасониҳои машваратӣ, ки дар қисми 2.04 Созишномаи лоиҳавӣ пешбинӣ шудааст;

(3)шуғл ва истифодаи мушовири ГТЛ барои мусоидат дар татбиқи лоиҳа, ки дар қисми 2.06 Созишномаи лоиҳа барои азнавсозӣ пешбинӣ шудааст;

(4) масъалаҳои экологӣ ва иҷтимоӣ, ки дар қисми 2.05 Созишномаи лоиҳавӣ барои азнавсозӣ пешбинӣ шудаанд, аз ҷумла бидуни маҳдудият татбиқ ва риояи Нақшаи чорабиниҳои экологӣ ва иҷтимоӣ, инчунин дастгирии рушди иқтидори экологӣ ва иҷтимоӣ барои таъмини он, ки татбиқи Лоиҳаи азнавсозӣ тибқи сиёсати экологӣ ва иҷтимоӣ анҷом дода мешавад.;

(5)таҳияи Нақшаи дарозмуддати рушди шабака бо кумаки Мушовири Барномаи корпоративии рушд то на дертар аз 31 декабри соли 2026 ва татбиқи тавсияҳо оид ба рушди корпоративӣ аз ҷониби Мушовири БКР;

(6) таҳия ва пешниҳоди ҳисоботҳо оид ба масъалаҳои марбут ба Лоиҳа ва фаъолияти Субъекти Лоиҳа, ки дар қисми 2.08 Созишномаи лоиҳавӣ барои азнавсозӣ пешбинӣ шудааст;

(7) пешбурди расмиёт, баҳисобгирӣ ва ҳисобҳо, таҳия, аудит ва пешниҳоди ҳисоботи молиявӣ ба Бонк ва ба Бонк пешниҳод намудани ҳама гуна дигар маълумоти дахлдори марбут ба Лоиҳа ё амалиёти Субъекти Лоиҳа, ки дар қисми 3.01 Созишномаи лоиҳавӣ барои азнавсозӣ пешбинӣ шудааст; ва

(8)риояи тамоми шартномаҳо оид ба ҷанбаҳои молиявӣ ва амалиётии Лоиҳа ва Субъекти Лоиҳа, ки дар қисмҳои 3.02, 3.03 ва 3.04 Созишномаи лоиҳавӣ барои азнавсозӣ пешбинӣ шудаанд.

e) Расонидани кумак ба Субъекти Лоиҳа мувофиқи дархост ва ҳангоми дархости чунин Субъекти Лоиҳа барои кафолат додани он, ки Субъекти Лоиҳа метавонад уҳдадориҳои худро дар доираи Созишномаи лоиҳавӣ барои азнавсозӣ иҷро кунад ва идома медиҳад, аз он ҷумла бидуни маҳдудият Шартҳои пешакии эътибор пайдо кардани Созишнома ва шартҳои пешакии гирифтани маблағи якум аз суратҳисобро иҷро мекунад;

f) Дар сурати ҷой доштани далелҳои асоснок барои боварӣ ҳосил кардани он, ки маблағҳои дар ихтиёри субъекти Лоиҳа мавҷудбуда барои қонеъ кардани хароҷоти сметавӣ барои амалисозии лоиҳа нокифоя хоҳанд буд, Қарзгиранда сари вақт чораҳои қонеъкунандаи Бонкро меандешад, то Субъекти лоиҳавиро бо маблағе, ки барои қонеъ кардани чунин хароҷот ва талабот зарур аст, таъмин намояд ё таъмин менамояд, ки Субъекти лоиҳа чунин маблағро, ки барои барои қонеъ кардани хароҷот ва талабот зарур аст, ташкил ва таъмин мекунад;

g) Агар ягон уҳдадории Субъекти Лоиҳа дар доираи Созишномаи лоиҳавӣ барои азнавсозӣ ё ягон созишномаи дигаре, ки Субъекти Лоиҳа иштирокчии он мебошад, тасдиқи Қарзгиранда ё ягон муассисаи дахлдори давлатӣ ё мақомоти дахлдорро талаб намояд, чунин тасдиқро фавран тибқи қонунгузории амалкунанда пешниҳод мекунад (ё тасдиқи аз ҷониби давлатӣ ё ба мақомоти давлатӣ таъмин менамояд);

h) Кафолат медиҳад, ки ҳеҷ гуна амале, ки ба иҷрои Лоиҳа ё иҷрои ӯҳдадориҳои Субъекти Лоиҳа дар доираи Созишномаи азнавсозӣ монеъ мешуда бошад ё халал мерасонда бошад, аз ҷониби Қарзгир ё ягон муассисаи дахлдори давлатии Қарзгиранда ё мақомот ё ягон воҳидҳои дахлдори онҳо, ки Қарзгиранда ё ягон шахсе, ки ба он тааллуқ ва назорат ё аз ҳисоби ё манфиати онҳо амал мекунанд, анҷом намедиҳад;

i) Тамоми чораҳои заруриро ҷиҳати бомуваффақият анҷом додани Лоиҳа меандешад ё таъмин менамояд;

j) Тамоми молҳо, корҳо ва хизматрасониҳо (аз ҷумла хизматрасониҳои машваратӣ, корҳои сохтмонӣ ва васлкунӣ), ки аз ҷониби Субъекти лоиҳа ва/ё аз ҷониби Бонк барои татбиқи Лоиҳа харида мешаванд ва аз ҳисоби маблағҳои Қарз ё ҳама гуна маблағҳои ҳамкории техникӣ маблағгузорӣ мешаванд ё дигар грантҳое, ки Бонк пешниҳод мекунанд, аз андозҳо (аз ҷумла, бемаҳдудият, ААИ) ва боҷҳо (аз ҷумла, бидуни маҳдудият, ҳама гуна боҷҳои гумрукӣ) озод мекунад, ё ҷуброни онҳоро пешбинӣ менамояд;

k) Таъмин менамояд, ки мақомоти салоҳиятноки он то на дертар аз 31 декабри соли 2026 корҳои зеринро анҷом медиҳанд: (i) таъсиси Оператори мустақили низоми интиқоли барқ дар заминаи субъекти лоиҳа; ва (ii) ворид намудани тағйироти зарурии қонунгузорӣ ва меъёрӣ мувофиқи Методологияи ҳисоби тарифи неруи барқ дарҶумҳурииТоҷикистон, ки бо Қарори Ҳукумати Ҷумҳурии Тоҷикистон аз 22 июни соли 2019 № 331 тасдиқ шудааст, дар ҳар ҳолат аз рӯи шакл ва мазмуни Бонкро қонеъкунанда;

l) Тағйиру иловаҳоро ба чаҳорчӯби ҳуқуқӣ ва меъёрӣ бо мақсади фароҳам овардани татбиқи нақшаи дарозмуддати рушди шабакаи интиқоли барқ дастгирӣ ва тасдиқ менамояд; ва

m) Таъмин менамояд, ки Субъекти Лоиҳа Созишномаи лоиҳаро барои азнавсозӣ аз рӯи шакл ва мазмуни барои Бонк қаноатбахш иҷро мекунад.

МОДДАИ IV – МАВҚУФГУЗОРӢ, ТЕЗОНИДАН. БЕКОР КАРДАН

Кисми 4.01. Мавқуфгузорӣ

Шартҳои зерин бо мақсади риоя намудани қисми 7.0l(a)(xvii) муқаррарот ва шартҳои стандартӣ оварда шудаанд:

(а) Заминаи қонунгузорӣ ва меъёрие, ки нисбати соҳаи энергетика дар ҳудуди Қарзгиранда татбиқ мешавад, ба тариқи дигаре, ки аз ҷониби Бонк дар шакли хаттӣ тасдиқ карда шудааст, аз нав дида баромада мешавад, муваққатан қатъ мегардад, беэътибор дониста мешавад, бекор ё рад карда мешавад, агар чунин аз нав дида баромадан, мувақатан қатъ кардан, беэътибор донистан, бекор ё рад кардан метавонад ба фикри Бонк ба ягон оқибати манфӣ ба фаъолият ё вазъи молиявии Қарзгиранда ё ба татбиқи Лоиҳа ё иҷрои уҳдадориҳо дар доираи Созишномаи мазкур оварда расонад.

(b)Оинномаҳои Субъекти Лоиҳа бояд ба тавре тағйир дода шаванд, боздошта шаванд, бекор карда шаванд, рад ё даст кашида шаванд, ки ба амалиёт ё вазъи молиявии Субъекти Лоиҳа ё қобилияти он барои иҷрои лоиҳа ё иҷрои ҳама гуна уҳдадориҳои ӯ дар доираи Созишномаи лоиҳа барои васеъсозӣ ва/ё Созишномаи лоиҳа оид ба азнавсозӣ таъсири манфӣ расонад;

(c)Назорати Субъекти лоиҳа на ба Қарзгиранда, балки ба тарафи дигар дода шудааст.

(d)Қарзгиранда ягон уҳдадориҳои худро дар доираи Созишномаи мазкур ё Созишномаи грантӣ барои васеъсозӣ ё Созишномаи қарзӣ барои азнавсозӣ ё Созишномаи грантӣ барои такмилдиҳӣ иҷро накардааст ва/ё Субъекти Лоиҳа ягон уҳдадориҳои худро дар доираи ягон Созишномаи лоиҳавӣ барои васеъсозӣ ва/ё Созишномаи лоиҳавӣ барои азнавсозӣ, ба таври мувофиқ иҷро накарда бошад;

(e) Субъекти Лоиҳа ягон амалеро, ки дар банди 3.02 (Шартномаҳои манфӣ) дар ҳама гуна Созишномаи васеъсозии лоиҳа ва/ё Созишномаи азнавсозии лоиҳа зикр шудааст, бе розигии пешакии хаттии Бонк анҷом додааст; ва

(f) Ҳар яке аз ҳодисаҳои дар қисми 7.01(а)(х) Шартҳо ва шартҳои стандартӣ тавсифшуда нисбат ба Созишномаи грантӣ барои азнавсозӣ, Созишномаи грантӣ барои васеъсозӣ ё ҳама гуна Созишномаҳои Гранти TC мутаносибан ба амал омадаанд.

Қисми 4.02.Тезонидани муҳлати додани қарз

Барои мақсадҳои қисми 7.06(f) муқаррарот ва шартҳои стандартӣ инҳо муайян шудаанд:

Ҳама гуна ҳолатҳои дар қисми 4.01 зикргардида бояд рух диҳад.

МОДДАИ V – ЭЪТИБОР ПАЙДО КАРДАН

Қисми 5.01.Шартҳои пешакии эътибор пайдо намудани Созишнома

Бо мақсади риояи талаботи Қисми 9.02 (с) муқаррарот ва шартҳои стандартӣ, ки иловагӣ маҳсуб ёфта, эътибор пайдо намудани Созишномаи мазкур ва Созишномаи лоиҳавиро таъмин менамоянд, инҳо мебошанд:

а) Бонк ду нусхаи ба таври бояд шояд таҳиягардидаи созишномаҳои зеринро гирифтааст:

i. Cозишномаи мазкур;

ii. Созишномаи грантӣ барои азнавсозӣ; ва

iii. Созишномаи лоиҳавӣ барои азнавсозӣ,

ҳар яке аз ин ҳуҷҷатҳо дар шакл ва мазмуни Банкро қонеъкунанда;

b) Созишномаи мазкур иҷро ва пешниҳод карда шудааст ва ҳамаи шартҳои пешакӣ барои эътибор пайдо кардани Созишнома иҷро гардидаанд ё ҳуқуқи Қарзгирандаанда ба гирифтани маблағ аз суратҳисоб иҷро гардидааст, ба истиснои танҳо эътибор пайдо кардани Созишномаи мазкур;

c) Созишномаи грантӣ оид ба азнавсозӣ иҷро ва супурда шуд ва тамоми шартҳое, ки ба самаранокии он ё ҳуқуқи Қарзгиранда барои гирифтани маблағ мувофиқанд, ба истиснои самаранокии Созишномаи мазкур, иҷро шудаанд;

d) Созишномаи қарзӣ оид ба азнавсозӣ иҷро ва супурда шуд ва тамоми шартҳое, ки барои самаранокии он ё ҳуқуқи Қарзгиранда барои гирифтани маблағ дар он пешбинӣ шудаанд, ба истиснои самаранокии Созишномаи мазкур, иҷро шудаанд;

e) Созишномаи лоиҳавӣ барои васеъсозӣ ва Созишномаи лоиҳавӣ барои такмилдиҳӣ нисбати лоиҳаи азнавсозӣ иҷро ва расонида шуд, ки ҳар кадом аз рӯи шакл ва мазмуни барои Бонк қаноатбахш аст;

f) Созишномаи Лоиҳа оид ба васеъсозӣ дар робита ба Лоиҳаи васеъсозӣ ва Созишномаи Лоиҳа оид ба азнавсозӣ дар робита ба Лоиҳаи азнавсозӣ, иҷро ва супурда шуд, ки ҳар кадом аз рӯи шакл ва моҳияти ба Бонк қаноатбахш аст;

g) Бонк бояд далели ваколат ва салоҳияти Қарзгирро дар шакл ва моҳияти барои Бонк қаноатбахш дастрас намояд;

h) Нусхаи аслии хулосаи ба таври дахлдор тартибдодашудаи Вазири адлияи Ҷумҳурии Тоҷикистон, ки дар фасли 5.02 (а) талаб карда мешавад, аз рӯи шакл ва мазмуни барои Бонк қаноатбахш пешниҳод карда шуда бошад; ва

i) Нусхаи аслии хулосаи ба таври бояду шояд тартибдодашуда аз ҷониби Субъекти Лоиҳа, ки дар фасли 5.02 (b) нисбат ба Созишномаи лоиҳавӣ барои азнавсозӣ талаб карда мешавад, дар шакл ва моҳияти қаноатбахш барои Бонк пешниҳод карда шуд.

Қисми 5.02. Хулосаи ҳуқуқӣ

(a)Барои мақсадҳои қисми 9.03(а) муқаррарот ва шартҳои стандартӣ, хулосаи вазири адлия аз номи Қарзгиранда оиди Созишномаи мазкур ва Созишномаи грантӣ барои азнавсозӣ, ки ба таври бояду шояд таҳия ва тасдиқ шудааст, дуруст таҳия гардидани он ва супоридани онро аз номи Қарзгиранда тасдиқ мекунанд ва уҳдадории дуруст ва аз ҷиҳати ҳуқуқӣ ҳатмӣ ба ҳисоб меравад.

(b) Барои мақсадҳои қисми 9.03(а) муқаррарот ва шартҳои стандартӣ, хулосаи сардори шуъбаи ҳуқуқ аз номи Субъекти лоиҳа вобаста ба Созишномаи лоиҳавӣ, ки тасдиқ мекунад, ки Созишномаи лоиҳавӣ барои азнавсозӣ аз ҷониби Субъекти лоиҳа ба таври бояду шояд ваколатдор ё тасдиқ карда шуда, аз номи Субъекти лоиҳа иҷро ва супурда шудааст ва уҳдадории эътиборнок ва аз ҷиҳати қонунӣ ҳатмӣ будани чунин Субъекти лоиҳаро ташкил медиҳад, тибқи шартҳои он иҷрошаванда аст.

Қисми 5.03. Бекор карда шудани Созишнома бинобар эътибор пайдо накардани он

Бо мақсади риояи талаботи қисми 9.04 муқаррарот ва шартҳои стандартӣ санаи баъди ба охир расидани 180 рӯз аз санаи ба имзо расидани Созишномаи мазкур нишон дода шудааст.

МОДДАИ VI - ШАРТҲОИ ДИГАР

Кисми 6.01.Огоҳинома

(a)Бо мақсади риояи талаботи қисми 10.01 муқаррарот ва шартҳои стандартӣ суроғаҳои зерин нишон дода шудаанд:

Аз номи Қарзгиранда:

Ҷумҳурии Тоҷикистон, шаҳри Душанбе

Кӯчаи академикҳо Раҷабовҳо, 3

Ба:Вазири молияи Ҷумҳурии Тоҷикистон

Телефон:+992 37 221 33 29

Аз номи Бонк:

European Bank for Reconstruction and Development

5 Bank Street

London E14 4BG

United Kingdom

Ба: шуъбаи амалиётҳо ва маъмурӣ/амалиёти No. 54592

Амалиёти No. 54275

Телефон:+44 20 7338 6000

Почтаи электронӣ: oad@ebrd.com

(b)Бонк метавонад Қарзгирандаро даъват кунад, ки барои истифодаи ClientNet ё шакли дигари иртиботи электронӣ ба қайд гирифта шавад ва агар Қарзгир ва Бонк розӣ шаванд, ки ClientNet ё дигар шакли иртиботи электрониро истифода баранд, ҳама гуна огоҳинома, ариза ё иртиботи дигар аз Қарзгир ба Бонк ё аз Бонк ба Қарзгир (ба истиснои ҳама гуна огоҳинома, ариза ё маълумоти дигаре, ки тибқи Шартномаи мазкур ё дигар Созишномаи маблағгузорӣ дар нусхаи аслӣ, тасдиқшуда ё диски сахт талаб карда мешаванд), метавонад бо риояи муқаррарот ва шартҳои ClientNet ё чунин шаклҳои дигари электронӣ пешниҳод карда шаванд ё тариқи почта ирсол карда шаванд ё тибқи шартҳои мувофиқагардидаи дигари шакли электронии ирсол фиристонида шаванд.

(c)Ҳама гуна огоҳинома, ариза ё иртиботи дигар тавассути дастӣ, почтаи ҳавоӣ ё факсимилӣ ё тавассути ClientNet ё шакли дигари мувофиқашудаи иртиботи электронӣ танҳо вақте самаранок хоҳад буд, ки воқеан дар шакли хондашаванда гирифта шудааст (ё дастрас карда шудааст), ба шарте, ки ҳама гуна огоҳинома, ариза ё хабари дигаре, ки баъд аз соати 17:00 (ё дастрас карда шавад) аз тарафе, ки ба он огоҳӣ, ариза ё хабари дахлдор фиристода мешавад суроғаи худро дорад бо мақсадҳои созишномаи мазкур танҳо дар рӯзи дигар эътибор пайдо мекунад.

(d)дар поён ном, вазифа ва суроғаи почтаи электронии шахсоне, ки Қарзгиранда онҳоро таъин намудааст бо мақсади ягон даъватномае, ки Бонк метавонад ба Қарзгиранда ирсол намояд вобюаста ба ClientNet оварда шудаанд:

БАРОИ ТАСДИҚИ ГУФТАҲОИ БОЛО, Тарафҳо дар шахсияти намояндаҳои ваколатдори худ супориш доданд, ки Созишномаи мазкур дар чор нусха дар санаи дар боло зикршуда имзо гардида, ба Душанбе, Ҷумҳурии Тоҷикистон дар рӯз ва соли дар боло зикргардида пешниҳод намоянд.

ҶУМҲУРИИ ТОҶИКИСТОН

Аз номи:______________________________

Ном:

Вазифа:

БОНКИ АВРУПОИИ ТАҶДИД ВА РУШД

Аз номи:______________________________

Ном:

Вазифа:

1.Мақсади Лоиҳаи васеъсозӣ расонидани кумак ба Қарзгиранда дар барқарорсозии шабакаи барқ дар вилояти Суғди Ҷумҳурии Тоҷикистон, аз ҷумла насби трансформатори нав мебошад.

2. Лоиҳаи васеъсозӣ аз қисмҳои зерин иборат аст ва ба он мумкин аст бо мувофиқаи Бонк ва Қарзгиранда тағйирот ворид карда шаванд:

Қисми A: Хароҷоти умумӣ

(i) молҳо, корҳо, хизматрасониҳо ва хароҷоти дигари пешбининашуда барои сохтмони трансформатори нав бо иқтидори техникӣ ва бо шартҳои дигаре, ки барои Бонк қаноатбахшанд (Лоиҳаи тамдид); ва

(ii) Хизматрасониҳои машваратӣ, ки дар доираи Лоиҳаи васеъсозӣ лозим аст.

Қисми B: Ҳамкории техникӣ дар робита ба лоиҳаи васеъсозӣ ва навсозӣ татбиқ карда мешавад

(i)Мушовири ГТЛ (1,450,000) ЕВРА;

(ii) Мушовири Барномаи корпоративии рушд (620,000) ЕВРА;

(iii) Дастгирии Субъекти лоиҳа дар афзоиши иқтидори экологӣ ва иҷтимоӣ (40,000) ЕВРА; ва

(iv) кумаки шарикӣ ба оператори низмои интиқоли қувваи барқ 125,000 ҳамагӣ) ЕВРА;.

3.Интизорӣ меравад, ки Лоиҳаи васеъсозӣ то 31 декабри соли 2027 анҷом дода мешавад.

1. Дар ҷадвали поён категория ва маблағи қарз, ки барои ҳар як категория ҷудо гардидааст, инчунин фоизи хароҷот аз рӯи ҳар як категория, ки бояд маблағгузорӣ карда шавад, оварда шудааст.

2. Новобаста ба муқаррароти банди 1 дар боло зикргардида хароҷоте, ки то санаи эътибор пайдо кардани Созишномаи қарзӣ ба вуҷуд омадааст, маблағузорӣ карда намешавад.

3. Новобаста ба гуфтаҳои боло, уҳдадории Бонк вобаста ба анҷом додани пардохти аввал бояд дар шакл ва мазмуни барои Бонк қобили қабул иҷро карда шавад ё бо ихтиёри Бонк пурра ё қисман рад карда шавад:

(a) Созишномаҳои грантии ГТЛ ҲТ дар шакл ва мазмуни барои Бонк қобили қабул иҷро шудаанд ва ҳама шароитҳо вобаста ба ҳуқуқи Субъекти лоиҳа ба гирифтани маблағ иҷро шудаанд;

(b) ГТЛ бо тарзи барои Бонк қобили қабул таъсис, сафарбар ва амал мекунад;

(c) Шартномаи лоиҳа байни Пудратчии лоиҳа ва Субъекти лоиҳа аз рӯи шакл ва моҳияти ба Бонк қаноатбахш иҷро шудааст; ва

(d) Бонк аз Қарзгиранда ҳар як Нақшаи татбиқи лоиҳаро нисбат ба ҳар як лоиҳаи васеъсозӣ ва азнавсозӣ мегирад, аз ҷумла Буҷети дахлдори Лоиҳа, буҷети хароҷоти банақшагирифташуда, Нақшаи харид дар робита ба Лоиҳаи васеъсозӣ ва Лоиҳаи азнавсозӣ, ва ҷадвали индикативии пардохтҳо, ки ҳама аз рӯи шакл ва моҳияти барои Бонк қобили қабул аст.

4.Бонк ҳуқуқ дорад, ки аз рӯи қарз аз номи Қарзгиранда маблағ гирад ва барои худ ҳангоми расидани муҳлат комиссия пардохт кунад.