ҲУКУМАТИ ҶУМҲУРИИ ТОҶИКИСТОН
ҚАРОР
Дар хусуси лоиҳаи Ёддошти тафоҳум оид ба ҳамкории разведкавӣ байни Кумитаи давлатии амнияти миллии Ҷумҳурии Тоҷикистон ва Раёсати разведкаи умумии Шоҳигарии Арабистони Саудӣ
Мутобиқи моддаи 7 Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:
Раиси Ҳукумати Ҷумҳурии Тоҷикистон Эмомалӣ Раҳмон
ш. Душанбе, аз 27 июли соли 2024, № 424
Ёддошти тафоҳум оид ба ҳамкории разведкавӣ байни Кумитаи давлатии амнияти миллии Ҷумҳурии Тоҷикистон ва Раёсати разведкаи умумии Шоҳигарии Арабистони Саудӣ
Кумитаи давлатии амнияти миллии Ҷумҳурии Тоҷикистон ва Раёсати разведкаи умумии Шоҳигарии Арабистони Саудӣ (минбаъд «Тарафҳо» ва дар алоҳидагӣ «Тараф» номида мешаванд) бо хоҳиши таҳкими ҳамкорӣ дар соҳаи разведка мутобиқи қонун, қоида ва дастурҳои дар ҳарду кишвар татбиқшаванда ва аз рӯйи имкониятҳои мавҷуда,
ба мувофиқаи зерин расиданд:
Моддаи 1 Мақсад
Ҳадафи Ёддошти тафоҳуми мазкур фароҳам овардани замина барои ҳамкории Тарафҳо дар мубодилаи иттилооти разведкавӣ ва таҷриба дар масъалаҳои мавриди таваҷҷуҳи умумӣ мебошад.
Моддаи 2 Соҳаҳои ҳамкорӣ
Ҳамкории Тарафҳо дар самтҳои зерин сурат мегирад:
- мубодилаи иттилооти разведкавӣ дар соҳаҳои сиёсат, амният ва иқтисодиёт, ки ба манфиати Тарафҳо вобастагӣ дорад;
...
