СОЗИШНОМАИ ГРАНТӢ

(Лоиҳаи таҷдиди шабакаи интиқоли барқи Суғд) байни Ҷумҳурии Тоҷикистон ва бонки Аврупоии Таҷдид ва Рушд оиди гранти сармоягузорӣ аз Фонди махсуси саҳмдорони БАТР ва Фонди инфрасохтори устувор

СОЗИШНОМАИ мазкур аз санаи ____________________ байни Ҷумҳурии Тоҷикистон (минбаъд “Ҳукумат”) ва Бонки Аврупоии Таҷдид ва Рушд («Бонк» ё “БАТР”) баста мешавад.

МУКАДДИМА

Бо дарназардошти он, ки:

(A) Бонки Аврупоии Таҷдид ва Рушд институти байналмиллалии молиявӣ буда, тибқи қонунгузории байналмиллалӣ ва Созишнома дар бораи таъсис додани Бонки Аврупоии Таҷдид ва Рушд (Созишнома дар бораи таъсис додани Бонк) аз 29 майи соли 1990 таъсис дода шудааст.

(B) Бо дарназардошти он, ки Ҳукумат барои кумак дар маблағгузории қисми Лоиҳа (чуноне ки муайян гардидааст) , ки барои мусоидат ба барқарорсозии шабакаи интиқоли барқ дар вилояти Суғди Тоҷикистон, аз ҷумла насби трансформатори нав («Лоиҳаи азнавсозӣ ё «Лоиҳа») пешбинӣ шудааст, амалӣ созад. Илова бар ин, Ҳукумат ният дорад, ки яке аз трансформаторҳои мавҷудаи шабакаи барқро дар вилояти Суғди Тоҷикистон бо назардошти муқаррарот ва шартҳои дар ҳуҷҷатҳои қарзӣ ва грантии алоҳида изҳоргардида, ки байни Бонк ва Бонк дар санаи имзо гардидани Созишномаи мазкур ё санаи ба ин сана наздик баста мешавад, навсозӣ намояд («Лоиҳаи васеъсозӣ») (OpID 54275).

(C) Бонк бо Ҳукумат ба ҳайси Қарзгиранда Созишномаи грантиро дар санаи дар ҳуҷчати мазкур ё санаи ба ин сана наздик муқарраргардида мебандад, ки тибқи он Бонк ба ҳайси Қарздиҳанда барои маблағгузории қисми Лоиҳа, ки дар Ҷадвали 1 оварда шудааст, тибқи муқаррарот ва шартҳои дар Созишномаи қарзӣ муқарраргардида , ки ба он мумкин аст тағйиру иловаҳо ворид карда шаванд (минбаъд Созишномаи қарзӣ барои азнавсозӣ) 10, 200 000 (даҳ миллиону дусад ҳазор евро) ҷудо мекунад.

(D) Маблағҳои Созишномаи қарзӣ барои азнавсозӣ аз ҷониби Ҳукумат ба Чамъияти саҳомии кушодаи «Шабакаҳои интиқоли барқ» (Субъекти лоиҳа) бо мақсади татбиқи Лоиҳа тибқи муқаррарот ва шартҳои Созишномаи қарзӣ барои азнавсозӣ дода мешавад.

(E) Бонк ният дорад, ки бо Субъекти лоиҳа созишномаи лоиҳавӣ бо имконияти дар ҳар вақт ба он ворид намудани тағйирот бандад (Созишномаи лоиҳавӣ барои азнавсозӣ) ва тибқи он, бо дарназардошти аз ҷониби Бонк баста шудани Созишномаи қарзӣ барои азнавсозӣ ва Созишномаи мазкур, Субъекти лоиҳа розӣ мешавад, ки лоиҳаро тибқи муқаррарот ва шартҳои Созишномаи лоиҳавӣ барои азнавсозӣ иҷро намояд.

(F) Бонк тибқи моддаи 18 Созишнома дар бораи таъсиси додани бонк Фонди махсуси саҳмдоронро (ФМС) таъсис додааст, ки тибқи қоидаҳои Фонди саҳмдорони махсуси БАТР (Қоидаҳои ФСМ ) аз 15 апрели соли 2008 бо имконияти ҳар сари вақт ба он ворид намудани тағйирот роҳбарӣ ва идора карда мешавад.

(G) Инчунин тибқи муқаррарот ва шартҳои Коидаҳои ФМС Бонк розӣ шудааст, ки ба Хукумат ба маблағи на зиёда аз 3,500, 000 (се миллиону панҷсад ҳазор) евро аз захираҳои ФМС (Гранти ФМС БАТР барои азнавсозӣ) тибқи муқаррарот ва шартҳои Созишномаи мазкур барои харидорӣ намудани молу корҳои муайян ва хизматрасониҳои дахлдор вобаста ба Лоиҳаи азнавсозӣ грант ҷудо намояд.

(Н) Бонк тибқи моддаи 20-и Созишнома дар бораи таъсисдиҳии Бонки Аврупоии таҷдид ва рушд Фонди инфрасохтори устувор (ФИУ) таъсис додааст, ки тибқи шартҳои умумии Фонди инфрасохтори махсуси БАТР аз санаи 2 ноябри соли 2004 бо иловаҳои воридгардида аз санаи 11 июли соли 2016, 2 марти соли 2022 ва 24 июли соли 2023 ва бо имконияти ҳар сари вақт ба он ворид намудани тағйиру иловаҳо роҳбарӣ ва идора карда мешавад.

(I) Илова ба шартҳои умумии ФИУ Бонк розӣ ҳаст, ки ба Ҳукумат ба маблағи на зиёда аз 1, 000, 000 (як миллион) евро аз захираҳои Фонди инфрасохтори устувор (ФИУ) тибқи муқаррарот ва шартҳои дар Созишномаи мазкур муқарраргардида (Гранти ФИУ барои азнавсозӣ) барои харидорӣ намудани молу корҳои муайян ва хизматрасониҳои дахлдор вобаста ба Лоиҳаи азнавсозӣ грант ҷудо намояд. (Гранти ФМС БАТР барои азнавсозӣ ва Гранти ФИУ БАТР барои азнавсозӣ дар якҷоягӣ “маблағгузории грантӣ барои азнавсозӣ” номида мешаванд).

(J) Маблағҳои чунин маблағгузории грантӣ барои азнавсозӣ аз ҷониби Ҳукумат ба Субъекти лоиҳа аз рӯи муқаррарот ва шартҳои дар ҳуҷчати мазкур муқарраргардида ё шартҳои дигаре, ки Бонк онҳоро қобили қабул мешудморад, бо мақсади маблағгзорӣ намудани Лоиҳаи азнавсозӣ дастрас карда мешаванд.

БО ДАРНАЗАРДОШТИ ГУФТАҲОИ БОЛО, тарафҳо ба мувофиқаи зерин расиданд:

МОДДАИ 1. МАФҲУМҲО ВА ШАРҲИ ОНҲО

Қисми 1.01. Мафҳумҳо

Калима ва ибораҳое, ки дар Созишномаи мазкур (аз ҷумла, муқаддима, замима ва ҷадвалҳо) оварда шудаанд, аммо шарҳ дода нашудаанд, ҳамон маънои дар Созишномаи қарзӣ барои азнавсозӣ, Созишномаи лоиҳавӣ барои азнавсозӣ ва/ё муқаррарот ва шартҳои стандартӣ (аз ҷумла шартҳое, ки дар муқаррарот ва шартҳои стандартӣ ифода карда шуда буданд ва ба онҳо дар Созишномаи қарзӣ барои азнавсозӣ тағйирот ворид карда шуданд) овардашударо, ки дар Созишномаи мазкур истифода мешаванд, доранд.

Истилоҳоте, ки дар Созишномаи мазкур истифода мешаванд (аз ҷумла муқаддима, замима ва ҷадвалҳо), агар тартиби дигар пешбинӣ нашуда бошад, маънои зеринро доранд:

«Созишнома дар бораи таъсисдиҳии Бонк» – маънои он дар қисми муқаддимавии А оварда шудааст.

«Маблағҷудокунӣ» – пардохти қисми маблағи маблағгузории грантӣ тибқи қисми 2.02 (Маблағҷудокунӣ)-и Созишномаи мазкур.

«Донор» - маънои ФМС ва ФИУ (чуноне ки истифода гарданд)-ро дорад.

«Гранти ФИУ БАТР барои васеъсозӣ «маънои гранти сармоягузории хароҷоти умумии барои Лоиҳаи васеъсозӣ (OpID 54275) ба маблағи то 4,500,000 евро (чор миллиону панҷсад ҳазор евро) мебошад, ки аз ҳисоби захираҳои ФМС ва тибқи муқаррарот ва шартҳои дар Созишномаи грантӣ барои васеъсозӣ муқарраргардида маблағгузорӣ карда мешавад.

«Гранти ФМС БАТР барои азнавсозӣ» - маънои он дар қисми муқаддимавии G оварда шудааст:

«Санаи эътибор» – санае, ки Созишномаи мазкур тибқи қисми 7.01 (Санаи эътибор) эътибор пайдо намудааст.

«Лоиҳаи васеъсозӣ» - маънои ин мафҳум дар қисмати муқаддимавии В оварда шудааст.

«Интиқоли маблағ» - маънои ин мафҳум дар банди (B) қисми 3.04 Созишномаи мазкур омадааст.

«Шартҳои умумии ФИУ» - маънои ин мафҳум дар қисми муқаддимавии Н оварда шудааст.

«Моддаҳои маблағгузоришавандаи грантӣ» – мол, кор ва хизматрасонии дахлдор вобаста ба таҷдид ва васеъсозии зеристгоҳи 500/220/35 КВт ё трансформатор бо иқтидори техникии дигар (Бонкро қонеъкунанда ва барои лоиҳа зарур), ки тавассути маблағгузории грантӣ барои азнавсозӣ, ки дар замима ба ҷадвали 2 Созишномаи қарзӣ ифода ёфтааст, маблағгузорӣ мешавад.

«Маблағгузории грантӣ» – маънои маблағгузории грантӣ барои васеъсозӣ ва маблағгузории грантӣ барои азнавсозиро дорад.

«Маблағгузории грантӣ барои васеъсозӣ» - маънои Гранти ФМС БАТР барои васеъсозӣ ва грнати ФИУ БАТР барои васеъсозиро дорад.

«Маблағгузории грантӣ барои азнавсозӣ» - маънои он дар қисми 2.01 (а) (Маблағ, асъор ва мақсад) Созишномаи мазкур оварда шудааст.

«Санаи ниҳоии пешниҳоди маблағгузории грантӣ барои азнавсозӣ» – санае, ки дар дар банди (а)-и қисми 2.02 Созишномаи мазкур (Санаи ниҳоии пешниҳоди маблағгузории грантӣ) зикр гардидааст.

«Созишномаи қарзӣ барои азнавсозӣ» - маънии он дар қисми муқаддимавии С оварда шудааст.

«Маблағгузории қарзӣ (кредитӣ)» – маънои маблағгузории қарзӣ барои васеъсозӣ ва маблағгузории қарзӣ барои азнавсозиро дорад.

«Маблағгузории қарзӣ барои васеъсозӣ» - маънои маблағгузориеро дорад, ки аз ҷониби Бонк ба Ҳукумат ба ҳайси Қарзгиранда тибқи Созишномаи қарзӣ барои васеъсозӣ дастрас карда мешавад ё бояд дастрас карда шавад.

«Маблағгузории қарзӣ барои азнавсозӣ» - маънои маблағгузориеро дорад, ки аз ҷониби Бонк ба Ҳукумат ба ҳайси Қарзгиранда тибқи Созишномаи қарзӣ барои азнавсозӣ дастрас карда мешавад ё бояд дастрас карда шавад.

«Нақшаи харид» – маънои нақшаи харид барои Лоиҳаи азнавсозиро дорад, аз ҷумла моддаҳои маблағгузоришавандаи грантӣ, ки дар ҷадвали 2 (нақшаи харид) Созишномаи лоиҳавӣ барои азнавсозӣ муқаррар гардидааст.

«Созишномаи лоиҳавӣ барои азнавсозӣ» - маънои он дар қисми муқаддимавии Е оварда шудааст.

«Санаи анҷоми лоиҳа» – санаеро мефаҳмонад, ки дар ҳамон сана тамоми чорабиниҳои зерин татбиқ гардидаанд:

(а) Субъекти лоиҳа ба Бонк дар шакл ва мундариҷаи барои Бонк муносиб огоҳинома ирсол менамояд, ки аз ҷониби намояндаи ваколатдори Субъекти лоиҳа имзо шуда, ба охир расидани Лоиҳаи азнавсозиро тасдиқ менамояд.

(b) Бонк аз мушовири ГТЛ дар шакл ва мундариҷаи барои Бонк муносиб маълумотнома мегирад, ки он бе ҳама гуна қайдҳои ҷиддӣ ба охир расидани лоиҳаи азнавсозиро тасдиқ менамояд.

(c) Бонк ба Субъекти лоиҳа огоҳинома ирсол менамояд, ки он аз анҷом ёфтани Лоиҳаи азнавсозӣ қаноатманд будани Бонкро тасдиқ мекунад.

«Субъекти лоиҳа» - маънои он дар қисми муқаддимавии D оварда шудааст.

«Уҳдадориҳо вобаста ба ҷуброн» - уҳдадориҳое, ки дар қисми 2.03-и Созишномаи мазкур (Уҳдадориҳои шартӣ ва ғайришартӣ вобаста ба ҷуброн) оварда шудаанд ва вобаста ба истифодаи ин истилоҳот дар ҳамон қисм онҳо мумкин аст ё «уҳдадориҳои шартии ҷубронӣ» ва ё «уҳдадориҳои ғайришартии ҷубронӣ» бошанд.

«Қоидаҳои ФМС» - маънои он дар қисми муқаддимавии F оварда шудааст.

«Намояндаи ваколатдори Ҳукумат» - Вазорати молияи Қарзгиранда.

«ФМС» - маънои он дар қисми муқаддимавии G оварда шудааст.

«ФИУ» - маънои он дар қисми муқаддимавии Н оварда шудааст.

«Гранти ФИУ барои васеъсозӣ» - маънои гранти сармоягузории хароҷоти умумӣ барои Лоиҳаи васеъсозӣ (OpID 54275) ба маблағи то 1,000,000 евро (як миллион евро) мебошад, ки аз ҳисоби захираҳои ФИУ ва тибқи муқаррарот ва шартҳои дар Созишномаи грантӣ барои васеъсозӣ муқарраргардида маблағгузорӣ карда мешавад.

«Гранти ФИУ барои азнавсозӣ» - маънои он дар қисми муқаддимавии Н оварда шудааст.

«Муқаррарот ва шартҳои стандартӣ» – Муқаррарот ва шартҳои БАТР аз 5-уми ноябри соли 2021.

«Лоиҳаи азнавсозӣ» - маънои ин мафҳум дар қисми муқаддимавии В оварда шудааст.

Қисми 1.02. Шарҳ

Дар Созишномаи мазкур:

(а) калимаҳое, ки шумораи танҳоро ифода мекунанд, маънои шумораи ҷамъро дошта метавонанд ва баръакс, ба шарте ки матн маънии дигарро талаб накунад;

(b) сарлавҳа ва мундариҷа танҳо барои осонкунии истинод ба ин ё он маълумот истифода мешаванд ва ба тафсири Созишномаи мазкур таъсир намерасонанд;

(c) калимаҳои ифодакунандаи шахс корпоратсия, шарикӣ ва шахсони дигари ҳуқуқиро дар бар мегиранд, истинод ба шахс вориси ҳуқуқ ва шахсони ваколатдори шахсро дар бар мегирад;

(d) истинод ба модда, қисм, ҷадвал ё замимаи нишондодашуда бояд ҳамчун истинод ба модда, қисм, ҷадвал ё замимаи нишондодашудаи Созишномаи мазкур ё Замима ба он тафсир карда шавад, ба шарте ки бо Созишнома тартиби дигар пешбинӣ нашуда бошад.

МОДДАИ 2. МАБЛАҒГУЗОРИИ ГРАНТӢ

Қисми 2.01. Маблағ, асъор ва мақсад

(а) Дар асос ва тибқи Созишномаи мазкур Бонк розӣ мешавад, ки ба Ҳукумат

1. аз захираҳои ФМС гранти ФМС БАТР барои азнавсозӣ ба маблағи 3, 500, 000 (се миллиону панҷсад ҳазор евро) евро;

2. аз захираҳои ФИУ гранти ФИУ БАТР барои азнавсозӣ ба маблағи 1,000, 000 (як миллион) евро диҳад.

(Гранти ФМС БАТР барои азнавсозӣ ва Гранти ФИУ БАТР барои азнавсозӣ дар якҷоягӣ “маблағгузории грантӣ барои азнавсозӣ” номида мешаванд).

(b) Маблағгузории грантӣ барои азнавсозӣ танҳо бо мақсади маблағгузории моддаҳои маблағгузоришавандаи грантӣ истифода карда мешавад, ки онҳо тибқи қисми 3.06 (Харидҳо)-и Созишномаи мазкур харидорӣ карда мешаванд.

(c) Тибқи қисми 5.05 (Ҳолатҳои баргардонидани маблағҳо)-и Созишномаи мазкур маблағгузории грантӣ барои азнавсозӣ бебозгашт мебошад.

(d) Тарафҳо эътироф менамоянд ва ба мувофиқа мерасанд, ки (1) Бонк барои пардохт намудани ҳама гуна маблағ ё дигар пардохтҳо аз рӯи ва тибқи Созишномаи мазкур уҳдадор нест, ба ғайр аз ҳаҷми маблағе, ки он барои ҷудо кардани маблағ ё анҷом додани дигар пардохтҳо дар суратҳисоби ФМС ва ФИУ барои ин мақсадҳо дастрас мебошад, (2) маблағгузории грантӣ барои азнавсозӣ мумкин аст бо фоизи манфӣ паст карда шавад, ки нисбати суратҳисоби бонкие, ки дар он захираҳои ФМС ва ФИУ нигоҳ дошта мешаванд, татбиқ мегардад.

(e) Моддаҳои маблағгузоришавандаи грантӣ аз ҳисоби маблағҳои грант ва қарз дар ҳаҷми дар Нақшаи харид нишондодашуда дар якҷоягӣ маблағгузорӣ карда мешаванд, агар Бонк қарори дигар қабул накунад.

Қисми 2.02. Маблағҷудокунӣ

Тибқи қисми 5.01 (Мавқуфгузорӣ), қисми 5.02 (Бекор кардани пардохтҳо аз ҷониби Бонк) ва қисми 7.02 (Шартҳои пешакии эътибор пайдо намудани Созишнома)-и Созишномаи мазкур Маблағгузории грантӣ баро азнавсозӣ аз тарафи Бонк ҳар сари вақт тариқи як ё ду пардохт бо дарназардошти шартҳои зерин пешниҳод карда мешавад:

(а) Санаи ниҳоии пешниҳоди маблағгузории грантӣ барои азнавсозӣ

Ҳукумат ба дархост барои ҷудо намудани маблағ тибқи Созишномаи мазкур аз санаи эътибор пайдо намудани он ҳуқуқ пайдо мекунад ва дар 60 моҳи тақвимӣ пас аз санаи Созишномаи мазкур (Санаи ниҳоии пешниҳоди маблағгузории грантӣ) ё санаи нисбатан дертаре, ки Бонк бо салоҳдиди худ муқаррар мекунад ва оиди он Ҳукуматро ба таври хаттӣ огоҳ менамояд, беэътибор дониста мешавад.

(b) Хароҷоти тасдиқшуда

Агар Бонк тартиби дигареро муайян накунад, пардохти маблағҳо танҳо бо мақсади зерин анҷом дода мешавад:

1. барои пур кардани хароҷоте, ки бо хароҷоти мақсаднок дар доираи моддаҳои маблағгузоришавандаи грантӣ алоқаманданд (ё агар Бонк барои амалӣ гардонида шудани чунин хароҷот розӣ бошад);
2. барои пур кардани хароҷоте, ки пас аз санаи эътибори Созишномаи мазкур амалӣ гардонида мешаванд.
3. 
   

(c) Шартҳои анҷом додани пардохти маблағ

Умумияти қисми 2.02-ро маҳдуд накарда, ҳама гуна маблағҷудокуниҳо тибқи Созишномаи мазкур нисбати як ё ду моддаҳои маблағгузоришавандаи грантӣ бояд ӣчро гарданд, ё Бонк ба ихтиёри худаш метавонад пардохти хароҷотро пурра ё қисман ва ё тибқи шартҳо ё бея гон маҳудият дар санаи дархости Ҳукумат рад кунад,

1. бе маҳдуд намудани умумияти қисми 2.01 (с) маблағи умумии маблағгузории грантӣ барои азнавсозӣ, ки ҷудо карда шудааст ё аз ҷониби Бонк барои ҷудо кардан дархост карда шудааст, дар ягон вақт набояд аз 110 фоизи маблағи умумии ҳамаи маблағҳои аз суратҳисоб тибқи Созишномаи грантӣ барои азнавсозӣ гирифташаванда зиёд бошад;
2. маблағи умумии маблағгузории қарзии барои ҳамон моддаҳои маблағгузоришавандаи грантӣ тибқи Нақшаи харид аз ҳисоб аз рӯи дархост барои гирифтани маблағ аз суратҳисоб ва тибқи Созишномаи грантӣ барои азнавсозӣ гирифта мешавад.

(d) Дархост барои ҷудо намудани маблағ

(1) Ҳукумат метавонад аз Бонк дар ҳолати пешниҳод намудани нусхаи аслии дархост барои ҷудо намудани маблағ, ки аз тарафи шахси ваколатдори Ҳукумат ё шахсе, ки онро Ҳукумат таъин намудааст, имзо шудааст, пардохти хароҷотро талаб намояд. Ҳар як дархост дар бораи ҷудо намудани маблағ дар шакле (Варақаи дархост барои ҷудо намудани маблағ), ки дар Замимаи 1 оварда шудааст, ба Бонк пешниҳод мешавад ва дар муддати 15 (понздаҳ) рӯзи амалиётӣ, қабл аз санаи ворид шудани маблағҳо ба суратҳисоб, дастрас карда мешавад. Чунин дархост набояд тағйир дода шавад ва иҷрои он аз тарафи Ҳукумат ҳатмӣ мебошад.

(2) Ҳар як дархост барои ҷудо намудани маблағ бо ҳуҷҷатҳо ва дигар далелҳо дар шакл ва мазмуне, ки талаботи Бонкро қаноат менамояд, ҳамроҳ пешниҳод карда мешаванд, то ки Ҳукумат ба пардохтҳо ва маблағи пардохтҳо ҳуқуқ пайдо намояд ва онро танҳо барои мақсадҳои маблғгузории грантӣ истифода намояд. Чунин ҳуҷҷатҳо иборатанд аз, аммо бо онҳо маҳдуд нестанд, ҳисоб-фактураи пудратчӣ, ҳуҷҷати тасдиқшуда ё дигар ҳуҷҷатҳое, ки аз ҷониби Ҳукумат таҳия мешаванд ва тибқи талаботи Созишномаи мазкур ва шартномаи лоиҳа иҷро гардидани кор, мол ё хизматрасониҳоро тасдиқ менамоянд.

(e) Асъоре, ки бо он пардохтҳо анҷом дода мешаванд

Пардохтҳо бо асъори Евро дар ҳаҷми баробар ба хароҷоте, ки аз ҳисоби маблағҳои грантӣ маблағгузорӣ мешаванд, барои азнавсозӣ анҷом дода мешаванд. Агар хароҷот бо дигар асъорҳо амалӣ гардонида шаванд, он гоҳ маблағи ҳамарзиш дар ҳолатҳои зерин муқаррар карда мешавад:

(1) агар Ҳукумат пардохтро бо евро дархост намояд, маблағи пардохт аз ҷониби Бонк дар асоси нархи иваз кардани пул аз ҷониби Бонк муайян карда мешавад, агар Бонк чунин асъор (ҳо)-ро барои қонеъ гардонидани дархост харидорӣ намояд.

(2) агар Ҳукумат пардохти хароҷотро бо асъори (ҳое) харҷкарда дархост намояд, ба шарте ки, агар ин асъор дастрас бошад, Бонк чунин асъорро мутобиқи роҳҳои ба худ муносиб харидорӣ менамояд. Бонк ҳамарзиши маблағи пардохтро бо дарназардошти зараре, ки Бонк бо сабаби истифодаи доллари амрикоӣ баҳри қонеъ намудани дархост дид ё мебинад, муқаррар мекунад.

(f) пардохтҳо бо асъорҳои дигар

(2) Дар ҳолатҳои истисноӣ Бонк метавонад дархости Ҳукуматро дар хусуси анҷом додани пардохтҳо бо асъор ё асъорҳои дигар, на евро ё асъори хароҷотҳо қаноатманд намояд. Дар чунин ҳолат Бонк ин асъор ё асъорҳоро дар шакл ва усули ба фикри худаш мувофиқ харидорӣ менамояд. Ҳаҷми ҳамарзиши маблағи пардохт аз ҷониби Бонк бо дарназардошти хароҷоти анҷом додашудаи Бонк вобаста ба мубодилаи асъор ё хароҷоте, ки Бонк бо сабаби истифодаи асъори евро ҷиҳати иҷрои шартҳои дархост бораи ҷудо намудани маблағ кардааст, муайян карда мешавад.

(g) Ҳадди ақали пардохти маблағҳо

Ба истиснои пардохти охирон ё ба истиснои ҳолатҳое, ки агар Бонк тартиби дигареро муайян накунад, пардохтҳо дар ҳаҷми на кам аз 1, 000,000 (як миллион) Евро пешниҳод карда мешаванд.

Қисми 2.03. Уҳдадориҳои шартӣ ва ғайришартӣ вобаста ба ҷуброн

(a) Дар асоси дархости Ҳукумат, дар шакл ва мазмуни барои Бонк муносиб, тибқи муқаррароти татбиқшавандаи Дастурамали БАТР оиди истифодабарии воситаҳои қарзӣ Бонк метавонад, уҳдадориҳои шартӣ ва ғайришартии ҷуброниро бо мақсади ҷуброн намудани пардохтҳое, ки аз ҷониби Бонк тавассути мактуби аккредитивӣ дар хусуси хароҷоти маблағгузоришаванда аз ҳисоби маблағгузории грантӣ амалӣ гардонида шудаст, пешниҳод намояд. Ҳама гуна чунин ҷубронпулӣ қисми пардохт ба ҳисоб меравад.

(b) Дар сурати уҳдадориҳои шартии ҷубронӣ уҳдадории Бонк дар хусуси пардохт ҳангоми мавқуфгузорӣ ё қатъ гардидани Маблағгузории грантӣ барои азнавсозӣ тибқи қисми 5.01-и (Мавқуфгузорӣ) ё қисми 5.02 (Бекор кардани пардохтҳо аз ҷониби бонк)-и Созишномаи мазкур оиди мавқуфгузорӣ ва қатъи маблағгузории грантӣ аз тарафи Бонк фавран мавқуф ё қатъ карда мешавад.

(c) Дар сурати уҳдадориҳои ғайришартии ҷубронӣ уҳдадории Бонк дар хусуси пардохт ба мавқуфгузорӣ ё бекоркунии минбаъдаи маблағгузории грантӣ барои азнавсозӣ таъсир намерасонад.

Қисми 2.04. Азнавтақсимкунӣ

Ҳукумат метавонад ба Бонк азнавтақсимкунии маблағҳои ба моддаҳо ҷудошударо тибқи моддаҳои маблағгузоришавандаи грантӣ, ки дар Ҷадвали 1-и Созишномаи мазкур оварда шудаанд, дархост намояд, ба шарте ки чунин азнавтақсимкунӣ ба шартҳои Қоидаҳои ФМС мувофиқат намояд. Бонк метавонад ба Ҳукумат тавассути ирсол намудани огоҳинома дархостро оиди азнавтақсимкунӣ пешниҳод намояд. Чунин азнавтақсимкунӣ дар ҳолати дастрас намудани огоҳинома эътибор пайдо менамояд.

Қисми 2.05. Бекор кардани пардохти маблағҳо аз ҷониби Ҳукумат

Ҳукумат метавонад дар дилхоҳ вақт пешакӣ дар давоми на камтар аз 30 (сӣ) рӯзи корӣ Бонкро оиди пурра ё қисман бекор намудани қисми пардохт карданашудаи маблағи грантӣ барои азнавсозӣ ба таври хаттӣ огоҳ намояд. Ҳама гуна чунин огоҳинома аз тарафи Ҳукумат набояд тағйир дода шавад ва он барои иҷро ҳатмӣ аст.

Қисми 2.06. Пардохти маблағ

(а) Ба шарте ки Бонк тартиби дигареро муайян накунад, маблағе, ки бояд аз ҷониби Бонк тибқи Созишномаи мазкур ҷудо карда шавад, мустақиман ба суратҳисоби дахлдори пудратчӣ, ки Ҳукумат дар дархости худ барои ҷудо намудани маблағ таъин намудааст, пардохт карда мешавад.

(b) Бонк пардохтҳоро танҳо тавасути пардохти электронӣ ба суратҳисоби бонкие, ки ба номи пудратчӣ/мушовир кушода аст ва дар кишвари ё ҷойи зисти пудратчӣ/мушовир ҷойгир аст чӣ тавре ки қобили истифода бошад 1 (бо розигии пешакии Бонк) дар кишваре, ки дар он пудратчӣ мол ё корҳоро анҷом медиҳад ё дар ҷое, ки пудратчӣ/мушовир хизмат мерасонад, ирсол менамояд.

(c) Агар санаи пардохт намудани ҳама гуна маблағҳо тибқи Созишномаи мазкур ба рӯзи ғайрикорӣ рост ояд, он гоҳ пардохт ба рӯзи дигари корӣ гузаронида мешавад.

(d) Ҳама гуна маблағе, ки бояд ба Бонк тибқи Созишномаи мазкур пардохт карда шавад, ба суратҳисоби Бонк дар Лондон, Англия ё дигар маконе, ки Бонк тавассути ирсол намудани огоҳинома ба Ҳукумат таъин менамояд, бе ҷубронпулӣ ё уҳдадориҳои дутарафа бо асъори евро пардохт карда мешавад.

МОДДАИ III. ИҶРОИ ЛОИҲА

Қисми 3.01. Ҳамкорӣ ва иттилоот

(а) Муқаррароти қисми 4.01 (Ҳамкорӣ ва иттилоот)-и муқаррарот ва шартҳои стандартӣ тарзе татбиқ карда мешаванд, ки гӯё ин муқаррарот дар ҳуҷҷати мазкур пурра бо тағйиру иловаҳои зарурӣ оварда шуда бошанд ва гуфтаҳои дар боло зикргардидаро маҳдуд накарда:

(i) истинод ба мафҳуми «Қарзгиранда» ҳамчун истинод ба мафҳуми «Ҳукумат» хонда мешавад;

(ii) истинод ба мафҳуми «Қарз» ҳамчун истинод ба мафҳуми «Маблағгузории грантӣбарои азнавсозӣ» хонда мешавад;

(iii) истинод ба мафҳуми «Созишномаи грантӣ» ва «Созишномаи дар бораи лоиҳаҳо» ҳамчун истинод ба мафҳуми «Созишномаи мазкур» хонда мешавад.

(b) Ҳангоми гирифтани маълумот тибқи Созишномаи грантӣ барои азнавсозӣ ва/ё Лоиҳаи созишномавӣ барои азнавсозӣ Бонк метавонад ҳамчун таъминкунандаи маблағгузории грантӣ барои азнавсозӣ тибқи Созишномаи мазкур чунин маълумотро истифода барад ё ба он такя намояд.

Қисми 3.02. Уҳдадориҳое, ки бо иҷрои лоиҳа алоқаманданд

(а) Ҳукумат, агар Бонк тартиби дигареро муайян накарда бошад:

(1) Лоиҳаро мутобиқи Созишномаи лоиҳавӣ барои азнавсозӣ ва Созишномаи мазкур ба таври дахлдор ва самаранок амалӣ менамояд;

(2) Лоиҳаро мутобиқи нақшаи харид бо дарназардошти ҳама гуна тағйирот, ки Бонк барои он розигии худро ба таври хаттӣ додааст, амалӣ менамояд;

(3) Лоиҳаро мутобиқи нақшаи чорабиниҳои экологӣ ва иҷтимоӣ ва талаботи таъиншуда ба иҷрои лоиҳа амалӣ менамояд;

(4) Лоиҳаро на дертар аз 48 моҳи тақвимӣ аз санаи эътибор пайдо кардан анҷом медиҳад;

(5) барои бомуваффақият анҷом додани Лоиҳа тамоми чораҳои заруриро меандешад.

(b) Муқаррароти қисми 4.02 (Уҳдадориҳое, ки бо иҷрои лоиҳа алоқаманданд)-и муқаррарот ва шартҳои стандартии мазкур тарзе татбиқ карда мешаванд, ки гӯё ин муқаррарот дар ҳуҷҷати мазкур пурра бо тағйиру иловаҳои зарурӣ оварда шуда бошанд ва гуфтаҳои дар боло зикргардидаро маҳдуд накарда:

(i) истинод ба мафҳуми «Қарзгиранда» ҳамчун истинод ба мафҳуми «Ҳукумат» хонда мешавад;

(ii) истинод ба мафҳуми «Маблағҳои қарзӣ» ҳамчун истинод ба мафҳуми «Маблағгузории грантӣ барои азнавсозӣ» хонда мешавад.

Қисми 3.03. Риояи талаботи экологӣ ва иҷтимоӣ

Агар Бонк тартиби дигареро муайян накунад, Ҳукумат кафолат медиҳад, ки қисми лоиҳае, ки тавассути маблағгузории грантӣ барои азнавсозӣ маблағгузорӣ шудааст, тибқи қисми 3.04 (Риояи талаботи экологӣ ва иҷтимоӣ) амалӣ гардонида мешавад.

Қисми 3.04. Уҳдадориҳои Ҳукумат вобаста ба дастгирӣ

(а) Ҳукумат чораҳоеро, ки ба рафти иҷрои Лоиҳа ё кори самараноки муассисаҳои он, ё ба Ҳукумат дар иҷрои уҳдадориҳояш вобаста ба Созишномаи мазкур монеа эҷод мекарда бошанд, намеандешад ва ба ягон корхона ё шуъбаҳои худ барои андешидани чунин чораҳо, ки ба рафти иҷрои Лоиҳа ё кори самараноки муассисаҳои он, ё ба Ҳукумат дар иҷрои уҳдадориҳояш вобаста ба Созишномаи мазкур монеа эҷод мекарда ё ҳамчун дахолат ба он баррасӣ мешуда бошанд, иҷозат намедиҳад. Ҳукумат инчунин наандешидани чунин чораҳоро аз ҷониби ҳама гуна зерсохторҳои сиёсиву-маъмурӣ, ки тобеи Ҳукумат ҳастанд ё аз ҷониби Ҳукумат назорат карда мешаванд, ё фаъолияти худро аз ҳисоб ва ба манфиати Ҳукумат ё зерсохторҳои ӯ анҷом медиҳанд, кафолат медиҳад.

(b) Агар Бонк тартиби дигареро муайян накунад, Ҳукумат:

(1) тамоми уҳдадориҳои худро тибқи Созишномаи мазкур ва Созишномаи қарзӣ барои азнавсозӣ ба таври дахлдор анҷом медиҳад;

(2) Субъекти лоиҳаро дар иҷрои уҳдадориҳояш тибқи Созишномаи мазкур дастгирӣ менамояд, аз ҷумла тавассути андешидани чораҳои ҳуқуқӣ, танзимшаванда ё дигар чораҳои муҳим ё мақсаднок ва бо роҳи таъмин намудани тақсимкунӣ, тасдиқи маблағҳо ва кумак ба Субъекти лоиҳа баҳри анҷом додани Лоиҳа;

(3) Маблағи маблағгузориҳои грантиро ба Субъекти лоиҳа бо мақсади маблағгузории Лоиҳаи (интиқоли маблағ) тибқи муқаррарот ва шартҳои дар шартномаи мазкур муқарраргардида ё тариқи дигаре, ки Бонкро қонеъ мекунад, интиқол медиҳад; ва

(4) ҳама гуна дигар ҳуҷҷатҳоро ба расмият медарорад ва ҳама гуна чораҳоеро меандешад, ки Бонк онҳоро баҳри эътиборнокии Созишномаи мазкур муҳим ва мақсаднок эътироф менамояд.

Қисми 3.05. Гурӯҳи татбиқи Лоиҳа

Ҳукумат кафолат медиҳад, ки фаъолият ва уҳдадориҳои Гурӯҳи татбиқи лоиҳа тибқи қисми 2.03 (Гурӯҳи татбиқи лоиҳа)-и Созишномаи лоиҳавӣ барои азнавсозӣ, аз ҷумла харидҳо дар доираи моддаҳои маблағгузоришавандаи грантӣ ва иҷрои маблағгузории грантӣ барои азнавсозӣ амалӣ гардонида мешаванд.

Қисми 3.06. Харидҳо

(а) Агар Бонк тартиби дигареро муайян накунад, харидҳо дар доираи моддаҳои маблағгузоришавандаи грантӣ тибқи тартиби хариди мол ва хизматрасонии БАТР ба танзим дароварда мешаванд. Мавод дар доираи моддаҳои маблағгузоришавандаи грантӣ тавассути тендери кушод тибқи Боби 3 «Тартиби хариди мол ва хизматрасонии БАТР» харидорӣ мешаванд.

(b) Шартномаи лоиҳа тибқи қоидаҳое, ки дар тартиби хариди мол ва хизматрасонии БАТР оварда шудаанд, пешакӣ баррасӣ карда мешаванд.

Қисми 3.07. Ҳуҷҷатгузории лоиҳа ва ҳисоботҳо. Тафтишҳо

(а) Ҳукумат кафолат медиҳад, ки маълумоти аз ҷониби Субъекти лоиҳа ба Бонк пешниҳодшуда ва сабтҳое, ки Субъекти лоиҳа тибқи қисми 2.08 (Даврияти ҳисобдорӣ ва талабот ба пешниҳод намудани он)-и Созишномаи лоиҳавӣ барои азнавсозӣ, ҳамчунин қисми 4.04 (Ҳуҷҷатгузории лоиҳа ва ҳисобдорӣ) ва қисми 5.02 (Ҳисобдорӣ)-и муқаррарот ва шартҳои стандартӣ нигоҳ медорад,

(1) маълумоти муфассалро оид ба шартномаҳо, пудратчиҳо, пардохтҳо, маблағгузории грантӣ ва истифодаи он, моддаҳои маблағгузоришавандаи грантӣ, аз ҷумла вазъи мутобиқатӣ бо ҳар як уҳдадории яктарафа, ки дар Созишномаи мазкур бо шакл ва мазмуни барои Бонк муносиб оварда шудаанд, дар бар мегирад;

(2) дорои маълумоти кофӣ буда, маблағгузории грантиро барои азнавсозӣ дар муқоиса ба маблағгузории қарзӣ барои азнавсозӣ назорат мекунад;

(3) маълумоти кофиро дар бораи Субъекти лоиҳа, лоиҳа ва амалиётҳои дар Созишномаи мазкур пешбинишуда, ки Бонк метавонад ҳар вақт мувофиқи мақсад дархост намояд, дар бар мегирад.

(b) Ҳар чӣ зудтар, аммо дар ҳар сурат дар давоми 60 (шаст) рӯз пас аз анҷомёбии шартномаи охирин, Субъекти лоиҳа ба Бонк ҳисоботи ниҳоиро (агар Бонк дархост карда бошад ва аз ҷониби шахси мансабдору ваколатдори Субъекти лоиҳа тасдиқ шуда бошад) дар бораи истифодабарии маблағгузории грантӣ барои азнавсозӣ пешниҳод менамояд, ки дар он тамоми шартномаҳо, пудратчиҳо, моддаҳои маблағгузоришавандаи грантӣ, ҷадвали дастраскунӣ ва васлкунӣ, муқоиса бо пешгӯиҳои аввала ба таври муфассал оварда шудаанд.

(c) Ҳар чӣ зудтар, аммо дар ҳар сурат дар давоми 60 (шаст) рӯз пас аз санаи анҷомёбии лоиҳа, Субъекти лоиҳа ба Бонк (агар Бонк дархост карда бошад ва аз ҷониби шахси мансабдору ваколатдори Субъекти лоиҳа тасдиқ шудааст) ҳисоботи ниҳоиро оид ба лоиҳа пешниҳод менамояд, ки истифодабарии маблағгузории грантиро барои азнавсозӣ муайян мекунад.

(d) Субъекти лоиҳа ба Бонк, Донор ва намояндагони дигар дар сурати дархости бонк ва/ё Донор имкон медиҳад, ки:

(1) ба биною иншооти объектҳо дар доираи лоиҳа ташриф оваранд;

(2) ҳама гуна мол, кор ва хизматрасонӣ ва ҳама гуна дастгоҳҳо, васлкуниҳо, объектҳо, корҳо, биноҳо, моликият, таҷҳизот, сабтҳо ва ҳуҷҷатҳои дахлдорро дар доираи иҷрои уҳдадориҳои Субъекти лоиҳа тибқи Созишномаи мазкур, ки тавассути маблағгузории грантӣ маблағгузорӣ карда мешаванд, тафтиш намоянд;

(3) бо чунин мақсадҳо бо намояндагон ва кормандони Субъекти лоиҳа вохӯрӣ ва муҳокимаҳо мегузаронад, ки ба талаботи Бонк муносиб мебошад.

(e) Дар ҳолати бастани ҳама гуна шартнома Бонк метавонад тавсифи он, ном ва миллати пудратчӣ ва арзиши шартномаро нашр намояд;

(f) Ҳукумат ба Бонк, Донор ва намояндаҳои он дастрасиро ба ҳуҷҷатҳои муҳосибӣ дар доираи Лоиҳа ва маблағгузории грантӣ барои азнавсозӣ таъмин менамояд ва иҷрои онро аз ҷониби Субъекти лоиҳа кафолат медиҳад.

МОДДАИ 4. УҲДАДОРИҲОИ МОЛИЯВӢ ВА АМАЛИЁТӢ

Қисми 4.01. Ҳуҷҷатгузорӣ ва ҳисоботҳо

(а) Ҳукумат баҳисобгирӣ ва суратҳисобҳои алоҳидаро дар доираи маблағгузории грантӣ барои азнавсозӣ мутобиқи стандартҳои барои Бонк муносиб ва принсипҳои қабули умум амалӣ менамояд.

(b) Ҳукумат кафолат медиҳад, ки маълумоти ба Бонк пешниҳод ва ҳуҷҷатҳои аз ҷониби Субъекти лоиҳа таҳиямешуда ҷиҳати иҷрои уҳдадориҳои Субъекти лоиҳа тибқи қисми 3.01 (Ҳуҷҷатгузорӣ ва ҳисобдории молиявӣ) Созишномаи қарзӣ, ҳамчунин банди (с) (i) и қисми 5.02 (Ҳисобдорӣ)--и муқаррарот ва шартҳои стандартӣ:

(1) маълумоти муфассалро нисбати маблағгузории грантӣ ва истифодаи он, дар шакл ва мазмуни ба Бонк муносиб дар бар мегирад;

(2) дорои маълумоти кофӣ буда, маблағгузории грантиро барои азнавсозӣ дар муқоиса ба маблағгузории қарзӣ барои азнавсозӣ назорат мекунад;

(3) дигар маълумотро дар бораи баҳисобгирӣ, суратҳисобҳо ва ҳисобдории молиявӣ, ки Бонк метавонад ҳар вақт мувофиқи мақсад дархост намояд, дар бар мегирад.

(c)Ҳукумат кафолат медиҳад, ки субъекти лоиҳа то ҳадди ақал 5 сол баъди ба охир расидани лоиҳа;

(1) ҳуҷчатҳои молиявии муҳосиботӣ ва ҳуҷҷатҳоро марбут ба фаъолияи бо гранти маблағгузорӣ барои азнавсозӣ маблағгузоришаванда нигоҳ медорад, ва

(2) дар сурати дархост ба бонк ва\ё донор ҳама маълумоти молиявиро, аз ҷумла ҳисоботҳоро вобаста ба лоиҳа дастрас менамояд.

Қисми 4.02. Амалисозии фаъолияти тиҷоратӣ ва анҷомдиҳии амалиётҳо

Агар Бонк тартиби дигареро муайян накунад, Ҳукумат тамоми чораҳоро меандешад то ки кафолат диҳад, ки Субъекти лоиҳа:

(а) уҳдадориҳои худро тибқи Созишномаи мазкур ва Созишномаи лоиҳавӣ барои азнавсозӣ ба иҷро мерасонад;

(b) дороиҳои худро намефурӯшад, таҳвил наменамояд, ба иҷора намедиҳад ё ба тариқи дигар истифода намояд, ки барои иҷрои самараноки амалиётҳои ӯ (тариқи амалиёти алоҳида ё силсилаи амалиётҳо, ки бо онҳо алоқаманданд ё ба таври дигар) муҳиманд, ё истифодаи он метавонанд ба қобилияти самаранок амалигардонии уҳдадориҳои ӯ мутобиқи Созишномаи мазкур зарар расонанд;

(c) ба низомномаҳо тағйирот ворид наменамояд ё барои ворид намудани тағйирот иҷозат намедиҳад, агар чунин тағйирот ба муқаррароти Созишномаи мазкур мутобиқат накунанд ва метавонанд ба қобилияти Субъекти лоиҳа вобаста ба мутобиқатӣ ба шартҳои Созишномаи мазкур зарар расонанд;

(d) ҳама гуна дигар ҳуҷҷатҳоро ба расмият медарорад ва ҳама гуна чораҳоеро, ки Бонк онҳоро баҳри эътиборнокии Созишномаи мазкур муҳим ва мақсаднок эътироф менамояд, меандешад.

Қисми 4.03. Андозҳо

(а) Ҳукумат тамоми андозҳоро, ки бо барасмиятдарорӣ, пешниҳодкунӣ, таҳвил, бақайдгирӣ ё тасдиқи нотариалии Созишномаи мазкур (аз ҷумла муқаррароти маблағгузории грантӣ) ё дигар ҳуҷҷатҳо алоқаманданд, дар муҳлатҳои муқарраршуда пардохт менамояд ва иҷрои онро аз ҷониби Субъекти лоиҳа кафолат медиҳад.

(b) Маблағҳои грантӣ барои азнавсозӣ набояд барои пардохти андозҳои мустақим ё ғайримустақим дар ҳудуди Ҳукумат ё берун аз он мустақиман ё ғайримустақиман истифода шаванд.

Қисми 4.04. Шаффофият

(а) Ҳукумат чораҳои дахлдорро баҳри нашри маълумот оиди маблағгузории Лоиҳа аз ҷониби ФМС БАТР барои маблағгузории Гранти ФМС БАТР барои азнавсозӣ ва ФИУ барои маблағгузории Гранти ФИУ БАТР барои азнавсозӣ дар нашриёт, воситаҳои коммуникатсионӣ, аз ҷумла ВАО-и дахлдор меандешад.

Қисми 4.05. Қаллобӣ ва ришвахӯрӣ

Ҳукумат, инчунин шахсони мансабдор, директорон, кормандони ваколатдор, мақомот ё намояндаҳои ваколатдори Субъекти лоиҳа дар рафти иҷрои Созишномаи мазкур, инчунин маблағгузории грантӣ барои азнавсозӣ ё иҷрои аҳдҳои бо Созишномаи мазкур пешбинишуда ба қаллобӣ ва ришвахӯрӣ даст намезананд.

МОДДАИ V. МАВҚУФГУЗОРӢ ВА БЕКОР КАРДАНИ ПАРДОХТҲО. ҶУБРОНИ МАБЛАҒҲОИ ГИРИФТАШУДА

Қисми 5.01. Мавқуфгузорӣ

(а) Дар сурати рӯй додани яке аз вазъиятҳои дар поён зикр гардида Бонк тавассути огоҳ намудани Ҳукумат ҳуқуқи Ҳукуматро лоиҳаро ба ҳама гуна пардохтҳои минбаъда мутобиқи Созишномаи мазкур пурра ё қисман мавқуф мегузорад:

(1) агар Созишномаи қарзӣ барои васеъсозӣ, Созишномаи қарзӣ барои азнавсозӣ, Созишномаи грантӣ барои васеъсозӣ, Созишномаи лоиҳавӣ барои азнавсозӣ ва/ё созишномаи лоиҳавӣ барои васеъсозӣ пурра эътибори худро гум кунанд ё қатъ карда шаванд;

(2) агар Ҳукумат, Субъекти лоиҳа ҳама гуна уҳдадориҳои худро дар доираи Созишномаи мазкур, Созишномаи қарзӣ барои васеъсозӣ, Созишномаи қарзӣ барои азнавсозӣ, Созишномаи грантӣ барои васеъсозӣ ва ё Созишномаи грантӣ барои азнавсозӣ Созишномаи лоиҳавӣ барои васеъсозӣ ва/ё созишномаи лоиҳавӣ барои азнавсозӣ иҷро накардааст ё иҷро намекунад;

(3) агар барои маблағгузории Лоиҳа маблағгузории алтернативӣ ба даст оварда шуда бошад ва бо ин роҳ маблағгузории дукарата (пурра ё қисман) таъмин шуда бошад;

(4) агар Бонк ҳуқуқи Ҳукуматро, ки ба сифати Қарзгиранда дар доираи Созишномаи қарзӣ баромад мекунад, оиди пешниҳоди дархост барои ҷудо намудани маблағ аз суратҳисоб тибқи қисми 7.01 (Боздорӣ)-и муқаррароти умумӣ ва шартҳои стандартӣ ё қисми 4.01 (Мавқуфгузорӣ)-и Созишномаи қарзӣ барои азнавсозӣ боздорад, ё агар вазъияте рӯй диҳад, ки Бонк дорои ҳуқуқи пурра ё қисман боздории он гардад;

(5) агар Бонк Созишномаи қарзиро барои азнавсозӣ мутобиқи қисми 7.02 (Бекоркунӣ аз тарафи Бонк)- муқаррароти умумӣ ва шартҳои стандартӣ бекор кунад ё агар вазъияте рӯй диҳад, ки Бонк дорои ҳуқуқи пурра, ё қисман бекоркунии он гардад;

(6) агар ҳама гуна ҳолатҳое, ки дар қисми 7.06 (Ҳолатҳое, ки ба пардохти фаврии қарз оварда мерасонад)- и муқаррароти умумӣ ва шартҳои стандартӣ ё қисми 4.02 (Пардохти пеш аз муҳлати қарз) оварда шудаанд, рӯй диҳад ё идома ёбанд ва Бонк қарор қабул кунад, ки маблағгузории қарзӣ дар ҳаҷми пурра ё қисман тибқи қисми 7.06 (Ҳолатҳое, ки ба пардохти фаврии қарз оварда мерасонад)-и муқаррароти умумӣ ва шартҳои стандартӣ пардохт карда шавад;

(7) агар ҳолати фавқулодае рӯй диҳад, ки дар натиҷаи он иҷрои лоиҳа, ҳамчунин қобилияти иҷрои уҳдадориҳои Ҳукумат ё Субъекти лоиҳа низ дар доираи Созишномаи мазкур имконнопазир мегарданд;

(8) агар Ҳукумат ё Субъекти лоиҳа Созишномаи қарзӣ барои азнавсозиро нодуруст муаррифӣ намоянд ё маводи аз тарафи онҳо пешниҳодшуда хатогиҳо дар бар дошта бошанд;

(9) агар Субъекти лоиҳа Оинномаи худро тағйир, мавқуф ё бекор намояд ва чунин амал ба иҷрои амалиётҳо ё ба ҳолати молиявии Субъекти лоиҳа таъсири манфӣ расонад, ё қобилияти ӯро ҷиҳати иҷрои лоиҳа ва уҳдадориҳо дар доираи Созишномаи мазкур имконнопазир гардонад;

(10) агар Ҳукумат лоиҳа, ки ба сифати Қарзгиранда дар доираи Созишномаи қарзӣ барои азнавсозӣ баромад мекунад, қисми истифоданашудаи пардохтро тибқи қисми 3.08 (Бекоркунӣ)-и муқаррароти умумӣ ва шартҳои стандартӣ дар ҳаҷми пурра ё қисман бекор кунад;

(11) агар ФМС тибқи Қоидаҳои ФМС қатъ гардида бошад, ё огоҳинома дар бораи бекоршавӣ тибқи Қоидаҳои ФМС дода шуда бошад; ФИУ тибқи шартҳои умумӣ қатъ гардида бошад, ё огоҳинома дар бораи бекоршавӣ тибқи шартҳои умумии ФИУ дода шуда бошад;

(12) агар тибқи Сиёсат ва расмиёти ҳуқуқӣ Бонк ошкор намояд, ки Ҳукумат, Субъекти лоиҳа, пудратчӣ, шуъбаҳои онҳо ё ё ҳама гуна шахсони мансабдор, кормандон, мақомот ё намояндаҳо дар рӯйхати шахсон ё мақомоте дохил карда шудаанд, ки Бонк бо онҳо ҳамкорӣ карда наметавонад ё онҳоро маблағгузорӣ карда наметавонад ва чунин рӯйхат дар сомони Бонк ҷой дода шудааст;

(13) агар ба санадҳои меъёрии ҳуқуқие, ки ба бахши энергетика дар ҳудуди Ҳукумат татбиқ мешаванд, тағйирот дароварда шаванд, татбиқи онҳо боздошта, қатъ карда шавад ва ин ҳолат ба амалиётҳо ё ба ҳолати молиявии Субъекти лоиҳа таъсири манфӣ расонад ё қобилияти ӯро дар иҷрои лоиҳа ва уҳдадориҳо дар доираи Созишномаи мазкур имконнопазир гардонад.

(14) ҳама гуна ҳодисаҳои дар бандҳои (4) то (9)-и ҳамин фасли боло зикршуда, ки нисбат ба Созишномаи қарзӣ барои васеъсозӣ, Созишномаи грантӣ барои васеъсозӣ ва/ё Созишномаи лоиҳавӣ барои васеъсозӣ (дар мавриди зарурат) рух диҳанд.

(b) Қатъкунии ҳуқуқи Ҳукумат ба пешниҳод намудани ҳама гуна пардохтҳои минбаъда, вобаста ба вазъият, пурра ё қисман идома хоҳад ёфт, то он даме, ки вазъиятҳое, ки боиси қатъкунӣ гаштаанд, анҷом дода мешаванд, ба истиснои ҳолатҳое, ки агар Бонк ба Ҳукумат огоҳиномаро оиди пешниҳод намудани ҳуқуқ ба гирифтани пардохтҳои минбаъда барқарор созад, ба шарте ки чунин ҳуқуқ танҳо бо шартҳое, ки дар огоҳиномаи мазкур оварда шудаанд, дода мешавад ва ҳеҷ яке аз чунин огоҳинома ҳуқуқ ва эътибори ҳифзи Бонкро нисбати ҳолатҳои минбаъда вайрон намекунад.

(с) барои мақсадҳои банди 4 (а) –и мазкур , қисми 7.01(а)(xV) муқаррарот ва шартҳои стандартӣ чунин хонда мешавад: «Бонк дастрасиро ба захираҳои бонк аз ҷониби узв тибқи қарори Шӯрои директорони Бонк мавқуф медорад ё тариқи дигар тағйир медиҳад».

Қисми 5.02. Бекор кардани пардохтҳо аз ҷониби Бонк

(а) Агар Бонк пас аз муҳокима бо Ҳукумат муайян намояд, ки воситаҳои маблағгузории грантӣ барои азнавсозӣ барои маблағгузории хароҷот дар доираи лоиҳа лозим нестанд, он гоҳ Бонк Ҳукуматро дар бораи бекор кардани маблағгузории грантӣ барои азнавсозӣ огоҳ менамояд. Дар санаи ниҳоии пешниҳоди маблағгузории грантӣ барои азнавсозӣ қисми истифоданашудаи маблағгузории грантӣ барои азнавсозӣ ба таври автоматӣ бекор карда мешавад, агар Бонк тартиби дигареро муайян накунад.

(b) Агар ҳуқуқи Ҳукумат ба ҳама гуна қисми пардохтҳои маблағгузории грантӣ дар доираи Созишномаи мазкур тибқи қисми 5.01 (Боздорӣ)-и Созишномаи мазкур ба муҳлати давомдори 30 (сӣ) рӯз боздошта шавад, он гоҳ Бонк Ҳукуматро дар бораи қисман ё пурра бекор карда шудани маблағгузории грантӣ барои азнавсозӣ огоҳ менамояд.

(c) Агар Бонк Созишномаи қарзиро барои азнавсозӣ мутобиқи Қисми 7.02 (Бекоркунӣ аз тарафи Бонк)- муқаррароти умумӣ ва шартҳои стандартӣ қисман ё пурра бекор кунад ё агар вазъияте рӯй диҳад, ки Бонк дорои ҳуқуқи пурра ё қисман бекоркунии он гардад, он гоҳ Бонк Ҳукуматро огоҳ менамояд, ки маблағгузории Грантӣ барои азнавсозӣ қисман ё пурра бекор карда мешавад.

(d) Агар дар ҳар вақт Бонк муайян кунад, ки:

(1) харидҳои ҳама гуна моддаҳои маблағгузоришавандаи грантӣ барои азнавсозӣ ба Созишномаи мазкур мутобиқат намекунанд;

(2) маблағҳое, ки дар доираи Созишномаи мазкур пешниҳод шудаанд, ба дигар мақсадҳое, ки дар Созишномаи мазкур оварда нашудаанд, истифода гардидаанд;

(3) нисбати ҳама гуна шартномаҳо, ягон намояндаи Ҳукумат, Субъекти лоиҳа ё ҳама гуна пудратчие, ки дар давоми харид ё иҷрои чунин шартнома ба ҳама гуна амалҳои манъшуда ҷалб карда шуданд, ки дар ин ҳолат Ҳукумат ва/ё Субъекти лоиҳа чораҳои саривақтӣ ва дахлдорро барои қонеъ гардонидани Бонк нисбати ҳолати мазкур наандешиданд, он гоҳ Бонк Ҳукуматро огоҳ менамояд, ки маблағгузории грантӣ барои азнавсозӣ қисман ё пурра бекор карда мешавад. Бекоркунии мазкур пас аз пешниҳод намудани огоҳинома эътибор пайдо мекунад.

(e) Агар Бонк ошкор намояд, ки ягон намояндаи Ҳукумат, Субъекти лоиҳа, пудратчӣ, шуъбаҳои онҳо ё ё ҳама гуна шахсони мансабдор, кормандон, мақомот ё намояндаҳо дар рӯйхати шахсон ё мақомоте дохил карда шудаанд, ки Бонк бо онҳо ҳамкорӣ карда наметавонад ё онҳоро маблағгузорӣ карда наметавонад ва чунин рӯйхат дар сомони Бонк ҷой дода шудааст, он гоҳ Бонк Ҳукуматро огоҳ менамояд, ки маблағгузории грантӣ барои азнавсозӣ қисман ё пурра бекор карда мешавад. Бекоркунии мазкур пас аз пешниҳод намудани огоҳинома эътибор пайдо мекунад.

Қисми 5.03. Уҳдадориҳои ғайришартии ҷубронӣ, ки бо боздорӣ ва бекоркунӣ алоқаманд нестанд

Мавқуфгузорӣ ё бекоркунии маблағҳо нисбати маблағҳое, ки пардохти он аз рӯи уҳдадории шартии ҷубронӣ, ки аз ҷониби Бонк мутобиқи қисми 2.03 (Уҳдадориҳои шартӣ ва ғайришартии ҷубронӣ)-и Созишномаи мазкур баста шудааст, ҳатмист, татбиқ намешавад, ба шарте ки дар чунин уҳдадорӣ тартиби дигар кушоду равшан оварда нашуда бошад.

Қисми 5.04. Уҳдадориҳои Ҳукумат

Новобаста ба ҳама гуна бекоркунӣ ё қатъкунӣ тамоми муқаррароти Созишномаи мазкур бояд эътибор дошта бошанд, ба истиснои ҳолатҳое, ки дар Созишномаи мазкур оварда шудаанд.

Қисми 5.05. Ҳолатҳои баргардонидани маблағҳо

Дар сурати рӯй додани ҳолатҳои дар поён зикргардида ва давом ёфтани он дар давоми муҳлати дар поён зикргардида, Бонк тавассути ирсол намудани огоҳинома аз Ҳукумат талаб менамояд, ки Ҳукумат лоиҳа маблағгузории грантиро пурра ё қисман баргардонанд (ва ҳама гуна маблағҳоро дар доираи Созишномаи мазкур пардохт намоянд) ва чунин маблағҳо бояд фавран пардохт карда шаванд (новобаста ба он, ки гуфтаҳои Созишномаи мазкур маънои муқобил доранд):

(а) дар сурати ҷой доштани ҳолатҳое, ки дар қисми 5.01 (а)(1) (Боздорӣ)-и Созишномаи мазкур нишон дода шудаанд;

(b) дар сурати ҷой доштани ҳолатҳое, ки дар қисмҳои 5.01 (а) (2), (Боздорӣ)-и Созишномаи мазкур нишон дода шудаанд ва, агар чунин вазъиятро имкони ислоҳ кардан ҷой дошт, вале он дар давом 30 (cӣ) рӯз пас аз ирсоли огоҳинома аз тарафи Бонк идома ёфта бошад;

(c) агар ҳолатҳое, ки ба пардохти фаврии қарз оварда мерасонанд ва дар муқаррароти умумӣ ва шартҳои стандартӣ оварда шудаанд, рӯй диҳад ё идома ёбад, Бонк қарор қабул мекунад, ки маблағгузории қарзӣ барои васеъсозӣ дар ҳаҷми пурра ё қисман тибқи қисми 7.06 (Ҳолатҳое, ки ба пардохти фаврии қарз оварда мерасонад)-и муқаррароти умумӣ ва шартҳои стандартӣ бояд пардохт карда шавад;

(d) агар Бонк ошкор намояд, ягон намояндаи ҳукумат, Субъекти лоиҳа, пудратчӣ, шуъбаҳои онҳо ё ё ҳама гуна шахсони мансабдор, кормандон, мақомот ё намояндаҳо дар рӯйхати шахсон ё мақомоте дохил карда шудаанд, ки Бонк бо онҳо ҳамкорӣ карда наметавонад ё онҳоро маблағгузорӣ карда наметавонад ва чунин рӯйхат дар сомони Бонк ҷой дода шудааст;

(e) агар Субъекти лоиҳа ба сифати Қарзгиранда дар доираи Созишномаи қарзӣ барои васеъсозӣ ва ё азнавсозӣ қисми истифоданашудаи пардохтро тибқи қисми 3.08 (Бекоркунӣ)-и муқаррароти умумӣ ва шартҳои стандартӣ дар ҳаҷми пурра ё қисман бекор кунад.

МОДДАИ VI. ИҶРОИ УҲДАДОРИҲО. ҲАЛЛИ БАҲСҲО

Қисми 6.01. Иҷрои уҳдадориҳо

Ҳуқуқ ва уҳдадориҳои Ҳукумат эътибор доранд ва тибқи шартҳои онҳо, новобаста ба талаботи қонунгузории маҳаллӣ, ки ба ин шартҳо мухолифанд, ба таври дахлдор иҷро карда мешаванд. Дар ягон ҳолат Ҳукумат ҳуқуқ надорад оиди беэътибор донистани ягон муқаррароти Созишномаи мазкур эътироз намоянд ё бо ягон сабаб онро иҷро накунанд.

Қисми 6.02. Истифода набурдан аз ҳуқуқҳо

Мавқуф гузоштан ё истифода нагардидани ҳама гуна ҳуқуқ, ваколат ё воситаи ҳифзи ҳуқуқ мутобиқи Созишномаи мазкур маънои даст кашидан аз чунин ҳуқуқ, ваколат ё воситаи ҳифзи ҳуқуқро надорад ё истифодаи онҳоро вайрон намекунад; инчунин аз ҷониби яке аз тарафҳо истифода накардани чунин ҳуқуқ, ваколат ё воситаи ҳифзи ҳуқуқ ба иҷро нагардидани уҳдадориҳои дигари ин тараф таъсир намерасонад.

Қисми 6.03. Ҳалли баҳсҳо

Муқаррароти қисми 8.04 (Ҳалли баҳсҳо)-и муҳлат ва шартҳои стандартӣ тарзе татбиқ карда мешаванд, ки гӯё ин муқаррарот дар ҳуҷҷати мазкур пурра бо тағйиру иловаҳои зарурӣ оварда шуда бошанд ба шарте ки:

(i) истинод ба мафҳуми «Созишномаи қарзӣ» ё «Созишномаи лоиҳавӣ барои азнавсозӣ» маънои истинод ба мафҳуми «Созишномаи мазкур» -ро дошта бошад;

(ii) истинод ба мафҳуми «Қарзгиранда» маънои истинод ба мафҳуми «Ҳукумат» -ро дошта бошад.

МОДДАИ VII. ЭЪТИБОР ПАЙДО КАРДАН. БЕКОР КАРДАНИ СОЗИШНОМА

Қисми 7.01. Санаи эътибор пайдо кардан

Агар Бонк ва Ҳукумат ҳолатҳои дигарро пешбинӣ накунанд, Созишномаи мазкур дар рӯзи ирсол намудани огоҳинома ба Ҳукумат оиди қабули шартҳо тибқи қисми 7.02 (Шартҳое, ки боиси эътибор пайдо кардан мегарданд) ва қисми 7.03 (Хулосаи ҳуқуқӣ)-и Созишномаи мазкур эътибор пайдо мекунад.

Қисми 7.02. Шартҳое, ки боиси эътибор пайдо кардан мегарданд

Созишномаи мазкур эътибор пайдо карда наметавонад то он вақте, ки Бонк боварӣ ҳосил накунад, ки ҳолатҳои дар қисми 5.01(а) (Мавқуфгузорӣ) ё қисми 5.05 (Ҳолатҳои баргардонидани маблағҳо) Созишномаи мазкур нишондодашуда ҷой надоштанд ва ҷой надоранд; то он вақте, ки шартҳои зерини дар поён овардашуда дар шакл ва мундариҷаи барои Бонк қобили қабул иҷро нагарданд ё бо салоҳдиди Бонк пурра ё қисман ва бо дарназардошти шартҳо ё бе он бекор карда нашаванд:

(а) агар Бонк ду нусхаи аслии Созишномаи мазкурро, ки ба таври дахлдор ба расмият дароварда шудаанд, қабул намояд;

(b) тамоми шартҳое, ки боиси эътибор пайдо кардани Созишномаи қарзӣ дар доираи қисми 9.02 (Шартҳое, ки боиси эътиборпайдокунӣ мегарданд)- муқаррароти умумӣ ва шартҳои стандартӣ ва қисми 5.01 (Шартҳое, ки боиси эътиборпайдокунӣ мегарданд)-и Созишномаи қарзӣ барои азнавсозӣ мегарданд, ба истиснои эътиборнокии Созишномаи мазкур, дар шакл ва мазмуни барои Бонк муносиб ба иҷро расонида шуданд;

(c) агар Бонк шаҳодатномаҳоро оиди иҷро, тасдиқ ва тасвиби Созишномаи мазкур аз номи Ҳукумат бо роҳи андешидани ҳамаи чораҳои зарурии давлатӣ, маъмурӣ ва муштарак дар шакл ва мазмуни барои Бонк мусоид қабул кунад;

(d) агар ба Бонк ҳуҷҷатҳои дигар мувофиқи дархости мақсаднок пешниҳод шаванд.

Қисми 7.03. Хулосаи ҳуқуқӣ

Ба сифати исботи иловагӣ, ки бояд ба Бонк тибқи қисми 7.02 (Шартҳое, ки боиси эътибор пайдо кардан мегарданд)-и Созишномаи мазкур пешниҳод карда шаванд, Ҳукумат ба Бонк хулосаи ҳуқуқиро аз номи Ҳукумат аз ҷониби Вазорати адлия дар шакл ва мазмуни барои Бонк қобили қабул пешниҳод мекунанд ва дар он бояд дарҷ гардад, ки Созишномаи мазкур бо дарназардошти ҳамаи расмиёти дохилӣ аз номи Ҳукумат таҳия, тасдиқ ва ба тасвиб расонида шудааст ва он уҳдадориҳои воқеӣ ва ҳуқуқии Ҳукуматро, ки дар асоси шартҳои дахлдор иҷро мегарданд, дар бар мегирад.

Қисми 7.04. Бекор карда шудани Созишнома бо сабаби эътибор пайдо накардани он

Агар:

(а) Созишномаи мазкур дар давоми 180 (яксаду ҳаштод) рӯзи тақвимӣ баъди баста шудани он эътибор пайдо накунад; ё

(b) Созишномаи қарзӣ барои азнавсозӣ дар муҳлати дар қисми 5.03 (Қатъкунӣ бо сабаби эътибор пайдо накардан)- и Созишномаи қарзӣ барои азнавсозӣ нишондодашуда ё дар рӯзе, ки Бонк Ҳукуматро, ки ба сифати Қарзгиранда баромад кардааст, тибқи қисми 9.04 (Қатъкунӣ бо сабаби эътибор пайдо накардан)-и муқаррароти умумӣ ва шартҳои стандартӣ огоҳ намудааст, эътибор пайдо накунад;

тамоми уҳдадориҳои Бонк дар доираи Созишномаи мазкур қатъ мегарданд, ба истиснои ҳолатҳое, ки агар Бонк пас аз баррасӣ намудани сабабҳои таъхир санаи нисбатан дертарро барои мақсадҳои қисми мазкур пешбинӣ намояд. Бонк Ҳукуматро оиди чунин санаи дертар фавран огоҳ менамояд.

Қисми 7.05. Бекор кардани шудани Созишнома бинобар иҷрои он

(а) Созишномаи мазкур то ба иҷро расонидани тамоми уҳдадориҳои Ҳукумат тибқи муқаррароти Созишномаи мазкур эътибор дорад, ба истиснои ҳолатҳои қатъкунии пешакӣ тибқи шартҳои он; ба шарте ки муқаррароти қисми 6.03 (Ҳалли баҳсҳо) пас аз бекор карда шудани Созишномаи мазкур эътибори худро нигоҳ медоранд.

(b) Агар Созишномаи мазкур тартиби дигареро муайян накунад, муқаррароти қисми 5.05 (d) (Ҳолатҳои баргардонидани маблағҳо) эътибори худро пас аз бекор кардани Созишномаи мазкур дар давоми 5 (панҷ) сол пас аз анҷом ёфтани лоиҳа нигоҳ медорад.

МОДДАИ VIII. ШАРТҲОИ ДИГАР

Қисми 8.01. Огоҳинома

(а) Ҳама гуна огоҳинома ё дархост дар доираи Созишномаи мазкур, ки талаб карда мешавад ё барои дастрас намудан иҷозат дода мешавад, дар шакли хаттӣ пешниҳод мегардад. Ба истиснои тартиботе, ки дар қисми 7.01 (Санаи эътибор пайдо кардан)-и Созишномаи мазкур пешбинӣ шудааст, чунин огоҳинома ё дархост бо тартиби дахлдор ба ҷонибе, ки суроғаи он дар поён зикр гардидааст, дар шакли хаттӣ ирсол мегардад. Агар дар Созишномаи мазкур ва Дастурамали БАТР оиди истифодабарии воситаҳои қарзӣ тартиби дигар пешбинӣ нашуда бошад, чунин дастраскунии огоҳинома тавассути дастраскунии шахсӣ, почта, интиқоли факсиамалӣ гардонида мешавад. Дастраскунии огоҳинома тавассути факс тариқи почта низ тасдиқ карда мешавад.

Аз номи Ҳукумат:

Вазорати молияи Ҷумҳурии Тоҷикистон,

кӯчаи ак. Раҷабовҳо,3,

Душанбе,

Ҷумҳурии Тоҷикистон

Ба:     Вазири молияи Ҷумҳурии Тоҷикистон

Факс:   +992 37 221 33 29

Аз номи Бонк:

Бонки Аврупоии Таҷдид ва Рушд

One Exchange Square

Лондон EC2A 2JN

Британияи Кабир

Ба:    Шуъбаи амалиётҳо ва маъмурӣ

Факс:  +44 20 7338 6100

Қисми 8.02. Соҳибҳуқуқии шахси ваколатдор

Ҳама гуна чораҳо барои андешидан ва ҳуҷҷатҳо барои ба расмият даровардан аз ҷониби Ҳукумат, ки дар доираи Созишномаи мазкур талаб карда ё иҷозат мешаванд, бояд аз ҷониби намояндагони ваколатдор, ё ин ки вобаста ба шароит, аз ҷониби дигар кормандони Ҳукумат андешида ва ба расмият дароварда шаванд ва оиди таъини чунин намояндагони ваколатдори Ҳукумат огоҳиномаи хаттӣ ирсол карда мешавад. Ҳукумат ба Бонк шаҳодатномаи соҳибҳуқуқии (ваколатнома) шахси ваколатдор ва намунаи имзои тасдиқшудаи чунин кормандро пешниҳод мекунанд, ки варақаи он дар Замимаи 2 (Варақаи мактуб оиди таъиноти шахси дорои ҳуқуқи имзо) оварда шудааст.

Қисми 8.03. Тағйирот

Ба Созишномаи мазкур бо роҳи тартиб додани ҳуҷҷати хаттӣ, ки он аз ҷониби намояндаи ваколатдори Ҳукумат ва корманди ваколатдори Бонк имзо карда мешавад, тағйирот ворид намудан мумкин аст.

Қисми 8.04. Забони англисӣ

Созишномаи мазкур бо забони англисӣ омода гашта, ба расмият дароварда шудааст. Ҳама гуна ҳуҷҷате, ки тибқи Созишномаи мазкур пешниҳод мегардад, ба забони англисӣ омода мешавад. Ҳуҷҷатҳо бо дигар забонҳо бо тарҷумаи он ба забони англисӣ пешниҳод шуда, дурустии тарҷумаи онҳо расман тасдиқ карда мешавад.

Қисми 8.05. Озодшавӣ аз уҳдадорӣ

(а) Ҳукумат масъулияти пурраро ба зимма мегирад ва розӣ ҳаст, ки Бонк ва шахсони мансабдори он, директорон, кормандон, мақомот ва хизматчиёнро аз ҳама гуна уҳдадорӣ, масъулият, зарар, талафот, ҷарима, даъво, амалҳо, андозҳо, хароҷоти судӣ ва ҳама гуна хароҷот (аз ҷумла хароҷоти мақсаднок барои адвокат ва тафтишот), аз ҷумла ва умумияти гуфтаҳои дар боло зикргардидаро маҳдуд накарда, он чизе ки аз Созишнома бармеояд ё ҳуқуқвайронкунӣ (рафтори хунукназарона) ё уҳдадории ҳатмӣ ё ба таври дигар, ки ба зиммаи Бонк ва шахсони мансабдори он, директорон, кормандон, мақомот ва хизматчиён гузошта мешавад (новобаста аз он ки аз ҷониби шахси дигар ё аз рӯи ҳуҷҷати дигар ҷуброн шудааст), ва дар ҳар сурат мустақиман ё ғайримустақиман алоқаманд аст ё аз он бармеояд, озод гардонанд, аз ҷумла:

(1) аз ҳама гуна амалиёт, иҷро, пешниҳод ё анҷомёбии он, ки бо Созишномаи мазкур пешбинӣ шудаанд;

(2) аз истифодабарӣ ё хизматрасонии иншоотҳои Субъекти лоиҳа ё назорати моликият ё соҳибмулкии онҳо аз ҷониби Субъекти лоиҳа;

(3) аз амалигардонии ҳама гуна ҳуқуқ ва воситаҳои ҳифзи ҳуқуқӣ аз ҷониби Бонк тибқи Созишномаи мазкур,

ба шарте ки Банк ҷуброни зарарро барои рафтори ғаразноку хунукназаронаи худ талаб накунад.

(b) Ҳукумат эътироф мекунанд, ки Бонк бо бастани Созишномаи мазкур танҳо ба ҳайси Грантдиҳанда баромад мекунад, на ба ҳайси мушовириҲукумат. Ҳукумат изҳор менамояд ва кафолат медиҳад, ки ҳангоми бастани Созишномаи мазкур онҳо на ба тавсияҳои Бонк, балки ба тавсияҳои мушовирони худ дар соҳаи ҳуқуқ, молия ва дигар мутахассисон такя карданд ва минбаъд низ ба маслиҳатҳои Бонк такя намекунанд.

Қисми 8.06. Ба каси дигар додани ҳуқуқу уҳдадориҳо

Ҳукумат наметавонад ҳуқуқ ва уҳдадориҳои дахлдори худро пурра ё қисман бе огоҳиномаи пешакӣ ва бе розигии Бонк ба каси дигар диҳад ё тариқи дигар онҳоро гузашт кунад.

Қисми 8.07. Ҳуқуқҳо, воситаи ҳифзи ҳуқуқӣ ва даст кашидан

Ягон амал ё предмет новобаста ба қисми мазкур наметавонад ба ҳуқуқ ва воситаи ҳифзи ҳуқуқии Бонк дар доираи Созишномаи мазкур зарар расонад. На таҷрибаи пешбурди амалиётҳои корӣ, на иҷро кардан ё иҷро накардани ҳама гуна ҳуқуқ, ваколат ё воситаҳои ҳифзи ҳуқуқи Бонк маънои вайрон кардани чунин ҳуқуқ, ваколат ё воситаи ҳифзи ҳуқуқ ё даст кашидан аз онҳоро надорад. Ҳама гуна радкунии шарту шароитҳои Созишномаи мазкур бояд ба таври хаттӣ тартиб дода шавад ва аз ҷониби Бонк имзо гардад. Агар Бонк аз ягон шарти бо пардохти маблағ барои азнавсозӣ алоқамандбуда даст кашад, Ҳукумат бо гирифтани маблағи пардохт бо шартҳои чунин радкунӣ розибуда ҳисобида мешавад ва ҳуқуқи Бонк ба талаб намудани риояи чунин шарт бо мақсади истифодаи он дар сурати анҷом додани пардохтҳои баъдина нигоҳ дошта мешавад. Ҳуқуқ ва воситаҳои ҳифзи ҳуқуқ, ки дар Созишномаи мазкур ва дигар созишномаҳои дар доираи Созишномаи мазкур пешбинишуда, оварда шудаанд, муштарак буда, ба иҷрои минбаъдаи он ё иҷрои ҳама гуна дигар ҳуқуқ ё воситаҳои ҳифзи ҳуқуқӣ халал намерасонанд.

Қисми 8.08. Ошкор намудани маълумот

Агар Бонк зарур шуморад, пас бо мақсади ҳалли баҳсҳои ба Ҳукумат ва Субъекти лоиҳа дахлдор ҷиҳати нигоҳ доштан ё истифодаи ҳама гуна ҳуқуқи Бонк аз рӯи Созишномаи мазкур ё дигар созишномаҳо, ё бо мақсади гирифтани маблағи қарзе, ки ба Бонк бояд пардохт карда шавад, ё бо мақсади таҳия намудани гузориш тибқи талаботи Созишномаи донорӣ метавонад мазмуни ҳуҷҷатҳо, маълумот ва гузоришҳоеро, ки ба Ҳукумат ва Субъекти лоиҳа тааллуқ доранд, (аз ҷумла нусхаҳои Созишномаи мазкур ва дигар созишномаҳои дар доираи Созишномаи мазкур пешбинишуда) ошкор намояд.

Қисми 8.09. Нусхаҳои Созишнома

Созишномаи мазкур дар якчанд нусха ба забони англисӣ, ки ҳар яке нусхаи асл ҳисобида мешавад, тартиб дода шуда, ҳамаи нусхаҳои он як ҳуҷҷатро ташкил медиҳанд.

БАРОИ ТАСДИҚИ ГУФТАҲОИ БОЛО, Тарафҳо дар шахсияти намояндаҳои ваколатдори худ Созишномаи мазкурро дар се нусха дар санаи дар боло зикршуда имзо намуданд.

Ҷумҳурии Тоҷикистон

Аз ҷониби:______________________________________

Ному насаб:

Вазифа:

Бонки Аврупоии Таҷдид ва Рушд

Аз ҷониби: __________________ ­­­­­­­­­­­­­­­­­­­____________________

Ному насаб:

Вазифа:

ЗАМИМАИ 1. ВАРАҚАИ ДАРХОСТ БАРОИ ҶУДО НАМУДАНИ МАБЛАҒҲО

Бонки Аврупоии Таҷдид ва Рушд

One Exchange square

Лондон EC2A 2JN

Британияи Кабир

Ба шуъбаи амалиётӣ маъмурӣ

Амалиёти № (Қисмати грант)

Дархост барои ҷудо намудани маблағҳо №1

№: Созишномаи Грантӣ аз санаи ___________ байни ____________ ва Бонки Аврупоии Таҷдид ва Рушд (минбаъд - Бонк).

Бо ҳуҷҷати мазкур пардохти мазкурро мутобиқи муқаррароти дар боло зикргардидаи Созишномаи грантӣ дархост мекунем:

Асъори Грант:               (Евро)

Асъори талабмешудаи пардохт:       [2]

Пули маблағгузоришаванда/Асъор:    [3]

Санаи ворид шудани пардохт:        [4]

Пардохт мешавад ба (Грантгиранда): [5]

Номгӯи суратҳисоби Грантгиранда:   [6]

Рақами суратҳисоби Грантгиранда:   [7]

Номгӯи бонки Грантгиранда:         [8]

Суроғаи бонки Грантгиранда:        [9]

Нишонии Бонки муросилотии Грантгиранда:

Номгӯи Бонки муросилотӣ:           [10]

Суроға:                            [11]

Номгӯи суратҳисоб:                 [12]

Рақами суратҳисоб:                 [13]

Таъиноти пардохт:                  [14]

Почтаи электронии қабулкунанда:    [15]

Бо ҳуҷҷати мазкур мо тасдиқ мекунем, ки қаблан пардохтҳоро барои пур кардани хароҷот аз маблағгузории грантӣ барои азнавсозӣ дархост накардаем. Мо аз воситаҳои дигар грант ё қарз барои ин мақсадҳо нагирифтаем ва нахоҳем гирифт.

Мол ва хизматрасониҳое, ки тавассути дархости мазкур пур шудаанд ё харидорӣ карда мешаванд, ба муқаррарот ва шартҳои маблағгузории грантӣ мутобиқат мекунанд.

Бо ҳуҷҷати мазкур мо тасдиқ мекунем, (i) уҳдадориҳои дар Созишномаи грантӣ ва Созишномаи қарзӣ барои азнавсозӣ риоя мекунем; (ii) шартҳои дар қисми 2.02 (с) Созишномаи грантӣ барои азнавсозӣ омада ба ин маблағгузорӣ ҷавобгӯ аст; ва (iii) ягон вазъияте ҷой надорад, ки метавонад ба фаъолият ё вазъи молиявии мо, ё ба қобилияти мо дар хусуси иҷрои лоиҳа ва иҷрои уҳдадориҳои худ аз рӯи Созишномаи грантӣ барои азнавсозӣ таъсири манфӣ расонад.

Бо эҳтиром,

(16)

Аз номи: ______________________

Ному насаб:

Вазифа:

Замимаҳо: - Миқдори умумии номгӯи шартҳо: (17)

          - Миқдори умумии номгӯи ҳуҷҷатҳо: (18)

Қайдҳо барои пур кардани дархост барои ҷудо намудани маблағҳо

1. Ҳукумат бояд ҳар як дархостро рақамгузорӣ намояд. Ба дархости якум барои воситаҳои грантӣ рақами 1 гузорад, дархостҳои минбаъдаро ҳамчун 2, 3 ва ғайра рақамгузорӣ намояд.Ҳукумат бо ихтиёри худ бояд рақамҳои тамоми воситаҳои грантиро, ки дар доираи Созишномаи мазкур пешбинӣ шудаанд, ба ҳисоб гирад. Бланкаҳои дархостҳо бояд ҳамон як системаи пайдарпаиро татбиқ намояд, новобаста ба он, ки онҳо барои пардохти мустақим ё ҷубронпулӣ пешбинӣ шудаанд. Истифодабарии системаи рақамгузорӣ ба бесарусомонӣ роҳ намедиҳад, зеро дар ҳолати нигоҳ доштани мактубҳо дар почта онҳо тавассути факс якчанд маротиба ирсол карда мешаванд.
2. Асъори маблағи талабмешудаи воқеиро гузоред. Он ё асъори грант мебошад, ё асъори хароҷотҳо (ниг.(3) дар поён). Дар акси ҳол, дар баъзе ҳолатҳо Бонк розӣ мешавад, ки бо асъори сеюм пардохт намояд, ки дар ин ҳолат он ҳамчун шахси ваколатдори Ҳукумат бо мақсади ба даст овардани асъори мазкур баромад мекунад.

Агар маблағ бо зиёда аз як асъор дархост карда шавад, он гоҳ барои ҳар як асъор дархости алоҳида истифода мешавад.

3. Воситаҳои маблағгузоришаванда - хароҷоти аввала бо асъори аввала мебошанд, ки дар номгӯи шартҳо оварда шудаанд ва бо фоизи дахлдор ҳисоб карда шуда, дар моддаҳои маблағгузоришавандаи грантии Созишномаи грантӣ зикр гардидаанд. Маблағе, ки дар ин ҳуҷҷат зикр гардидааст, бояд ба маблағи умумии банди (15)-и номгӯи шартҳо мутобиқат кунад.
4. Санаи ворид шудани пардохт, ин санае мебошад, ки аз суратҳисоби БАТР тавассути супоришномаи пардохтӣ интиқол дода мешавад. БАТР кафолат намедиҳад, ки ба суратҳисоби Грантгиранда ҳамон рӯз маблағ ворид мешавад, зеро ин ба тартиботи системаи клиринг ё бонки қабулкунанда дар давлати Грантгиранда вобаста аст. 15 (понздаҳ) рӯзи амалиётӣ лозим мешавад, то ки БАТР дархостро қабул намуда, санаи ворид шудани маблағро муайян намояд. Агар маблағ на дар санаи пардохт, балки пештар лозим шавад, он гоҳ беҳтар мешавад, агар Грантгиранда ба ҷои қайд намудани санаи муайян ибораи «ҳар чӣ зудтар»-ро дар сатри 4 зикр намояд. Дар ин ҳолат БАТР маблағро дар ҳар сурат дар давоми 15 (понздаҳ) рӯзи амалиётӣ, аммо то қадри имкон зудтар пешниҳод мекунад (ҳаминро ба назар гиред, ки агар дархост дуруст ва пурра пешниҳод карда шавад, пардохти маблағҳо дар давоми 15 (понздаҳ) рӯзи амалиётӣ анҷом дода мешавад).
5. Воситаҳои пулӣ ба Грантгиранда пардохт карда мешаванд. Одатан Грантгиранда пудратчӣ мебошад, аммо агар Бонк дар шакли хаттӣ тартиби дигареро муайян накарда бошад, ва ҳуҷҷатҳои замимашуда (ниг. Номгӯи шартҳо) маълумотеро дар бар гиранд, ки аз ҷониби Қарздиҳанда ба Пудратчӣ пардохт намудани маблағҳоро исбот мекарда бошанд, пас маблағҳо ба Ҳукумат пардохт карда мешаванд.
6. Дар аксар ҳолатҳо номгӯи суратҳисоби Грантгиранда номи Грантгирандаро доро мебошад.
7. Рақами суратҳисоби Грантгиранда бо мақсади рӯй надодани таъхири пардохт талаб карда мешавад. Дар аксарияти давлатҳо, агар рақами суратҳисоби Грантгиранда дар супоришномаи пардохтӣ зикр нагардида бошад, пас Бонкҳо додани маблағро рад мекунанд.
8. Бонки Грантгиранда бонке мебошад, ки дар он суратҳисоби Грантгиранда ҷойгир аст. Номгӯи бонк ва шаҳрро қайд намоед.
9. Ба ҷои суроға номи шуъбаи Бонк ё рамзи SWIFT зикр мегардад.
10. Бонки муросилотии Бонки Грантгиранда танҳо дар он ҳолат талаб карда мешавад, ки агар маблағ бо асъори давлате, ки дар он бонки Грантгиранда ҷойгир аст, пардохт карда нашавад. Дар ин ҳолат, бонки муросилотӣ ин бонке мебошад, ки дар давлати асъори пардохтшаванда ҷойгир аст ва дар он Бонки Грантгиранда суратҳисоби худро дорад.
11. Ба ҷои суроға номгӯи шуъбаи Бонк ё рамзи SWIFT-и бонки муросилотӣ зикр мегардад.
12. Дар аксари ҳолатҳо номгӯи суратҳисоби Грантгиранда номи Грантгирандаро доро мебошад.
13. Агар бонки Қабулкунанда дар бонки муросилотӣ зиёда аз якчанд суратҳисоб дошта бошад, ё ин ки агар ӯ аъзои SWIFT (низоми байналмиллалии электронии пардохтҳо) набошад, рақами суратҳисоби Бонки қабулкунандаро қайд кардан муҳим аст. Дар акси ҳол ин рақам лозим аст, аммо ҳатмӣ нест. Агар рақами IBAN (Рақами суратҳисоби байналмиллалии бонкӣ) лозим бошад, бояд зикр гардад.
14. БАТР дар супоришномаи пардохтӣ таъиноти пардохтро зикр мекунад ва ин амал ба Грантгиранда барои муайян намудани пардохтҳо кӯмак мекунад. Агар таъиноти муайян талаб карда нашавад, БАТР номи Грантгиранда ва рақами Созишномаро зикр менамояд.
15. Барои Бонк суроғаи почтаи электронии Грантгиранда дархост карда мешавад барои фиристонидани оғоҳиномахо оиди пардотхтхо пеш аз оне, ки Бонк чунин пардохтҳоро анчом медиҳад. Чунин почтаи электронӣ бояд аз ҷониби Грантгиранда мунтазам тафтиш карда шавад.
16. Имзо. Номгӯи шартҳои дархост бояд аз номи Ҳукумат имзо карда шавад.
17. Номгӯи шартҳо тамоми номгӯи ҳуҷҷатҳоеро дар бар мегирад, ки ба дархост барои ҷудо намудани маблағҳо замима карда мешавад. Агар дар он номгӯй бисёр бошад, он гоҳ ба категорияҳо ҷудо намудани номгӯи шартҳо мувофиқи мақсад мебошад.

Номгӯи ҳуҷҷатҳо (шартномаҳо, ҳисобномаҳо, расидҳо ва ғайра) бояд рақамгузорӣ карда шуда, бо ҳамон тартибе, ки дар номгӯи шартҳо оварда шудааст, инъикос ёбад. Миқдори умумии онҳо бояд барои осонии баррасӣ ва тафтишот аз ҷониби БАТР инъикос гардад.

Ҳукумат: …………       Амалиёт:         Дархост:

Номгӯй: (1)         №: (3) №:        (4)

                                                           Моддаҳои гранти

                                                           маблағгузоришавандаи       Пардохтҳо:

(№/номгӯй/%)

Сана: (2) ........................    Номгӯи шартҳо:

                                      №: (5) ...........    (6) ...../............/..... 

Имзо                                                          Ҳамагӣ: (ба асъор)

(16 )..............................                           (15)________________________

                                                                  ........................

                                                                  ........................

Қайдҳо барои пур кардани номгӯи шартҳои Дархост барои истифодаи маблағҳо

1. Номгӯй. Номи Ҳукумат. Дар шакли Дархост барои истифодаи маблағҳо, ки ба он номгӯи шартҳо тааллуқ дорад, айнан ҳамон номгӯй зикр мегардад.
2. Сана: Санаи дархост. Дар шакли Дархост барои истифодаи маблағҳо, ки ба он номгӯи шартҳо тааллуқ дорад, айнан ҳамон сана зикр мегардад.
3. Рақами амалиётӣ: Айнан ҳамон рақаме мебошад, ки дар шакли Дархост барои истифодаи маблағҳо, ки ба он номгӯи шартҳо тааллуқ дорад, зикр мегардад.
4. Рақами дархост: Айнан ҳамон рақаме мебошад, ки дар шакли Дархост барои истифодаи маблағҳо, ки ба он номгӯи шартҳо тааллуқ дорад, зикр мегардад.
5. Рақами номгӯи шартҳо. Барои ҳар як Дархост барои истифодаи воситаҳо, номгӯи шартҳо аз 1 сар мешавад, ва миқдори умумии онҳо дар шакли Дархост барои истифодаи маблағҳо, ки ба он номгӯи шартҳо тааллуқ дорад, зикр мегардад.
6. Моддаи бо грант маблағгузоришавандаи пардохтҳо. Моддаҳои гранти маблағгузоришаванда барои Лоиҳа мебошад, ки аз ҳисоби воридоти воситаҳо маблағгузорӣ мешаванд. Аз Созишномаи Грантӣ пурсон шавед, ки ном ва рақами Моддаҳои гранти маблағгзоришаванда ва фоизи хароҷотҳои маблағгузоришавандаро дарёфт кунад (мисол, Моддаи гранти маблағгузоришаванда №(3б), таҷҳизот, 60%).

Агар як Дархост барои истифодаи воситаҳо якчанд хароҷотҳои Моддаҳои гранти маблағгузоришавандаро рӯйпӯш кунад, он гоҳ барои ҳар як Моддаи гранти маблағгузоришаванда номгӯи шартҳои алоҳида истифода мешаванд.

7. Рақами номгӯй. Тамоми номгӯи ҳуҷҷатҳо (ҳисобномаҳо, Шартномаҳо, расидҳо ва ғайра) бояд бо ҳамон тартиб оварда шаванд, ки чун дар номгӯи шартҳо инъикос мегарданд. Бо мақсади осон намудани муайянкунии онҳо, ҳуҷҷатҳо аз 1,2,3 ва ғайра оғоз шуда, бояд рақамгузорӣ карда шаванд, ки ба ҳар як дархости нав барои истифодаи воситаҳо гузошта мешавад ва рақами мазкур дар ҳуҷҷат бояд равшан қайд карда шавад. Миқдори умумии номгӯйҳо барои тамоми номгӯи шартҳо дар шакли Дархост барои истифодаи воситаҳо зикр мегарданд.
8. Тавсифи номгӯй. Ҳар як номгӯйро тавсиф диҳед, ба монанди «ҳисобнома», «расид», «шаҳодатномаи муҳандис», «Тарҷумаи …» ва ғайра.
9. Рақами тартибӣ ва санаи Шартнома. Ҳангоми бастани Шартнома байни Грантгиранда ва Пудратчӣ, Шартнома бояд рақами аслии худро дошта бошад. БАТР ин рақамро бо мақсади баҳисобгирӣ қабул мекунад. Дар ҳолате, ки агар ба Шартнома рақами аслии худ гузошта нашуд, БАТР онро рақамгузорӣ мекунад ва ҳангоми тасдиқи он ба Грантгиранда ин рақамро пешниҳод мекунад. Агар Грантгиранда дар вақти пур кардани номгӯи шартҳо рақами онро надошта бошад, он гоҳ БАТР ин қисматро худ анҷом медиҳад.

Санаи Шартномаи таҳвил/харид бояд дар ҳамин сутун зикр гардад.

Эзоҳ: дар ҳолати таҳвили мол, кор ва хизматрасонӣ (11), айнан ҳамин Шартнома метавонад дар Дархост оиди истифодаи воситаҳо инъикос гардад, бинобар ин пардохт барои чунин мол, кор ва хизматрасонӣ тавассути марҳилаҳо бояд анҷом дода шавад.

10. Ном ва суроғаи Пудратчӣ. Ном ва суроғаи Пудратчии Грантгиранда дар Шартномаи таҳвил ва харид, ки дар сутуни (9) оварда шудааст
11. Тавсифи мухтасар оиди мол, кор ва хизматрасонӣ. Ин мол, кор ва хизматрасониҳо бояд ба маълумоти муфассале, ки дар Созишнома ё дигар ҳуҷҷатҳои мавҷуда пешниҳод шудааст, мувофиқат намояд, ва дар доираи Моддаҳои гранти маблағгузоришаванда инъикос гардад (6)
12. Асъор ва маблағи умумии Шартнома. Маблағи умумии Шартнома бо асъори аввала дар сутуни (9) оварда шудааст.
13. Асъор ва маблағи хароҷотҳои иҷозатдодашуда. Ба хароҷот: маблағи умумие, ки бо асъори аввала пардохт шуд, ки тавассути ҳисобнома ва дигар ҳуҷҷатҳо дар сутуни (7) ва (8) оварда шудааст. Агар ба ҳар як хароҷот (ҳисобнома, шаҳодатнома ва расид, ҳамаи онҳо барои як хароҷот) зиёда аз як номгӯй мавҷуд бошад, он гоҳ ин номгӯйҳо ба қавс гирифта мешаванд, ва танҳо як маблағ дар сутун инъикос мегардад.
14. Воситаҳои маблағгузорӣ. Барои ҳар як маблағе, ки дар сутуни (13) оварда шудааст, дар сутуни (14) бояд маблағи мувофиқ зикр гардад, бо фоиз ҳисоб карда шуда, дар сутуни (6) инъикос гардад, ки ба категорияи номгӯи шартҳо мувофиқат мекунад. Воситаҳои маблағгузорӣ бояд бо асъори аввалаи Шартнома ва хароҷот бошад (сутуни 12 ва 13). Он метавонад ё наметавонад чун асъори қарз ё асъори пардохт бошад.
15. Ҳамагӣ. Маблағи умумии маблағгузорӣ, ки дар сутуни (14) оварда шудааст, бояд ба як маблағи умумӣ ба асъор ҳамроҳ карда шавад. Барои дархости мустақими истифодаи воситаҳо, маблағи дар ин сутун оварда шуда, бояд ба маблағи мустақими шакли дархости истифодаи воситаҳо, сутуни (9) мувофиқат кунад.
16. Имзо. Номгӯи шартҳои дархост бояд аз номи Грантгиранда имзо шавад. Ниг. Шакли Дархост барои истифодаи воситаҳо барои талаботҳои имзогузорӣ.

Замимаи 2 – Шакли мактуб оиди таъиноти шахси дорои ҳуқуқи имзо

Бонки Аврупоии Таҷдид ва Рушд

One Exchange square

Лондон EC2A 2JN

Британияи Кабир

Ба Шӯъбаи амалиётӣ маъмурӣ

Амалиёти № (Қисмати грант)

Мактуб оиди таъиноти шахси дорои ҳуқуқи имзо

Мутобиқи Созишномаи грантӣ аз санаи ___________ (Созишномаи грантӣ) байни (Ҳукумат) ва Бонки Аврупоии Таҷдид ва Рушд, хоҳишмандем, дар назар доред, ки намунаи имзои нотариалӣ тасдиқшудаи яке аз шахсони дар поён инъикосгашта, ваколатдор аст, ки аз номи Субъекти лоиҳа дархостҳоро барои истифодаи воситаҳо ва ҳамагуна дигар огоҳинома ва ҳуҷҷатҳое, ки барои барасмиятдарорӣ дар доираи Созишномаи грантӣ талаб карда мешаванд ва иҷозат дода шудаанд, имзо намояд.

              __________                               __________                       ______________

              __________                               __________                       ______________ 

              __________                               __________                       ______________ 

              __________                               __________                       ______________

Тамоми огоҳиномаҳои пешина, ки имзои шахсони мансабдорро барои имзо намудан аз номи Ҳукумат дар доираи Созишномаи мазкур дар бар мегиранд, бекор карда шуданд.

Таъинот аз тарафи Ҳукумат тавассути ирсол намудани мактуб ба Бонк оиди таъини шахси дорои ҳуқуқи имзо дар дилхоҳ вақт иваз карда мешавад.

Бо эҳтиром,

Аз ном ва бо супориши:

Аз ҷониби: __________________________

Ному насаб:                               Вазифа:

Қайдҳо барои пур кардани мактуб оиди таъиноти шахси дорои ҳуқуқи имзо

- Мактуб-иҷозатномаи дар боло зикр гардида бояд аз номи Ҳукумат аз ҷониби намояндаи дахлдори ваколатдори ӯ имзо карда шавад. Хоҳишмандем, дар назар доред, ки мутобиқи муқаррароти қисми 2.02 ё қисми 2.03-и Созишномаи грантӣ нисбати ҳамагуна чораҳое, ки барои андешидан талаб карда мешавад ва иҷозат дода шудааст, Мактуб-иҷозатномаи дар боло зикр гардида бояд аз номи Ҳукумат аз ҷониби шахси ваколатдори дорои ҳуқуқи имзо, ки дар қисми 2.02 (г) оварда шудааст, бояд имзо шавад.

- Дар ҳолате, ки агар ҳар як ҳуҷҷат аз тарафи якчанд шахсони ваколатдор имзо шавад, дар мактуб иҷозатнома бояд кушоду возеҳ қайд гардад, ва ҷумлаи якум бояд ба таври дахлдор ислоҳ карда шавад.

- Агар шахсони дорои ҳуқуқи имзо ба ду гурӯҳ ҷудо шаванд, пас имзои шахси ваколатдори ҳар яке аз онҳо дар алоҳидагӣ талаб карда мешавад, инчунин бояд кушоду возеҳ қайд гардад.