ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи давлатии тайёр кардани кадрҳои сатҳи баланди илмӣ барои солҳои 2021-2030

Мутобиқи моддаи 11 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Барномаи давлатии тайёр кардани кадрҳои сатҳи баланди илмӣ барои солҳои 2021-2030, Нақшаи чорабиниҳо оид ба амалисозии Барномаи давлатии тайёр кардани кадрҳои сатҳи баланди илмӣ барои солҳои 2021-2030 ва Нақшаи дурнамои қабул ва хатми магистратура, аспирантура, докторантураи фалсафа (PhD)-докторантура аз рӯйи ихтисос, докторантура ва постдокторантура барои солҳои 2021-2030 тасдиқ карда шаванд (замимаҳои 1, 2 ва 3).

2. Академияи миллии илмҳои Тоҷикистон, академияҳои соҳавӣ, Вазорати маориф ва илми Ҷумҳурии Тоҷикистон, муассисаи давлатии "Комиссияи олии аттестатсионии назди Президенти Ҷумҳурии Тоҷикистон" ва вазорату идораҳои дигари дахлдор ҷиҳати амалисозии барнома ва нақшаҳои он тадбирҳои зарурӣ андешанд.

3. Ҳамоҳангсозии фаъолияти мақомоти давлатӣ ва вазорату идораҳо ҷиҳати амалӣ намудани муқаррароти барнома ва нақшаҳои он ва назорати иҷрои он ба зиммаи Академияи миллии илмҳои Тоҷикистон вогузор карда шавад.

4. Академияи миллии илмҳои Тоҷикистон доир ба ҷараёни иҷрои барнома ва нақшаҳои он ҳар сол то 1 март ба Ҳукумати Ҷумҳурии Тоҷикистон маълумот пешниҳод намояд.