ҲУКУМАТИ ҶУМҲУРИИ ТОҶИКИСТОН

ҚАРОР

Дар хусуси тасдиқи Созишнома байни Мақомоти иҷроияи ҳокимияти давлатии Вилояти Мухтори Кӯҳистони Бадахшон (Ҷумҳурии Тоҷикистон) ва Ҳукумати вилояти Свердловск (Федератсияи Россия) оид ба амалисозии муносибатҳои иқтисодии байналмилалӣ ва хориҷӣ дар соҳаҳои тиҷорат, иқтисод, илм, техника, иҷтимоиёт ва гуманитарӣ

Мутобиқи моддаи 13 Қонуни Ҷумҳурии Тоҷикистон "Дар бораи шартномаҳои байналмилалии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Созишнома байни Мақомоти иҷроияи ҳокимияти давлатии Вилояти Мухтори Кӯҳистони Бадахшон (Ҷумҳурии Тоҷикистон) ва Ҳукумати вилояти Свердловск (Федератсияи Россия) оид ба амалисозии муносибатҳои иқтисодии байналмилалӣ ва хориҷӣ дар соҳаҳои тиҷорат, иқтисод, илм, техника, иҷтимоиёт ва гуманитарӣ, ки 28 ноябри соли 2023 дар шаҳри Душанбе ба имзо расидааст, тасдиқ карда шавад.

2. Мақомоти иҷроияи ҳокимияти давлатии Вилояти Мухтори Кӯҳистони Бадахшон якҷо бо вазорату идораҳои дахлдор ҷиҳати амалӣ кардани Созишномаи мазкур чораҳои зарурӣ андешад.

3. Вазорати корҳои хориҷии Ҷумҳурии Тоҷикистон бо тартиби муқарраргардида ҷониби Россияро дар бораи аз ҷониби Ҷумҳурии Тоҷикистон иҷро гардидани расмиёти дохилидавлатие, ки барои эътибор пайдо намудани Созишномаи мазкур заруранд, огоҳ намояд.