Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 ноябри соли 2013, № 495

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба замимаи 1 "Ҳайати Шӯрои ҳамоҳангсозӣ оид ба бехатарии маҳсулоти хӯрокворӣ", ки бо қарори Ҳукумати Ҷумҳурии Тоҷикистон аз 2 ноябри соли 2013, № 495 "Дар бораи Шӯрои ҳамоҳангсозӣ оид ба бехатарии маҳсулоти хӯрокворӣ" тасдиқ шудааст, тағйиру иловаҳои зерин ворид карда шаванд:

- сархатҳои даҳум, понздаҳум, ҳабдаҳум ва ҳаждаҳум хориҷ карда шаванд;

- сархатҳои ҳаштум, нуҳум, даҳум, ёздаҳум ва дувоздаҳум бо мазмуни зерин илова карда шаванд:

"Муовини раиси Кумитаи бехатарии озуқавории назди Ҳукумати Ҷумҳурии Тоҷикистон;

Муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон;

Муовини сардори Хадамоти гумруки назди Ҳукумати Ҷумҳурии Тоҷикистон;

Муовини сардори Хадамоти назорати давлатии тандурустӣ ва ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон;

Намояндаи раёсати рушди инфрасохтори Дастгоҳи иҷроияи Президенти Ҷумҳурии Тоҷикистон (дар мувофиқа);".

2. Аз банди 2 замимаи 2 "Низомномаи Шӯрои ҳамоҳангсозӣ оид ба бехатарии маҳсулоти хӯрокворӣ", ки бо қарори Ҳукумати Ҷумҳурии Тоҷикистон аз 2 ноябри соли 2013, № 495 "Дар бораи Шӯрои ҳамоҳангсозӣ оид ба бехатарии маҳсулоти хурокворӣ" тасдиқ шудааст, калимаи "(Сарқонуни)" хориҷ карда шавад.